علمتني الحب ح20 والاخير
علي :لزمتها من زندها وقربتها الي جنان افتهمي اني مراح اسمحلج تسوين شئ ولاتنزلين من الغرفة ولاتطلعين راح تنحبسين طلعت واني كلش اعصاب من يمها نزلت على امي فهمتها انه مااريد احد يصعدلها واريدكم تحسبوها مموجوده بست راس امي وكتلها يمه سامحيني بس هي هسه ماادري شبيها واخاف تسوي لابنا شئ لحد ميثبت ويصير 4اشهر امي فهمتني فدوه لعينها بقت حالي وي جنان لمدة شهر هيج اني من اطلع من الدوام اجيبلها الريوك ومن ارجع الغده والعشه بأيدي واجازه اخذتلها بدون راتب انقهرت على دراستها مو علمود شئ والا اني بطلتها وخلصت من وسواسات سليم وانور بس شسوي نور عرسها الأسبوع الجاي فرحان الها واشكر الله انه ماجمعني بيها لان جنان تسوه عندي الدنيا بس ماادري شبيها كامت تدلل عليه يابه خل تدلل بس مو هيج حتى بوسه ماكو محروم من كلشي منها امي خطيه تتوسل بيه اتشوفها مااقبل اهلها تخابرهم مرة بالأسبوع من تلفوني وبحظوي اخاف تحجيلهم وياخذوها مني اتمنى ابقيها العمر كله هيج بس الي ومو لحد فديوم واني راجع من وكت اول مارحت على غرفتنا علمود اطمئن عليها فتحت الباب اتفاجأت ....
جنان: اني ضجت كلش من وره كلامه ديري بالج على الطفل والطفل والطفل معناها اني ماهامته الي هامه الطفل وبس يولد الطفل يعوفني لهذا هددته بأنو انزله بس اني مااسويها اشو هو تعصب وحبسني حتى خالة نضال مشايفتها ولا اهلي صار شهر ومااكدر احجي وياه اخاف يتعصب ومن يجي ينام على الكاع واني على الجرباية اليوم اجت فرح والكل بس فرح جانت جايبتلي هدية الي ستات نوم رادت تنطيني اياهم بس الباب مقفولة وعند علي المفتاح فكامت تشمرهم الي بالكوه من جوه الباب اني خربت ضحك عليها خطيه شلون تعذبت وره شويه سبحت وتعطرت وجان اكول خل اجربهن واني ودااجربهن كلش حلوه طالعه بيهن اجه علي فتح الباب اني كلش استحيت منه مااكدر ااسوي شئ بس صافنه واباوعله
علي:شنو هاي شلابسه تجننين
جنان:ساكته وصافنه عليه رحت للجربايه داالبس شئ
علي:قفلت الباب وحظنتها من وره وبست راسها ودرتها علبه ...جنون مشتاقيتيلي
جنان:ساكته
علي :جنون اني احبج واريدج على سنة الله ورسوله
جنان:ضحكت
علي:موافقه مو
جنان:ردت انهزم منه مايصير بين احظانه وهي ردت اذوب اشو هو لزمني وكام يبووس بيه وووو.... للثاني يوم الصبح يالله كعدنا...
علي:كعدت الصبح هي بين احضاني بست راسها باعت عليه ودفنت راسها بصدري اياه احساس يجنن رفعت راسها شلون صباحية مباركة يعروسه فكرة منو هاي السيت الي يجنن
جنان:انت معليك
علي :يعني جنت تردين اغرائي
جنان:اصلا ماادري بيك جاي
علي:صدك جنت طالعة تخبلين
جنان:خجلت كلش وحضنته قوي علي تحبني لو تحب طفلي
علي:وج لو مااحبج مااسوي منج طفل ياخبله
جنان:بس اني اريد اطلك منك
علي:اوو هم رجعنا لنقطة الصفر وج والله احبج واذا اطلكتي مني بعد مااحجي وياج
جنان:رفعت راسي عليه لا والله عود راح اخليك اني
علي:اي دطلعيلي راسها للحلوه وبستها الا ان غفينا ونمنا انوب كعدت ب12الضهر خابرت على صدقاني خطيه ماخذيلي اجازه طبيت سبحت ورجعت لساها نايمه ركبت سيارتي وطلعت اشتريت كيك وكم شغلات كهدية واشتريت فستان الها يخبل رجعت للبيت بست راس امي ولكيتها بالمطبخ داتطبخ كأنما فرج وانفرج عليها خطيه فرحانه بين اهلي رحت للغرفة جهزت كلشي وقفلت نزلت جوه تغدينا وشربنا جاي وشويه ارتاحينا امي كالت وصلني لبيت اسيل اريد ابات يمها خطيه تعبانه حبيبتي امي من صدك هي نعمه عليه شكد جنت ظالمها ربي يخليني اعوضج وصدك اخذت زهراء وراحوا لبيت اسيل ومحمد بالكلية بقينا بس اني ومجنونتي رجعت للبيت تلكتني جنان
جنان:ليش قافل الباب مال غرفة
علي:يا نسيت عبالي انت لساج سجينتي
جنان:شنو هالكلام اني مو سجينة احد وباجر ارجع للدوام
علي:مااحبج من تعاندين تدرين
جنان:مو شرط تحبني انت حب قبل
علي:ها هو نو صوجج صوج هذا ذلتي ذل من حبج لليوم واني ااشرلها على كلبي وصعدت فوك من صدك كرهت شئ اسمه حب فتحت الباب شفت شلون مرتبلها الغرفة رحت وذبيت كلشي بالكاع ومددت على الجرباية وغطيت راسي بأيدي....
