علمتني الحب بارت 13
نزلت من الفندق راسي كلش يوجعني مااعرف وين اروح ساعة 4ونص رحت للكاظم وزرته واحس نفسي ارتاحيت بجيت وجان واحد اجاني وحجيت وياه بس ماحجيتله عن حياتي ولاعن زواجي لا حجي عادي بعدين صفنه ثنينا وصارت صلات المغغرب وكام الرجال وجان يكلي لاتخاف راح يرتاح كلبك بس يحتاج صبر الي عندك دوه وعلاج انت بنفسك راح ترتاح حافظ عليها ولاتخليها وحدها وابتسم ومشى
صليت وكملت ورجعت للفندق اشو هاي لساها على الكاع شبيها رحت هزيتها ماكو حطيت ايدي على رقبتها حمد لله لسااه النفس بيها شلتها على الجربايه وجها وشعرها جان بيهن دم رحت للحمام غسلت المنشفة مالتي ومسحت وجها والدم حست عليه كعدت واني مداير بال الها بس امسح بوجهها وشفتها اولي شفتها كلش حلوه منفوخه واخدودها تجنن يارب العفو منك..
جنان: والله بس طلعت للمحلات القريبه والمول الي هنا مطلعت لفد مكان بس تأخرت لان اخذت صوغه لاهلي
علي :مو معناها تطلعين وحدج شنو ماعندج رجال شنو اني هنا ك...د ادور عليج 4ساعات وماكو لو شايفج ابن حرام ورحتي بيها
جنان:اسفة بس والله اختنكت وكلت مااتأخر بعد مااعيدها والله وبديت ابجي
علي :بدت تبجي وعيونها تصب على جرحها الي بخدها واني جنت امسح بي كمت وكلتلها هسه اروح اجيب من الصيدلة كم غرض واجيج رحت للصيدلية واني الطريق كله اكول لنفسي علي شسويت بالبنيه حقها حابسها هالحبسه جبت من الصيدلية تعقيم وكريم مال جروح ورجعت للغرفة بالطريق خابرت نور بس ماكو مبايلها مغلق ياربي راح اتخبل شبيها هاي ليش مترد طبيت نطيتها العلاج وكتلها حطي على الجروح كامت هي كدام لمراية تحطه اني دكيت على نور ماكو ياربي شبيها فجأة شفتها شلون كدام المراية تحط العصارة والتعقيم خدها طفولي وحلو تمنيت اعضه ابتسمت ابتسامه واني اباوعلها على المراية
دك تلفونها اجت تركض علية طلعت امها
جنان:هلو ماما شلونج ...حمد لله ...نايمة ..حمد لله زين ..هاج هذا وياج ...همست ماما تريد تسلم عليك
علي:هلو عمه ...اهلا وسهلا ...اي اي ..لا متعبتني ...تسلمين ..هاج هاي وياج
جنان:هلو ماما حور شلونها ....لا والله 😂😂
علي:جانت تحاجي امها وتضحك وياها وانوب حاجت كل اهلها صحيح دوختني هواية تحجي بس اني ارتاحيت من شفت الضحكه بوجهها اخ شكد ظلمتها جنت ماخذ ضحكتها نزلت تعشيت ودزيت الها عشه للغرفة شربت نركيله وب1صعدت نمت لكيتها نايمه مثل الملاك رحت يم وجهها اشوف الجروح اشو كامت تون كعدتها شبيج
جنان:مدااكدر انام ظهري يوجعني
علي :جانت نايمة وتحجي درتها على ظهرها وجان نزعتلها فانيلتها الي لابستها بقت بس بالداخلي مالتها ظهرها جان مزوك واحمر اتذكرت من ضربتها على ظهرها لمست الجروح وجان تعيط جبت التعقيم وعقمته الها ورادت تلبس الفانيلة كتلها لا ميصير خل يطيبن بعد وين ضر....سكتت وين يوجعج..اشارت براسها انه ماكو بعد عفتها نايمه بس الليل كله كمادات على راسها لان صخونتها عالية وضربتها ابرة برستول واني يمها وجان ماادري شلون غفيت
جنان :بالليل اتعشيت ونمت على بطني بس اضاهر بالليل انكلبت على ظهري وكمت اون ماحسيت الا على صوت علي بس اني ماادري شرديتله كلبني على ضهري اني استحيت منه من نزعني فانيله مال تراكسود وعالج ظهري وحط كمادات على راسي اني نمت محسيت الا الصبح نايم جان بصفي ومنتجي ظهرة على الجرباية وايده على راسي فوك الكمادات باوعت عليه لحيته تجنن وعيونه نايمه وتعبانه . ابتسمت ياربي حلالي واني مااكدر اقترب منه ..دااكوم وجان ظهري ينغزني اني كلت اخ هو كعد على صوتي
علي: بيج شئ شكو
جنان:لا بس شوي ضهري حركني كعدت واني ماادري بروحي ملابسه فانيلة جنت بس بالداخلي
علي:كعدت كبالي وهي بس بالداخلي وصدرها نصه بارز كدامي وابيض وركبتها اخ وشكلها الناعس اغرتني اقتربت منها وردت ابوسها
جنان:لاحظت روحي بس بالداخلي وشفت عيونه تباوعلي ووتفحصني ......
#حياة
