علمتني الحب 6
اه شكد احب الجمعة اتمنى تجي وارتاح بيها بس اليوم لازم اروح لبيبيتي ام ابوية لازم انطيها شوية من راتبي لازم اخذ اخ من اخواني عيب اطلع وحدي بالمنطقة
جنان:سلوم كوم وديني اروح لبيت بيبي (اخوية الصغير بصف رابع اعدادي)
سليم :يبو منج 24 ساعة تنكين
جنان:وجع كوم وديني لبيت بيبي حوراء ترحين (اختي لصغيرة بصف ثالث متوسط)
حوراء :اي والله مشتاقتلها هسه ابدل واجي ماما متروح
جنان:ام جعفور عيني ترحين
ام جعفر:لا شيوديني تعبانه
جنان:يمه حبي ام جعفوري الغالية لاتشتغلين اني دقايق واجي
ام جعفر:خل اشوف اذا متباتين عندها
جنان:طبعا ماما وبيبيتي مو ربع دايما بيبي تحجي على ماما وتكول بسببها بعد ابوكم عني عبالك مو هي الي طردتنا من بيتهم وماما مرة ماعليها بشئ هي مدرسة مال رياضيات اخواني الاثنين جعفر اكبر مني صيدلة بغداد يداوم يم خوالي وصادق هندسة اتصالات بغداد سنة اخيره اله وهم يم خوالي فلهذا بيبي تحجي على ماما وتكلها هجرتيهم لبغداد كلهم متدري احنا نموت ونحيا على بغداد واني اتمنى اتزوج بغداد واشتغل بس بابا علمود بيبي لاتحجي عليه جابني لهنا شكد احب بغداد جنة رغم هوايه بيها خطف وتفجير بس بغداد بالنسبة الي جنة جنة
رحنا اني وسلوم وحوره لبيت بيبي والمفاجأة شفت هناك نضال هاي شتسوي جاية تزور بيبي اختها هي وياها حبايب ودهن ودبس المهم طبينا سلمنا وبوسنا بيبي حجيت وياها ونضال هم حجت وياي وانطيتها لبيبي لفلوس مال اول راتب الي وباستني وكالت الله يزيدج وسألت على جعفر لان تأخر عليها يمكن هم علمود الفلوس 😂شعلينا وكم كلمه منا ومنا وطلعت رجعت للبيت سويت عشه ونضفت ونمت ونفس الروتين الا ان صار يوم الخميس ورجعت للبيت ولكيت بيبي وياها اختها نضال بالاستقبال بهل ضهرية يحجون وي ماما وبابا استغربت هاي شعدهم طبيت بلامسي مال دوام وسلمت عليهم وبوستهم اشو نضال تباوعلي من فوك ليجوه وبيبي تتبسم امي ماادري وجهها ميتفسر وبابا هم يبتسم طبيت لغرفتي بدلت وصليت وجان اروح للمطبخ شفت حوراء سألتها هاي شكو اليوم كالت خالة نضال وبيبي تغدو عدنا واني سمعت شئ
جنان:كولي ولج شكو شنو سمعتي
حوراء :شكد تنطيني اذا اكلج
جنان:حددي المبلغ
حوراء:10الاف
جنان:عشتوو ليش اسم الله هيج الي سامعته مهم
حوراء:15
جنان:انجبي واحجي تره والله تشوفين ربع
حوراء:دولي لعد 20يالله احجي
جنان:دولي هسه يطلعون واعرف شكو مااريد الله لايعوزنا
حوراء:الامر يخصج وفد امر مهم
جنان:عليج الله حوحو احجي فدوه
حوراء:25واحجي
جنان:شكد كلبة والله ماانطيج ربع ضلي زيدي
حوراء:انت الخسرانة
جنان😝😝 صبيت اكل اكلت واني ببالي شكو شصاير رحت على سلوم اريد احد يحجيلي ماكو بس حوراء تعرف ضليت افر بس مو مال انطيها 25لام لسان الجايف علمود كم كلمة سمعتهم انتظرتهم يطلعون وره ساعة طلعت نضال بيبي ضلت صار اكو جدال وجان بيبي تصيحلي يمه خير خاف سامعين شئ خاف لبسي ماعاجبهم طبعا لبسي جان مانتوات بالدوام وبنطلون جينز وشال وشئ مستور وحلو بس بيبي جانت دايما تلح عليه البس جبب حتى جابتلي جبه بس اني مااقبل بما انه نضال تدخل بما لايعنيها خفت لاتكون كايله خل تلبس جنان جبب ومااعرف ايش دخلت للاستقبال واني ببالي الف سؤال بيبي كالت الي اكعدي اريد اخذ رأيج شبيها بيبي يمته تاخذ رأيي وكعدت يمها
