علمتني الحب 15
جنان:اولا اني مو من النوع الي يشتكي ومالي علاقة لابيك ولابنور ثانيا الى متى تبقى هيج علاقتنا يعني اقصد اني اريد...سكتت
علي: شنو تردين تردين نعيش حياتنا كأي زوجين تحلمين فاهمة انت لو تنصاغين ذهب مااباوع عليج
جنان :كمت تنرفزت من كلامه وكتله منو كلك اني اريدك واريد قربك اصلا اني كلش اكرهك وتحلم فد يوم اسلمك نفسي لا يااخي اني اريدك تطلكني
علي:وهذا يوم سعدي الي اطلكج بي بس اصبري خلي امي تستعيد عافيتها كم شهر وادزج لاهلج ورقة الطلاك توصلج فهمتي لو لا
جنان: كمت كملت لميت غراضي هو طلع وسد الباب بعد ماطلع اني كابلت المراية وكمت ابجي ليش يربي استغفر الله ياالله اكيد هذه حكمتك ياربي سامحني اكيد اني مسوية غلط بحياتي وانت تعاقبني بهاي الطريقة ياربي صبرا جميل يارب دخيلك سامحني فأني عبدة ضعيفة لاتحتمل كل هذا يارب سهلها عليه مو من حقي الرجل واني فرقت ثنين يحبون بعض وفوكاها اشتكي بس والله مو بأيدي كان...كملت لم الغراض وبدلت وطلعت الجنطتين وطلعنا بالسيارة بالطريق علي كال راح نزور الكاظم اني فرحت لان مزرته رحنا زرنا وصلينا ودعيت ربي احساس جميل من تزور مرقد او مسجد تحس روحك انولد من جديد كملنا اني بجهة النسوان علي بجهة الرجال ادور عليه ماكو خفت بقيت وحدي ادور عليه فوك الساعة وماكو اخر شئ كلت اروح للمناداة وصحت وهم ماكو انوب مبايلي بالامانات وي مبايله وماعندي الرقم طلعت يم امانات المبايلات بلكي الكاه وماكو ياربي شلون وجهي انخطف وحسيت الدنيا تفتر بيه راح اختنك الا ان من وراية صوت شتسوين هنا صار ساعة انتظرج باوعت اله علي راسا حضنته وكمت ابجي..
علي : بالطريق الرجعة للحلة كلت خطيه مزورتها ولاطلعتها لاي مكان فكلتلها تعاي نزور هي كيفت كلش اني هم محتاج ازور صليت ارتاحيت كملت طلعت يو هاي نسيت اكلها وين نلتقي كلت لروحي خل اروح يم امانات المبايلات بلكي الكاها وانتظر بيها وماكو واخر شئ شفتها جاية من بعيد وجها اصفر وخطوف لونه وتتلفت بكل مكان ضليت صافن عليها خطية من كثلالذهول الي هي بي مشافتني وشفتها وكفت وضلت تباوع على الماشين ثنين من الزلم جانوا يباوعون عليها كلت اروح يمها اشو هاي بعدني محاجي شئ حضنتني وضلت تبجي اني حسيت بشعور بس العالم ضلت تباوع علينا حسيت بالاحراج وكتلها كافي تبجين هياتني موجود
جنان: والله عبالي رحت وعفتني هئ هئ هئ ....
علي:شلون اعوفج غير امي تكرع راسي ...كافي كافي العالم منا جنان:حسيت على روحي حاظنته والعالم جاية رايحة واني بالعباية غطيت وجهي علمود لا احد يشوفني هو ابتسم وصلنا للكراج وكال اكعدي بالسيارة هسة اجي ذبيت العباية وصعدت واني انتظر بي الا ان نمت من كثر التعب والدوخة ماحسيت عليه من اجه وضليت نايمه
علي :رجعت للسيارة بعد ماجبت غدة لكيتها نايمة ماحبيت اكعدها صعت السيارة سقتها وراح اروح للحلة لنص الطريق من شفتها كعدت بالكازينه بعد مافولت بانزين كعدتها واكلنا
جنان:ورجعنا للحلة اه ياريحة هلي استقبلتنا ام علي وهلاهل خواته جانن موجودات صبينا عشه وجهال وهوسه حسيت روحي رجعت حيويتي انطيت لكل واحد صوغته وحجينا وضحك وسوالف واي شخص جان يسألني عن ليلتنا جنت اكلهم تمام لحمد لله وعلي نفس الكلام مخلوني خواته اشتغل كلشي لان عروس وثانيا جاية من السفر حبابات خواته
علي:كافي عاد حسو ياعالم اريد اخذ راحتي وانام يالله جنان كومي للغرفة
فرح :عليكيفك عيني يالعريس مشبعت منها يالله كوم منا شوف شمسوي بشفتها
علي:اني خفت انه مبينه اثار الضرب
نهى :اي عيني حقه عريس ويستمتع ثانيا شفة جنان متتفوت
الكل هههه
جنان :اني حسيت بالاحراج وطلعت فوك
نهى:خجلت فدوه يالله علي تره اجازتك راح تخلص وارجع ودينا ودوام
علي: يووو خليني متونس بالعطله
اسيل :كافي عيني20يوم اجازة شعندك ماكو هيج كلام شلون دكتور انت
علي:ديالا من رخصتكم
صعدت للغرفة لكيتها داتخابر امها وتحجي وياهم قفلت الباب وا خذت فراش ومددت بالكاع اراسل نور على التلفون وكلام غزل وحبجيات
جنان: احم احم ماما عود باجر عازمتنا على الغدة
علي :يصير خير
سكتنا هي فتحت التلفزيون واني على لمبايل نومت نور على ايدي والتلفزيون لساه مفتوح باوعت على الساعة ب2 ماادري بيها هي نايمة سألتها شوكت لحكتي تجبين الصوغة لاهلي... ماكو جواب منها ... اسألج جاوبيني بباوعت عليها نايمة بلا متتغطى شكلها كلش حلو من تنام نضري راح لشفتها كلش حلوة صدك مال بوس شدتفكر علي نام احجي وي نفسي
ثاني يوم رحنا لبيت اهلها وضحك وسوالف علاقتي بجنان طبيعية خلصناها شهر عزايم بيت كرايبنا وداوام وناس جاية وناس طالعة جانت تشتغل بالبيت ونطلع سويا للدوام ونرجع سويا جنت اضوج من سليم ونوار ممرتاحله ابد من اروح اشوفها هو وياها ضحك وسوالف ....
#حياة
