علمتني الحب بارت 14
علي :اقتربت داابوسها بس هي لزمت الجرجف وغطت جسمها ودارت وجهها وكالت
جنان:ممكن تطلع بره اريد ابدل
علي:ضجت من كلامها شنو هالكلام كمت بدلت ورحت اريد التقي بنور ونسيت مبايلي فوك بالغرفة اتأخرت على الموعد بساعتين وصلت صايرة ب12 اباوع ماكو نور دورت تلفوني اريد ادك عليها ماكو رجعت للفندق
جنان:اني كتله هيج علمود يأيس مني اني احس انه هو يلتقي بنور بس مااكدر احجي شئ مو من حقي بس الله يستر ويصير كم شهر واطلب منه الطلاق لان لااريد اكمل وياه اي شئوخايفة لااوكع بحبه واتعلق بي طبيت سبحت وطلعت اشوتلفون بالغرفة يدك باوعت مكتوب القلب النابض عرفت هذا رقم نور مجاوبت دك كم مرة خفت لااجاوب واسمع منها عتب وخفت لااجاوب واحجي وره شوية سمعت صوت رسالة كمت صار عندي فضول ماعرفت رمزه لهذا عفته صليت وغسلت ملابسي وملابس علي طلبت غده دااكل وجان يجي علي
علي: مبايلي وين
جنان:اشرتله على الطبله واني بحلكي اكل وعيوني مفتحتهن اشو هذا فتح المبايل وضل يباوعلي
علي: جانت نور دازه رسالة وكاتبتلي بيها انساني ضليت اباوع لجنان واني ولايمها ردت ابجي الا اشويه واني مااعرف شسوي وبعدين اخذت التلفون ورحت للبلكونه خابرتها زعلانة لان تأخرت عليها وكمت احجي واتوسل بيها علمود ترضى واني اعصابي كلش تلفانه وهي تزعل بس حقها هي تخاطر وتطلع واني ملتهي لا ونايم يم ست الحسن احس روحي فعلا خاين وبعد عناء طويل ومراضاة ووتوسل يالله قبلت تصالحني ارتاحيت وفرحت وعاتبتها على البارحه ليش مااجت كالت تقوى جان عندها دوام وماكدرت تجيبني واليوم همات عندها دوام بس اخذتني بحجت ابنها وتاليها انت مااجيت وضلينا نحجي وواحد يرضي بالاخر واني اسمعها كلام غزل وهي همات الا ان ماحسيت على روحي واذا الساعة ب5 اووو هلكد طولت وي نور بس ميخالف تستاهل
جنان:اني شفته راح للبلكون مو قصدي اتنصت بس خفت لااكو شئ رحت وراه واسمعه يكللها او حبيبي واخذتني النومه .....لا هاي منو علمود اباوعلها ...اني بجيت وكلت ليش هيج شنو ذنبي بعدين كلت هذه التاخذ شئ مو من حقها رجعت لفراشي واني اخطط شلون راح احجيله عن تفكيري وتخطيطي الا ان غفيت وماحسيت الا ساعة 6على الاذان كعدت مخنوكه وماادري شبيه شفته كاعد فاتح التلفون ويراسل ويتبسم اوو بالعافية عليج نور ماخذه كل عقله وتفكيرة وحتى ضحكته اباوع عليه ياربي شكد حلو مال حظنة وهو صدره يوسع جبل مو وحدة بس ولحيته الي مزينه وجهه ياحلوها بعدين حسيت على روحي واستغفرت ربي ورحت للحمام اتوضيت وجبت جادر صلاة وكمت اصلي كملت و هو على المبايل ويضحك ولا كأنو اني موجوده مااحب اوخر عنه ضحكته باوعت على المراية لكيت اثار الجروح والضرب لساهن بوجههي يربي هاي اذا ارجع شكللهم استغفر الله رحت للبلكون واتفرج على شوارع بغداد ومناظرها بالليل ياجمالها وياحلوها بغداد شكد حلوة انت اه بس ناسي والحلة وشوارعها احلى لان بيها حنان اكثر منج يابغداد.....يابغداد... شكد جنت احبج ......وشكد غدرتي بيه..... بيج حبيبي مو حبيبي... وبيج اهلي مو اهلي... وبيج المر وماكو حلو رغم انت الشكر والعسل .....
