علمتني الحب بارت 8
جنان صار اسبوع من حجت وياي نضال علمود الخطوبه والزواج من ابنها المحترم اوي شعليه بيبي لساها معنده ومتحجي ويانا حتى رحت لبيتها كالت لااريد اشوفج ولااريد اشوف اي احد منكم اذا موافقتي اعتبروني ميته اني متحملت رجعت ابجي شنو ليش هيج يجبروني بابا ميكدر يحجي وياي ولايجبرني على شئ مااريده وماما ويايه متقبل تنطيني لنضال واخواني ميقبلون كذلك بس الضاهر قدر ربنا اله كلام محد يكدر يفسره غيره هو ...........اخوية جعفر راح يفتح صيدليه بغداد وراح يسوي عزيمه يعزم بيها كرايبنا وطبعا الشغل براسي كله عماتي 2راح يجن خطيه يساعدني ومااكدر اتعب ماما بشهر رمضان راح يسوي العزيمه العزيمه وهو بعد اسبوع لشهر رمضان بابا مكدر يزعل بيبي اخذنا وراح كلنا وخذ وعطى بالكلام الا ان قنعتها اني انه افكر بالموضوع وعندها قبلت تجي للعزيمه الي راح يسويها جعفر صار شهر رمضان وصارت العزيمه وكلشي ماشي تمام واني مخبوصه بالمطبخ واجهز وارتب دخلت علينا نضال تكول مو نضال تكول ملك موتي دخل حاجتني وبوستها وبوست عماتي طبعا هي وخوال بابا وعمامه لبابا وخوالي ونسوانهم وخالاتي والكل موجودين علي همات اكيد وخواته همات انمدت السفرة والتمر والشوربه والكص وكباب السوك جانت سفرة جبيرة وكرايبنا هوايه واصدقاء البيت همات واكيد مهندس نوار من ضمنهم وفطروا واكلوا وطلعوا بقوا بس خوال ال5 بابا من الرجال وخوالي 3 همات وعمامي 2 بيبي طبت وياهم هي ونضال واختهم الثالثه نبراس ماادري شيحجون بس كلبي يكول انه دايحجون بيه ماما كالت انطوني عباتي اريد اطب اني هم طبوا اخواني وكلبي كام يلعب اكثر صار النقاش واسمع جدال قوي وصياح واخر شئ طلع خال بابا الجبير معصب وراه خالي الثاني وطلعوا كلهم وخالت بابا نبراس هم طلعت بس نضراتها الي متتفسر واخر شئ بابا صاحلي اني رحت جانوا اخواني كاعدين وامي ونضضال وبيبيتي
بابا:شوفي جنان اني مااجبرج على شئ اذا انت متوافقين هاهيه
بيبي :وخوالك تكاطعهم وخالاتك همات
جنان:اني انصدمت من الكلام
بابا:يمه كتلج مااريد اكسر ركبتها
نضال:شوفي جنان اذا انت علمود يحب وحده غيرج رافضته فهو قطع علاقته بيها من زمان وماكو بشر ميحب بس الحب مو كلشي بالحياة
جنان:خاله مو اي وحده يحبها الي يحبها صديقتي تعرفين شنو صديقتي وثانيا البنات مليانات وين مترحين ليش اني ليش وشناقصه علي دشوفي دكتور والكل يتمننه ليش متخطبيله دكتوره مثله
نضال :انت بنت ابن الغاليه واريدج اله وماراح ياخخذ غيرج
بيبي:كافي تدللين ووافقي
جنان:خالتي نبراس مو غاليه لعدمتروحين تخطبيله وحده من بناتها ليش اني ليش
بيبي :ضب بنتك كافيها عاد شنو هاللسان والله ياجنان اذا مواافقتي والله بيتكم مااعتبه بعد ولااخلي احد يزورني واعتبروني ميته
خالي الجبير والي ماخذ اختها الجبيره لنور :اسم الله يابه جنان علي خوش ولد واذا علمود نور فهي عايفته من زمان واسألي فائزه وصاح على فائزة اجت وكلولها الكلام وهي انحرجت ماادري استحت ماادري خافت وكالت نور اصلا متحجي وياه وهاهيه واصلا هي راح تنخطب
