علمتي الحب ح18
علي :جنت كاعد انتظر طلعة جنان هي ونور ماادري ليش مامتأثر كلش بنور وحتى من شفتها ماكنت اريد اعاتبها كنت اريد بس اشوف جنان شتريد اتسوي وماسمعت الا عيطه مال نور الحكو جنان اكعدي طبيت فاز واشوف جنان متمددة كلبتها ماكو فاقدة الوعي جابت ام نور ماي رشيت عليها شوي ححست شلتها خليتها على الكرسي ضغطها نازل اكيد صحت جيبولي عصير راحوا جابولي عصير انطيتها واني ايدي ترجف خايف عليها
نور:شفت علي شلون متلهف عليها وشلون يرجف علمودها تستاهل طيبة وحبابة صحتله علي اريد احجي وياك كلام
علي:نور اني بياحال عوفوني يالله جنان كومي تكدرين
جنان كمت ورجعت الدوخة وكعدت مااكدر
نور:علي بس شوي كلام احجي وياك اسمعني ....
علي باوعت على جنان هزتلي براسها كتلها احجي نور باوعت على ابوها وامها كالت بالغرفة يصير تجي رحت وياها نور احجي
نور:علي انت تعرف انه اني جنت احبك
عللي:اني هسه مااحبج
نور:راح تسمع لو لا
علي نزلت راسي
نور:علي اني عرفت انه اني مااحبك واني جنت اريد املكك وانت كذلك والدليل على هذا انت كدرت تبعد عني علي اني جنان علمتني الحب وعلمتني الحب بالحلال هو احلى حب وفعلا باسم حاليا بالنسبة الي يسوه عندي الدنيا وجنان همات تحبك وعرفت شلون تحبك جنان افضل انسانة وصديقة ابي جنان اتصلت بيه وكالتلي مدام علي يفرح ويسعد بيج اني راح احاجي خالتي واقنعها وفعلا هي حجت وياها وكل رزالة ترزلها تنشفها لجنان ورغم هذا جنان مايأست ولا راح تيأس مدام هي تحبك علي انت متشوف ليحبك انت تروح وره المضاهر علي ديربالك عليها علي الله يخليك احنا غلطنا ومشينا بالحرام ولازم نستغفر
علي اني مصدوم ورغم هذا من ذكرت حرام اني تخبلت شنو!
نور:اي حرام لزمة ايدي وصوري الي جنت ادزها الك وكلشي صار بينا الاسلام ميسمح بي بس احنا مشينا على انه حب وهو حرام بس رغم هذا الله انعم علينا بزوجين يحبونا اني وياك ماالنا طريق لان طريقنا من بدايته خطأ واني وياك مو لبعض لان ربنا قدره اكبر منا علي سامحني على كلشي ودير بالك على جنان كلش دير بالك عليها
علي :اني واكف ومصدوم من كل الكلام فعلا ياربي غلطت وياك ياربي سامحني طلعت نور ولساني مصدوم ربي مايقبل بالحرام ولا عقزق الوالدين رضاهم من رضاه وتعبهم منروحه من ورة مرة او حب هذا الشئ الي كله حرام مشينا بي سامحنا يارب ضليت واكف لربع ساعة الا سمعت نور مرة الاخرى صرخت علي وكالت جنان رجعت تخربطت طلعت ركض شلتها ووديتها للمستشفى بغداد هناك صديقي قاس ضغطها وكال علي لازم نحللها كتله مال شنو كال يمكن حامل اني فرحت وكتله خل نشوف دكتورة نسائية راح صديقي صاح زميلة اله دكتوره نسائية وحللت الها وفعلا طلتت حامل بس حملها ضعيف نطتني ابر ونطتني دوه الها وجنان بعدها على السرير فاقدة الوعي اجه ابو احمد وام احمد ونور وطمئنوا عليها ونور حجت وياي نفس كلامها وباركتلي وكالت هاي اشارة علمود تبقى وياها وتوادعنا اني ونور بعدها طلعت جنان من المستشفى وهي نايمة وركبتها بالسيارة واباوع عليها الطريق كله لونها مخطوف ومصفرة وبريئة يربي من صدك اني حبيتها اتذكرت امي محد خابرها وكللها على روحتنا لبغداد ولا اني خابرتها على حمل جنان استغفر الله جنان شسويتي هههه خابرت امي وحجيت وياها امي هلهلت بالمبايل كيفت شكد جنت ضالمها لامي لان عرضت على زواجي من نور شكد هسه اريد اشكرها لانها زوجتني هالجوهرة كملت مخابرة من امي اباوع عليها نايمة لساها يمكن تأثير االابر اخذت ايدها بستها صحصحت ......
#حياة
