علمتني الحب بارت 12
علي :من وكعت رحت عليها ركض خفت بيها شئ كمت اطبطب على وجهها اشو هاي متكعد وعرفت انه ضغطها نازل لان مماكلة شئ ولاطالبه اي طلب من الفندق كمت شلتها على الجرباية ورفعت رجليها على مخدة وره شوية حست وكعدت شربتها عصير رجعت نامت طلبتلها اكل من جوه وجبت الها من كعدت وكلتها كالت مااريد اني اكل عفتها ونزلت افتر بالسيارة مالتي ماادري شبيه ليش هيج حالي شبيج يمه شبيها نور ليش مااخذتيها الي يمه ليش هيج سويتي بأبنج
------------------------------------------------
نور :التقيت بعلي بعد مااتحمل وكدامه بجيت وهو وعدني انه مايتقربلها وانه اني راح اصير اله تقوى خطيه شكللها تسويلي مرت 5ايام على زواجه ويوميه التقي بي حتى امي كامت تسأل ليش طلعاتكم كثرت تقوى كالتلها علمود حاجات النونو
تقوى اختي كلش حبابه وواكفة ويايه لان اني من تزوجت اركان وكفت وياها على الرغم الكل موافقوا بس اني قنعت بابا وماما لان هم ميردولي كلمه لان اني الصغيرة والمدللة بس علي مشكلته امه ومشكلة بابا ميحب يزوجني لشخص امه رافضتني وامي همات ماادري شنو الي بينها وبين نضال بس لازم اعرف صار 5سنين رافضتني نضال من وره امي ليش شسوتلها امي
-----------------------------------------------------
جنان:تعبت كلش خلال هال5ايام بس بالغرفة لاطلعة ولاطبه حتى للفندق جوه منزلت عبالك فصيلة وهذا علي يفتر بالجذب ماكال فد يوم تطلعين بس الى متى بعد 5ايام اخرى واني مشايفة بغداد صارلي سنة راح انزل افتر بالاسواق واذا كدرت ازور الكاظم كلش مشتاقتله ياربي رحمتك ودفع بلاك اعرف هذا اختبار منك بس ان شاء الله انجح بي واتجاوزه ثاني يوم فعلا طلع علي ب7 وماادري وين يروح اخاف اسألة او استحي اتدخل بشؤونه بدلت وراه وطلعت ساعة ب9 للاسواق افرفر رغم اني ممتعودة اطلع وحدي بس شسوي طكت روحي افتريت كم محل وطبيت للمول واشتريت لاهلي واخوتي ولخالتي نضال صوغة ولزهورة بنتها ولخوات علي ماحسيت بالوقت الا ساعة 3تفاجأت ونزلت ركض ورحت للغرفة مالكيت احد حمد لله ماكو لساه مجاه همزين لان تعبت ومابيه حيل سين وجيم دخلت للحمام وبدلت لبست من الي اشتريتهم تراكسود ولبسته ودااتوضه وطلعت من الحمام اشو هذا طب ركع الباب ركع عبالك بيته وجاه هجم عليه وجرني من شعري وكام يضرب ويعيط على راسي واني بس اتوجع من شعري وماادري ليش
علي:طلعت دااريد اشوف نور بس نور مااجت خابرتها متجاوب اعصابي وكفت لااهلها عرفوا شئ وهي انصادت الف شئ دخل ببالي ضليت 3ساعات انتظرها وماكو واخابرها وماكو رجعت للفندق طبيت للغرفة مالكيت جنان اعصابي وكفت وشطت للستار اكثر كلت اخاف راحت لبيت ن ر وحجت لام نور ومن تأخرت اكثر كلت طالعة وي صديقها او واحد وياها افتريت الفندق فر ادور عليها فوك 3ساعات وهي ماكو عقلي وكف جماله رقمها مااعرفه ياربي شسوي اني بياحال وهاي بياحال خابرت على نهى تنطيني رقمها بس نهى مبايلها جانت مفرمتته وماباقي بي اي رقم اتخبلت كعدت بالفندق جوه شربت نركيله وعقلي وبالي موكف عن التفكير وكلساعه تجي ببالي حسبه مسويتها هالجنان ماادري شسوي بعدين فكرت اصعد ارتاح لان تعبت كلش دخلت للارفة عصبي وجان اشوفها كدامي جريت شعرها واعيط بوجهها وين جنتي ولج وين وي ياك...د جنتي وين ويامن رحتي هي بس تبجي ويتعيط شعري شعري عوفني متفاهمت وياها وضربتها حيل وراجديات الا ان وكعت بالكاع والدمايه من خشمها تجري اني عفتها وطلعت بس توعدت الها الا اقتلها
جنان :عافني وطلع بدون ميسمع او يتفاهم نمت مااعرف اغمى عليه من كثر الضرب على الكاع وماحسيت بعد شصار بالدنيا
#حياة
