#حفيدة_السلطان

البارت السابع

#حفيدة_السلطان
بقلمي فردوس عبد اللطيف
البارت السابع
إذا ما أتاك الدهـر يومـا بنكبـة فافرغ لها صبرا ووسع لها صدراً فإن تصاريـف الزمـان عجيبـة فيوما ترى يسرا ويوما ترى عسراً.
فائزه ... اخوي صلاح شتتوقع اخوتك موقعين الحجيه ع اوراق مهمه الظاهر
صلاح .. كلشي توقعي منهم
فائزه بس هسه احنا منكدر نحجي اي شي بسبب وضع محمود خلي يطلع ونفكر باخوتك
صلاح .. هم صحيح ام هاني لا تشيلين هم هذا اختبار من رب العالمين محمود برئ وطيب وربج ميعوفه
واني باجر اوديله ملابس وفراش لان صديقي اخو ضابط وحايساعدني بلكي اكدر احجي وياه بالتلفون
فائزه ..اي فدوه اروحلك سلملي عليه والمحامي شكال ؟
صلاح .. المحامي يكول احتمال تشابه بالاسم لان اكو شهود راح يعرضون محمود عليهم بس نحتاج وقت
فائزه .. ياخوي كل يوم يمر على محمود بالسجن يعادل سنه كامله
صلاح اعرف بس هذه إجراءات دوله وتعرفين الي يدخل للامن مو بسهوله يطلع وخصوصا جريمه قتل
++++++++++++++++
كيان ..اني ما اريد اروح للمدرسه الحل الوحيد خطة رقم واحد
امي مخليه القوري عالنار والماي حار يفور اخذته وصبيته على رجلي
اخ يمه لحكيني رجلي احتركت
ام كيان ولك يمه شجابك عالقوري انت وينك وين الطباخ ليش متكعد راحه
كيان ..يمه رجلي احتركت الماي حار خليلي دوه
ام كيان .خلي اجيب معجون أسنان يكولون زين للحرك
كيان ..اي يمه برديهه لرجلي بعد ما اكدر البس جواريب ولا حذاء مو ؟ اشلون لعد اروح للمدرسه ؟
أميرة .. هلا هلا هاي سوالفك انت صبيت الماي الحار ع رجلك ... طررررخ راشدي معدل
كيان ..اخ يمه لحكيني اميره ظربتني
اميره ابقى بالبيت بس راح اجيب الواجب وغصبا عليك تقرى لو هم تطلع بره ؟
يمه ممنوع يطلع بره البيت
كيان انت روحي والله كريم
وره ما طلعت اختي ركضت للشط حتى اسبح اخوي الكبير كرار مانعني اسبح بالشط بس اني اخذ ملابس واروح اسبح
طمنت اخوي طالع ورحت اسبح بالشط ونسيت نفسي لحد ما صار الوكت ب 4 العصر خليت الملابس المبلله بالعلاكه ولبست ملابسي الي جايبهم وصلت للبيت شمرت الملابس المبلله من السياج ودخلت من الباب
اوووف واشوف اخوي كرار
كرار ..كياننننن
كيان ..نعم
كرار .. وين جنت
كيان ..ها جنت العب وية اصدقائي
كرار .. لعد ذيج العلاكه الي بيهه ملابسك مبلله منو شمرهه من السياج ؟
كيان ..ها ها وطرااااااااخ راشدي وكفخه
      اخ اخ ليش كرار ليش خوي
كرار .. امشي ادخل بالبيت واخذ هدومك المبلله وبعد لا تعيدهه كولي اكو واحد بالمنطقة يحبك من وره وكاحتك حتى القطة والديج الي مربيهم ماتو جوع وعطش
هذا غير اليوم استلمني واحد من الشارع الورانه يكول اخوك
جايب المخضر الذابل وكشور  الرقي وشامره بالشارع وعالبيوت
كيان .. اني شعلي حتى اذا طفل بي صخونه اني سببه ؟
كرار ..ادخل للبيت ولي روح اسبح
كيان ..دخلت للبيت بس مجنت ابجي من انضرب
+++++++++++++++
صلاح ..الو محمود خوي اشلونك
محمود ..هلا صلاح اشلونكم الجهال وأم هاني اشلونهم امي واخوتي
صلاح .. كولهم زنين انت دير بالك ع نفسك وكلنالك محامي
بس وجودك يحتاج وقت
دزيتلك ملابس وفراش واي شي تحتاج بلغنه
محمود ..سلامتك خوي اني برئ اعتقد اكو اشتباه بالاسم
صلاح .. االمحامي كال بس يجون الشهود يشوفوك وراها إجراءات بسيطه
محمود ..وشوكت يحضرون الشهود ؟ تعبت من البهذله واشتاقيتلكم
صلاح .. الأسبوع القادم ان شاء الله
++++
محمود ..بعد سجن وتحقيق وبهذله  لمدة اسبوعين
اجوي الشهود
الضابط .. اوكفو شباب ذولي عشرين سجين أريدك تطلع محمود من بينهم
محمود .. عرضونه على شخص ما اعرفة بس يظهر هذا الشاهد وافتر علينا وكال
الشاهد ... سيدي اني اعرفة محمود كلش زين ماموجود بينهم
الضابط ..انت متاكد باوع مره ثانيه
اجه الشاهد الثاني ونفس الوضع ماعرف محمود
