علمتني الحب ح10
علي :شفتها بيوم الحنه لجنان جانت طالعة تخبل ومن سحبت عمتها الشال منها وشفت الزنود والبياض والصدر ماادري شصار بيه وكتلها طالعة حلوة بس من رجعت للبيت خابرت نور ونور جانت تبجي بيومها وديت لو احرك جنان لاني نزلت دمعات من نور من وراها بس هديتها لنور وكتلهها شنو متوثقين بيه
----------------------------------------------------
نور:اني كلش احب علي ومااتحمل يصير لغيري ومن سمعت بي حنته ليوم تخبلت وضليت ابجي هواية وراها اتصل بيه واني بقيت ابجي بس هو طمئني واني لحد الان واثقه بي بس ماادري شنو راح يصير بالمستقبل
-----------------------------------------------------
جنان:كعدت من الصبح تحظيرات العرس وكذا اني بين خايفة وبين مستحية وبين فرحانة شنو الي يفرحني ماادري شنو وبين انو مقهورة على نور مسكينة جان لازم هي تكون بدالي مو اني انقهرت من شفت خواتها بالحنة طبعا هم كرايبنا ولازم يكنون عندنا بالحنة شنو راح يصير معقولة راح تصيبني لعنة حبها يارب سترك
------------------------------------------------
علي:حظرت روحي للعرس اني قررت انه يكون عرسي من البيت مو قاعة لان بس نور الها الحق تخطط لعرسنا ومحد اله الحق ابد لاجنان ولاغيرها قررت انه يكون 10ايام فندق بغداد علمود اكدر التقي بنور حب حياتي اهمشي عندي نور حاليا اني بين الفرحان وبين الخايف من شنو مااعرف وليش مااعرف .....
اخذت جنان من بيتهم بسيارتي وجانت طالعة حلوة هواي معرفتها من حلاتها بس لازم ماافكر بيها لازم افكر بنور وبس وشلون لازم ادبر خطه علمود اخلص من جنان واتزوج نور
جنان:من اجه علي حسيت بوجع بطني مغص من الخوف فد شئ اشبه بالحلم ولازم اكعد منه بس فات الاوان وهذا الحلم تحول لواقع وارجو مايتحول لكابوس اخذني علي واني بالسيارة الطريق جان شوي طويل فنمت وماحسيت الا علي فتح الباب مال سيارة وكال يالله انزلي اني جنت نايمه وتعبانه حسيت بفزع كبير وشفت الفندق كلش حلو ولاحظت انه جان قريب على مرقد الامام الكاظم كلش حبيته للفندق بس من دخلنا الغرفة تحول الحلم للي جنت خايفة منه ......
علي:طبيت للغرفة مال فندق وقفلت الباب وهي جانت وراية متوتره وخايفة مااعرف شبيها حاجيتها وكتلها اسمعي انا وياج مامكن نصبح زوج وزوجه وجنت ناوي احجز غرفتين بس امي جانت يمي بالحجز لهذا اني حجزت غرفة اسمعي زين مااريدج تمثلين دور الزوجه اني احب وحدة وماممكن ابدلها ولا راح اسمح لاي وحدة وخاصة امثالج انه يحلن مكانها فهمتي
جنان:جنت واكفة ومصدومه هذا شدايحجي وليش هيج دايسوي صحيت من كال فهمتي جاوبته بعصبيه لاحسبالك اني فرحانه بزواجنا لا هذه رغبة بيبيتي وجنت لازم اتزوج علمود ابوية لاينحرم من خواله بيبيتي وامك هن المسؤولات لاتلومني ياحضرت الدكتور
علي:اني كلش عصبت عليها ودفعتها وكعت بالكاع ورحت كعدت على الجرباية وهي دخلت للحمام اسمع صوت بجي منها يمكن اني غلطان بس هي هم شنو ذنبها وره ساعتين طلعت من الحمام لساها بالبدلة واني جنت متمدد شفتها راحت على جنطتها جانت تدور ملابس تلبسها
جنان:بعد الي سمعته رحت كبل للحمام ليصير مشاكل اكثر وكعدت ابجي وره فترة طلعت من الحمام علمود انزع البدلة وعلمود البس بس المشكلة لبس البيت الي وياي كله قصير وربع ردن ومنا الجو جان بي بروده شلون طلعت من مال طلعة ملاتي ولبستهن فد شئ طويل فوك البنطلون وبنطلون بس اني ماارتاح بالبنطلون بس شسوي لازم البسه طبيت للحمام اريد انزع البدلة مااكدر كمت اصيح وي نفسي بعدين طلعت اريد مكص اي شئ حاد علمود اكصها وانزعها كلش خنكتني مالكيت بس سجين من مال عشه الي جانت على الطبلة الي يم الجرباية اخذتها وطبيت للحمام بدون مااقفل الباب لان ماتصورت راح يجي وراي ..
علي: طبت للحمام وطلعت مرة ثانية لساها بالبدلة ممصدكه يمكن بس هسه هي تريد شئ اخذت السجينه من على الطبله وراحت للحمام خفت لاتريد تنتحر تبعتها بسرعة للحمام وفتحت الباب شفتها تريد تنبتها بخصرها ذبيت السجينه منها ولويت ايدها
جنان:ايدي اخ عوفني
علي:لا تردين تبليني ولج عود انت مؤمنه ليش تردين تنتحرين
جنان:عوف ايدي من كلك اريد انتحر وليش انتحر على شنو محد يستاهل اخسر اخرتي علموده اخ عوف ايدي
علي:انت شلج بالسجينة لعد
#حياة