بيبي:يمه جنان انت كبرتي ولازم تتزوجين كبل جان عندج دراسة وكلنا على مزاجها وكيفها هسه شكو هسه ماعندج اعتراض وخصوصا المتقدم الج مايعيبه عيب
بابا:يمه ياميعيبه جان مسوي علاقة حب والحلة كلها تدري بي
بيبي :انت لاتدخل معليك خل اشوفها هي شكلتي يمه جنان الي متقدملج ابن نضال وهو ترباية ايدي وجنتو تلعبون ليل نهار من جنتوا صغار
جنان:شبيج بيبي انت مو تعرفين انه هو يحب بنت ابو احمد
بيبي:ادري بس نضال كالت تركها وصار سنة من تركها وهو هسه يريد مره وماكو احسن منج احسن مترحين لغريب اخذي
جنان:لابيبي الله يخليج هو شدمر النسوان غير الكرايب لاعيني انت بيبي خليني بلا زواج احس
بيبي :مو كيفج كافي تكبرين راسج مو دكتور وكلشي شايل اخلاق ومال وفلوس وانت لازم تتزوجي
جنان:الله يخليج بيبي شنو هو اجبار مااتزوج وكمت طلعت وعفتهم
بيبي وراية كامت تحجي وتصيح:هيج بغداد تعلم هيج ولج تصيحين بوجهي هي هاي تربايتك كم مره كتلك لاتوديها بغداد بس انت ومرتك عندتوا واذا متزوجت جنان علي بعد ماعندي طبه لبيت واتبره منك
جنان:طبيت للغرفة بعد شوية وابجي واسمع صياح ببيبي واعتقد طلعت بابا يكلها يمه ابقي ومااعرف ايش ويتوسل بيها بس هي لفت عبايتها وطلعت اجت ماما عليه كالت بنتي لو اعرف اكعدج يمي واسويج خدامه ولا ازوجج واخليج جوه ايد نضال داتسوي وياج مثل اختها وانت واحد يصيح عليج تزعلين ومتحجين اسبوع عاد انوب نضال اتشوفج الويل
جنان:يمه موبس هاي ونور شكللها وجماله هي صديقتي عل الفيس
امي:معليج اني احلها بس هاي العجوز نجاح لاتتدخل كلشي بخير
جنان:اكلج يوم علي شلون يقبل يتزوج غير نور هذا ياحب الي يقبل بيه ويعوف نور
امي:يوو شعلينا دكومي اغسلي البطانيات مدام الماي يجري وكهرباء موجوده وباجر عطله
جنان:اي تأمرين ام جعفر الغالية -----------------------------------------------------
علي:امي وره جيبوبة فرح كامت تتخربط وضغطها يصعد ويومين هي على هالحال واني انطيها دوه ومااعرف سبب ارتفاع ضغطها فرح ضلت بالبيت يمنا وره الاربعين يالله ترجع لرجلها خطيه زهورة تخدمها ومرات اسيل تجي لعدنا وامي ماادري شبيها اني حاير وياها مرة صاحتلي وكالت اريد احجي وياك
نضال :يمه علي احس روحي راح اموت
علي :يمه اسم الله عليج لاتحجين هيج بس فهميني شبيج
نضال:يمه اريد منك طلب اخير حققه اليه قبل لااموت
علي :يمه عيوني الج
نضال:اتزوج يمه
علي :يمه كم مره حجينا وكتلج غير نور مااتزوج
نضال :لا اشو تتزوج والمرة الي اختارها
علي:اعذريني يمه هذا زواج واني الي اتزوج مو انت
نضال :والله تره بعد مااخذ ولا حباية دوه
علي :يمه لاتحطيني تحت الامر الواقع
نضال:كيفك امك تريد لو عنادك
علي :شدتحجين يمه اووو والله راسي كام يوجعني اني رايح
#حياة
تفاعلو ونشالله نزل اسرع