نضال:ها شفتي مبقت عندج حجه كولي موافقه وخل نفضها اني كلشي مابقى بيه ولاارد وكتلهم عن اذنكم بيبي وكفتني وكالت جنان كافيج عاد اذاا موافقتي عباتي يمي وراح اطلع وبعد متشوفين وجهي اني وكفت يم باب الاستقبال الداخليه وكتلها بيبي خلص الزمي عباتج وضلي اني موافقه الكل فرح واني طبيت ابجي للغرفه وهلهلت بيبي وكالت ثاني يوم العيد تصير الخطوبه والفاتحه باجر نجيب خوالك و علي علمود يتفاهمون كأنما دايرسلوني لجلادهم كأنما راح اعيش على الي يبنوا همه دخلت للغرفه قفلت الباب عليه مافتحت لحد ثاني يوم الغبشه كعدت خوالي لساهم مرايحين طبعا يفطرون لان المسافه هوايه وراح يبقون عندنا لحد يوم فاتحتي والله اسميها فاتحه على روحي اجه الفطور وفطرنا غسلنا مواعين مرت خالي الجبيرة حبابه وحجت وياي وقنعتني وجهزتني لبست فستان ماروني وشال حليبي وكعب طلعت اكطع رغم الي اني بي بس احب افتخر بنفسي يو عفوكم مني خل اشوف علي الدكتور شحيكول عليه
دخلت سلمت الكل جانوا كاعدين حسيت روحي راح اوكع من طولي من كثر المستحى ولااريد اباوع على احد صاحتلي نضال وكعدتني يمها وكامت تصلي وتهلهل وبيبي همات كامت تهلهل وخواته علي ماباوعتله ولاادري شنو حاله
علي :اني من دريت بنت ابن خالتي تخبلت لان ادري بيها صديقة نور وكرايبها كلش صغرت من عيني لان هي قبلت بيه واني كلش ضايج وبيوم الي رحنا نقره الفاتحه احس روحي راح اختنك اجت طبت علينه ومابوعتلها وانوب كالوا لازم تحجون وي بعضكم علمود تتفاهمون شنتفاهم مااريدها
رحت وهي دلتني على الحديقه كعدنا واني مااعرف شحجي وهي همات اخذت على الصامت بس جان تسائلي ليش وافقت وليش متوافق انت لاناقصك شئ وفوكاها دكتور اخ اخ لو صاير زبال وماخذ نور مو احسلي من هاي الي ضاربتها على الصامت
جنان:من كالولنا انه لازم نحجي سوه احس راح اتخربط واوكع دليته على الحديقه كعدنا بيها واني بس اريد اسأل هو هم مجبور مثلي بس هو ساكت ماحجه ولاكلمه ضلينا ربع ساعه ساكتين بعدين اني كمت وكتله من رخصتك وطبيت جوه وكلشي ماحجيت رحت للغرفه ونسوان خوالي وخالاتي يسألني ها شصار
اني أاشرلهم بأيدي انه مااعرف
وره شويه علي طب للاستقبال وكامت الهلاهل من جديد وقروا الفاتحه وطلعوا يبوو احس مو هلاهل احس عياط عمري ماتوقعت هيج راح يكون عرسي الي جنت انام احلم بي واكعد احلم بي كمت ابجي وبنات خالاتي ويايه اقرب صديقه الي ياسمين فدوه لعمرها دايما جانت ويايه جعفور مبين عليه معجب بيها ياريت يتزوجون لان كلش احبها وجعفور يستاهلها لساها خطيه ممتعينه وتريد هالسنه تقدم على صيدله اهلي عمت عيني عليها شهادة هندسه ومو كافيه نرجع اليه طبعا خابرتها وكتلها عل الوضع كالتلي هو هم يمكن مجبور مثلج لاتخافين الله موجود ومشت الايام وصار الكلام انه اني لعلي وعلي لجنان بعد مكان غير كلام وصارت يوم الخطوبه والمهر واني لبست بدلة كلش نازكه وحلوه عليه وجانت ربع ردن اني اختاريتها واختاريت النيشان بعد
عقد علينا السيد والهلاهل والكل جانوا فرحانين
#حياة
شرايكم بلقصة