ضليت تقريبا ساعة بالبلكون ماسمعت الا البلكون يندك عليه
علي:كعدت جنان ماباوعتلها نور جانت تحجي وياي وكلامها كله غزل دزتلي صورتها وحجينا هواي واشتاقيتلها اكثر لاحظت جنان راحت للبلكونه نور راحت امها تريد تسوي عشه لاحظت جنان بالبلكونه بعدها رحت صليت وكملت وجنان لساها دكيت عليها البلكون كتلها تنزلين نتعشه
جنان: اي بس ابدل وانزل
علي :خوش اني انتظرج بالباب ...الصراحة انقهرت عليها مطلعت ابد ولاطلعتها واثار الضرب لساها وبعد يومين ونرجع انتظرتها بالباب طلعت لابسه جبه قصيرة وكبوي وشالها جان حليبي وضارب عليها مو مثل نور لبسها بس حلو جذبني نور لبسها كله فساتين قصيرة لو ملابس ضيقة وبدون حجاب شعرها كله مفلول مافديوم فكرت انه اكلها بدلي لبسج لان الصراحة عاجبني واحس انه الناس تباوعلي وتكول شكد محظوظ هذا الي وياه هيج مرة باوعت لجنان جانت منزلة راسها وتمشي كعدنا على طاولة مال عشه جانوا اثنين كاعدين كبالنه وجانوا يذبون غزل اني مااهتميت الهم لان متعود وي نور دايما اطلع والعالم تباوعلي وتذب حجي الصراحة اني اضوج من كلامهم بس نةر تقنعني وتكلي هم يغارون منك لان وحدة حلوه وشعرها يجنن مثلي وياك اني ابتسمها ومطرب على كلامها....
جنان: ممكن نغير طاولتنا
علي:ليش تغيريها مكانها مناسب وبعدين طلبت وراح يجبون للرقمها الاكل
جنان:لعد تعال انت بمكاني واني بمكانك
علي :كيفج تعاي
جنان:شكرا غيرنا المكان والولد الاثنين مابطلوا لاحجي ولاكلام واني مامهتم الهم تعشينا وكملنا وصعدت للغرفة
جنان:اني اسفة دكتور بس انك تعرض مرتك وماتحجي شئ هذا خطأ مو بس من حجيت وي سليم كمت تصيح عليه بس انه يحجون زلم ويذبون كلام وانت موجود لا هنا وبس اني ماعندي كلام غير مع الاسف عليك وعلى رجولتك
علي: انت شبيج ليش هيج تحجين وانت شنو علمود يباعولج اشو مكبعه بالحجاب قابل مثل ....سكتت ردت اكول مثل نور
جنان:كمل دكتور مثل نور تريدني افل شعري وتفتر بيه وعندها انت تستمتع من العالم يباوعون لعرضك وللمرة الي تمشي وياها علمود يكلون كح...ة ويمشي وياها
علي :انت اسكتي وضربتها راجدي ...وطلعت وقفلت الباب ونزلت جوه واني اسأل روحي صدك تحجي اني ليش مافكرت اكلها لنور تتحجب او تغير لبسها ليش هيج معقوله الناس تحجي على نور صدك اني اعرضها للعالم صدك اني مو رجال مثل مكالت استغفر الله...
مرت يومين جنان تصدني واني اصدها واليوم راح نرجع لهذا لكيتها محظرة ومجهزة الجنط
علي:تعاي اريد احجي وياج
جنان:نعم
علي:اكعدي ....كعدت يمي على الكرسي وهي منزلة راسها . ... امي مااريدها تعرف بأي شئ عن الي صار واي شئ يصير بالمستقبل بينا مااريدها تعرف ولاعن نور ولاعن اي شئ واهلج همات وثاني شئ راح تبقى علاقتنا مثل ماهنا وانت وانا راح نتشارك نفس الغرفة بس كدام امي اني ماخذج ونعيش علاقتنا فاهمة
#حياة
اعتذر عن الطاله بارت طويل تعويض اتفاعلو حته يصيرلي واهس انزل
