علمتني الحب بارت 9
اعتقد ماعدا اني وعلي لان اصلا مواحد رايد الثاني اني مااريده مو مااحبه بس لانه نور وهو جانوا يحبون بعض بس علي اي مره بالدنيا تتمناه وخلص وطلع علي بس البنات وكفنه لانهن يردن ياخذن صور علمود الفيس وينشرن اني ماحجيت شئ بس علي رجع بأبتسامه
علي:يوم الخطوبه اول ماكمل عقد السيد جنان جانت لابسه شال من طلع السيد والرجال طبن النسوان علينا شالوا الشال من جنان جانت كلش حلوه عجبتني يمكن هذا الوقت الي لازم انسى نور ولازم انسى علاقتي بيها لبستها الذهب عطرها جان كلش طيب جسمها جان بارد بوقت اني الحراره شابه بيه والجو هم حار صحت نهى علمود تساعدني وفعلا ساعدتني وكملت وردت اطلع بس البنات وكفني الصراحه هي فرصه علمود اتمتع بشوفة جنان الي ربي رزقني بيها والي من خلالها راح احاول يمكن انسى الي كان من زمان
من كملنا رحت لاصدقائي مسوين حفله بسيطه بيتنا وركصنا وتونسنا ورجعت لغرفتي دااريد انام وفجأة اجاني اتصال من مبايلي رقم غريب جاوبت :الوو
.....:هئ هئ هئ مبرةك الخطوبه تتهنى
علي:نور نور شلونج
نور:جثة ميته لاتسأل عني هئ هئ هئ
علي:نور اريد اشرحلج نور الله يخليج لاتبجين نور نور
انقطع الخط
علي:حاولت الاتصال بتقوى مجاوبت كمت ادز رسايل لرقم نور اعتذار ووعود بس متجاوبني
اخر شئ كتلها نور بس الله يستر عليه ماراح اتقرب الها واذا اتزوجتها راح تكون خادمه الج لان انت الساس والاساس ولاراح المسها بيوم بس علمود رغبة امي بس انت اصبري اشهر واطلكها واتزوجج واخلي العالم كله يحجي بزواجنه ....بس هي مجاوبت وضلت نار بداخلي الى ان جاتني رساله ثاني من نور يوم انتظر وعدك كلش فرحت وكلش صرت بالسما
-----------------------------------------------------
نور:بيوم خطوبة علي جنت كلش مقهوره دزيت رساله لجنان بالماسنجر وكتبتلها متهنايه ولعلي خابرته وكمت ابجي اول ماسمعت صوته بعد ماسنه حظرته وماحجيت وياه ولااكلمه بس هسه خلاص علي الي ومايصير لغيري خابرته وبجيت بعدين هو دزلي رسايل يقنعني بيهن واقتنعت لان اعرف بكلبه مايدك لغيري واني احلى من جنان مامعقوله راح يحبها وارتاحيت من كالي اخليها خدامه الج بس اصبريلي لان اني اتمنى اكطعها لان وافقت على الرغم من انه فائزة كالتلي انه هي رفضت علمودج بس اني موافقتها الرأي وجنت حابه اشوفها تتحطم فدزيتلها رساله بليلة خطوبتها عل الماسنجر مبين لحد الان مشايفتها تقوى كالتلي لازم اعوفه وماارجع اله لانه حاليا الولد خاطب بس اني ماسمعت كلامها وقررت احارب علمود علي وعلمود يبقى بس الي
-------------------------------------------------
جنان:كعدت ثاني يوم الخطوبه وراسي يوجعني طبعا اجازة العيد رحمتني والا جنت ادمرت دوام وهذا كله جان انتهيت عزلت وي البنات شوي ورتبنا بدن البنات يحجن وياي ولازم اخذ رقمه ولازم اتقرب اله بس اني مالي واهس بي ولاالي نفس اباوع اله وفتحت المبايل الضهر العالم كلها تنيني على الخطوبه بس المفاجأة نور دازتلي متهنايه شنو قصدها طبعا شفتها وبدون ماارد الها شئ لان مااعرف شكول الها