جنان:بعد ماحجيت هيج وياه حسيت بالذنب وسمعت يكسر اشياءات وره نص ساعه من سمعت الوضع هدوء صار صعدت شفت كلاصين مكسرات بالكاع ومواعين كرزات واشياء وهو مدد وبالجربايه يمكن نايم نضفت كلشي وهو ماحرك ساكن طبيت للحمام سبحت وطلعت نشفت شعري بالمنشفه مااكدر استخدم السشوار اخاف منه 😁 ردت على كولته اغري رحت لبست سيت من سيتات النوم ورحت يمه
جنان:اني اسفة بعد مااسويلك هيج شئ
علي: اني مغمض ومااريد اشوفها علمود لاااضعف كدام برائتها ..روحي من يمي مااريد اسمع صوت الج
جنان:تمددت يمه ونمت على صدره ..تدري اني من صغري احبك واتمناك الي بس نور صديقتي واني جنت خايفة انه اخونها ..
علي:باوعت عليها شكلها يجنن وبرودة جسمها وعطرها شلني وخدرني ماكدرت اتحرك باوعت عليها يابويه شكد مغري شكلها .. بعد متعديها
جنان:واني ابتسمله نعم بعد مااعيدها واني احرك براسي وبدلع احجي
علي:دتعاي احضنيني اكثر لعد وحضنتها
جنان:عوفني مجوعان
علي:اي والله جوعان دكومي عندي شغلة الج البسيها
جنان:شنو
علي:بالخانة مالتي فد علاكه طلعيها والبسي الي بيها ولو هذا لبسج احلى بس هذاك هم حلو
جنان:بس دااسويلك عشه
علي:دكومين لااتعشه بيج
جنان:كمت كمت ...دخلت للحمام لبست الفستان فتحت شعري وحطيت شوي مكياج وبعدين طلعت لكيته محظر كلشي اتفاجأت منين جاب هالغراض وبالسرعة وهو اول مشافني كام يصفر
علي :اول ماشفتها تفاجأت شنو هالجمال الفستان يجنن عليها وهي طالعة من ذني الرقصات المصريات ...لك شنو هالجمال رحت يمها حضنتها وبستها من شفايفها ذابت بين ايديه وج خبله لاتسوين هيج لااتعشه بيج هسه والله
جنان:اوو عوفني
رحنا كصينا الكيكة واكلنا وقدملي محبس كلش حلو اني بسته وكتله الله لايحرمني منك
جنان:هاي منيلك هاي الكيكه والحلويات
علي:هاي الشئ الي نجى من تكسيري ومفاجأتي الج
جنان:الله عليك لاتسوي هيج بعد
علي:بأيدج انت تخليني اسوي او لا
جنان:هيج صارت
علي:اي وبستها واخذتها للجرباية وووووو....
------------------------------------------------
بعد مرور سنة
الليل مضلم
جنان تحمل طفل وكاعدة على الجرباية والطفل يبكي وعلي نايم
جنان :علي دكعد شوفه لحسون بس يبجي مرده لكلبي
علي:اوو استغفر الله جنان كومي من يمي انت وياه اريد انام باجر دوام حسو بيه
جنان:دشوفه والله حتى الحليبه مداياخذها
علي :كعدت اخذته منها بسته ناغيته وشرب الحليبه ونطيتها اياه تنيمه راحت يم الكاروك تنيمه وكالت اوو حبيبي شكد حلوه نومته
علي:منو حبيبج
جنان:حسوني غير اروحله فدوه
علي :اقتربت يمها وكتلها منو حبيبج
جنان:ابني قلبي ونبضي وروحي
علي:حضنتها وكتلها تعاي اشوفج منو هذا ابنج كامت تضحك شلتها للجربايه ووووووو
---------------------------------------------------
احلى مايمكن ان يكون حب الحلال نور صارت عندها بنيه من باسم وهم حبته حب حلال صادق انصح اي بنيه متحب الا بعد الزواج لان هوايه حب يكون فاشل لان مرات نوقع بالحرام بأسم الحب وهو الي يعاقب عليه الله تعالى......
جنان وعلي اكبر مثال للحب الزوجي الحلال رغم انه علي جان صعب بس جنان بأسلوبها كدرت تحبه وهو هم حبها
#حياة
تحبؤن انزل الكم قصه جديده
.
.
⠀