-------------------------------------------------------
بده الدوام ومر3ايام على خطوبتي بعلي وبده الدوام طبعا لساه استاذ نوار يوديني ويرجعني بيبي اجت لبيتنا هي ونضال وشافوا انور يوصلني سلمت علي بيبي من وره خشمها ونضال ماادري شلونها ثاني يوم بالدوام اني ودانطلع اجه علي ونهى سلموا على استاذ نوار ونهى همات سلمت واجت بوستني وكالت يالله ويانا ترحين اني تفاجئت شنو وياكم كتلها لا اخاف زحمة استاذ نوار يذبني يم بيتنا كرصتني على كيفها وكالت شنو هالحجي مو عيب عليج استاذ نوار كاله لعلي :ها ابو حسين صاير هنا
علي:شنسوي هنا امانه يمكم
نوار:حق يابه حق
علي ابتسم ودنك وكاله بعد اني اوصل جنان اني كلش مستحية استاذ نوار كله كيفكم واني شوكت متحتاجوني اني موجود
علي:اجت امي عليه للبيت وكالتلي لازم تاخذ خطيبتك وياك بالسيارة مو عيب تروح وتجي وي رجال اكيد خالتي نجاح وازه براسها او هي جنان كايلتلها ثاني يوم واحنا دانطلع للدوام اجت نهى وكالت امشي دانروح انجيب جنان خابرتني ماما وكالت اذا مرجعتوها لبيتها اليوم تنكلب الدنيا وفعلا رحت وشفت جنان هناك وي نوار حجيت وي نوار شويه ونهى حجت وي جنان واخذناها وطلعنه ركبت هي ليوره على الرغم من انه نهى توسلت بيها تركب ليكدام بس ماقبلت همزين لان مااتحمل وجودها وضلت ساكته ونهى جانت كوه تطلع منها الحجي ومني همات لان اني مطايقها ذبيناها بيتها وطلعنا وطبعا حاليا احجي وي نور بدون محد يدري ونور فدواتها تحجي وياي وهي بلسم حياتي منتظر اتزوج جنان واطلكها علمود امي ترتاح واريح روحي واتزوج حب حياتي نوره ....
---------------------------------------------------
جنان: ضل علي يوميه يوديني ويجبني بدون مايحجي وياي ولااني بس سلام بوجود نهى مر عل هاي الحالة شهر الا ان فد يوم من الايام جنت اني بالممر وجنت اشاقه واضحك وي استاذ نوار وسليم مهندس ويانا عمره ب30وخاطب وجنا نضحك ونسولف ولمحت علي بالممر جان يمشي ويخزرلي مافهمت تعبيره او ماانتبهت عليه مااعرف من خلص الدوام نفس الروتين صعدت ليوره ونهى بالصدر علي جان مبين عليه عصبي نهى سألته شبيك ضل يحجي وياها عل الشغل الاخطاء بالشغل اني ممهتمه الهم نزلوني بالبيت وره يومين استاذ نوار نشر انه اجاه ولد اني كلش فرحتله وعلقت اله وعلي علق ورايه مباشرة ومنطي على تعليقي اعجاب ومااعرف شنو السالفه ثاني يوم من الصبح اجه عليه ونهى جانت موجوده حجينا نهى كالتله اليوم عندي خفر ولازم ابقى علي بس يأشر براسه مجان يحجي اجه سليم عليه بالدوام وهم بالممر وحجه ويايه بتبسبس وجان كلش قريب عليه وحريص انه صوته ميطلع لان جان يريد يحظر مفاجأة لاستاذ نوار علمود المولود الجديد واني همات كمت اقترح وياه على الهدية وكذا وعلي شافنه وجانن عيونه شراره وهم مغلسه مامنتبه عليه
علي:من شفت جنان تحجي وي المهندسين وتضحك ردت اروح واكفشها من شعرها بس شوي وكلت اني شعليه ومن شفتها علقت على الفيس لانوار اتخبلت نطيتها اعجاب بمعنى انه اني الج وثاني يوم بكل صلافة واكفه وكلش قريبه على سليم حتى ماراعت العالم وماادري شتحجيله وشحجيلها ومن خلص الدوام واني اتمنيت اروح واجيبها من شعرها ولحسن الحظ انه نهى عندها خفارة علمود ارزل على راحتي فأجت جنان ورادت تصعد ليوره
علي :اصعدي هنا واشرتلها ليكدام
جنان:ها
علي فتح الباب الها
جنان:اني صعدت بدون مااجادله لان استحي منه بس الصراحه اني ارتاح من اركب ليوره لان هنا بالصدر مااخذ راحتي هو ركب وكام يسوق بس على كيفه حسيت الطريق صار سنه وفجأة اتصل بيه المهندس سليم
جنان:الو هلو استاذ شلونك
علي:سمعت تلفونها واني تخبلت
جنان:ها اي والله طلعت ديالا باجر ان شاء الله اني راح اطلع اليوم للسوك واشتريها وباجر انطيني لفلوس ماشي ماشي
غلقت المبايل
علي:ويامن راح تطلعين للسوك وشعندج
جنان:وي عمتي راح نشتري لابن نوار هدية اني وسليم
علي:راح يكون سليم بالسوك
جنان:لا اكيد بس اني وعمتي
علي :وانت شعليج بأبن نوار
جنان:شلون لعد مو واجب
علي:ها واجب صكيت اسنوني واني اسوق اريد بس اضربها واخلص عليها من وره كلامها ..لاترحين للسوك شنو الي تردي اني اليوم اطلع واجيبلج
جنان:لا خاف زحمه
علي:باوعتلها بخزره وكتلها مااريد اسمع حس
جنان:اني سكتت مااريد اجادل وياه
علي ماادري ليش هيج سويت وياها ليش معقوله اغار عليها اي ليش لا هاي عائدة الي بعد ومااسمح الاحد يحجي عليها نزلتها لجنان لبيتهم وثاني يوم جبتلها الهدية علمود اتوديها لنوار وجانت حلوه وانطيتها هديه هم مني لابن نوار هي ابتسمت الله ابتسامتها طفوليه وعدها رصعة بس مامبينه المهم كملت واني بالشغل شفت استاذ نوار كالي مشكور شنو هاي عذبت نفسك كتله لا والله رادلنا جيه اني وجنان بس تدري شغل ومااعرف ايش هو عذرني بس اني تفاجئت من طريقة كلامي واول مره احجي اسمها ليش لا مو هي راح تصير مرتي لالا علي انت لازم تكرهها وتلزم حدودك
مر اسبوع اخر ونفس الروتين شغل واوصل جنان وباليل لنور وجان بالعيد الكبير حددت امي وخالتي العرس وكالت لازم وره محرم نسوي العرس اني فرحت بس ماادري شنو هاي الفرحة علمود نور لو جنان وليش ماادري .......
---------------------------------------------
جنان:بالعيد الاضحى كاعدين وحددن العجايز الزواج واني تفاجئت لان كلشي ممحضرة لهذا رحنا للسوك اني وبنات خالاتي وعماتي ونهى اتسوكنا للعرس لان بمحرم مايصير نتسوك مزين وفعلا جهزت اشياء وبقت اشياء بس يخلص محرم اجيبها ودخل محرم وعلى وشك ان ينتهي واني لساني وي علي بس كلام وماكو اي شئ احسن بس شلون بليلة العرس شراح يصير علي حاجز فندق بغداد 10ايام وراها ماادري شنو ناوي وقرر هو انه العرس من البيت يصير مو قاعة وفعلا خلص محرم والتجهيزات صارت والعرس شحلاته اخ اصعب شئ بيوم الحنة اجه هو واني طلبت شال لان استحي جنت لابسه بدله لونها يجنن وضارب عليه وطالعه بيضه والمكياج نازك عليه وطالعه كلش حلوه 😊 علي احم اول مشافني اني شفتهه ونزلت راسي اجت عمتي شالت الشال مني بينت زنودي و اخذنا صور ويمكن جانت احلى كلمه من علي تطلع من يوم الي شفته لليوم وكالي طالعه حلوه واني ابتسمت ونزلت راسي
#حياة