محمود .. جريت نفس لان عرفت الشهود كانو يعرفون المجرم ويعرفون اسمه وشكله لهذا تطمن كلبي
الضابط .. اخ محمود نعتذر عن الاشتباه اسمك الثلاثي نفس اسم المجرم الي ارتكب الجريمه لهذا تم اعتقالك
اتمنى تسامحنه كل همنا تحقيق العداله
محمود .. شوكت اطلع وارجع لعائلتي ؟
الضابط .. بس إجراءات يسويها المحامي ونعرضك عالقاضي ويصدر الإفراج ..راح استعجل بالإجراءات لأنك انظلمت
محمود ..شكرا حضرة الضابط
تم الإفراج عن محمود ورجع لبيته وعم الفرح والهلاهل وذبحت الذبائح برجعه محمود لبيته بس كان منهك تعبان نفسيا وجسميا
فائزه .. الحمد لله طلعت برائتك
محمود ..الحمد لله فوز علاء ما اتصل بيكم اشو ما زارني اصدقائي كولهم اجوي وعلاء حتى ما اتصل بي
فائزه ..اني ما ردت احجي بس الموضوع ما بنسكت عليه
اني اتصلت بي طلبت منه فلوس وهو رفض وكال ماعدنه سيوله
محمود ..شنو ماكو سيوله هو يكدر يدبرلج مبلغ كبير لعد منين دبرتي فلوس المحامي ؟
فائزه ..كلشي فداك بعت الذهب
محمود .. عندي تجار ه وكاله وورشه وانت تبيعين ذهبج لازم اروح للورشه واشوف شصاير
فائزه ..انت ارتاح تعبان ابقى كم يوم
محمود ..شارتاح واخوتي تبرؤ مني حتى ماجوي يتباركولي
وصديقي الي مأمنه ع حلالي ظام راسه خلي اروح اشوف
++++++++++
محمود .. ابو سعد وين علاء ؟
ابو سعد .. الحمد لله ع سلامتك باشا علاء من سمع بيك طلعت لملم اوراقة وراح
محمود .. اشو القاصة فارغه ودفتر الصكوك ناقص شيكات
ابو سعد .. باشا انت كنت معتمد عليه بكولشي اني هنا حارس
محمود .. رجعت للبيت والدنيا تفتر بي ما مصدك علاء صديق عمري حايغدر بي بقيت مامستوعب الموقف
وبمرور الايام انكشفت الحقيقة وعلاء سرق كل ما املك ومنزل علي صكوك للتجار بمبالغ ضخمه وخلاني ابيع كل
ما موجود بالورشه
محمود ..صلاح روح على اخوتك واعرض عليهم يشترون حصتي الباقية بالورث
صلاح ..لهالدرجه علاء لعب لعبة قذره ؟
+++++++++++
محمود ..ها صلاح طمني قبلوا يشترون حصصي بالورث
صلاح .. خوي حرامات يردون ياخذون حصتك بربع قيمتها
ليش هيج تسوي بنفسك
محمود .. اذا ما ابيع حصتي بأسرع وقت حاتنزل الصكوك بالبنك وحسابي مصفر معنا ها اعرض نفسي للمسائلة القانونيه واني توني طالع من السجن
اني انفضحت بالسوك بعد ولا تاجر يقبل ينطيني بالأجل وسمعتي انتهت بسبب (علاء )بلغ اخوتك  موافق ابيع بربع القيمه
صلاح .. انت تعرف وظعي لو عندي جان ساعدتك
محمود .. اعرف بيك ماتقصر وانت صرفت على بيتي بفترة غيابي وقمت بواجب عائلتي انت اخ ونعم الاخ
يارا ...بابا اكو رجال بالباب جاي يزورك يكول اسمه دارا
محمود ..روح صلاح استقبله هذا من السليمانية صديقي
صلاح ..تفضل اخ دارا
دارا .. اشلونك ابو هاني
محمود .. هلا بيك اخي الحمد لله
دارا ..ليش ماتجي للسوك ؟ ولو اخبارك انتشرت بسرعه البرق تعرف هذا سوك والخبر بسرعة ينتشر
محمود باشا منو البنت الي استقبلتني بالباب
محمود ..هذه بنتي يارا
دارا .. ماشاء الله شنو هالجمال الي شايلته زوجنياها وارجعك احسن من قبل واخليك تغلب كل التجار
محمود .. اخ دارا بنتي بعدهه صغيره بصف الاول متوسط وعمرهه 13 سنه لان تاخرت بالدراسه
دارا .. محمود فكر بالعرض الي عرضته الك اعوضك كل خسارتك وارجعك مثل قبل وأحسن
محمود .. أسف اخ دارا بنتي مو للبيع
دارا ..انت فهمتني غلط الواضح من جوابك انك زعلت
محمود .. انت تريد تستغل وظعي  وتساعدني مقابل تاخذ بنتي وتريدني ما ازعل
++++++++++
محمود ..فوز بنتج كبرت وحلوت  والعيون عليهه بسبب جمالهه واحنا حاليا ضعفاء كولشي راح خسرنا كل الي بنيناه بهالسنين
فائزه ..مالكيت اثر لعلاء
محمود ..هو الحرامي يبقي اثر حسب ما سمعت سافر
فائزه ..حسبي الله عليه ..بعد اكو شغله ماحجيتلك عليها صارت من انت بالتوقيف
محمود ..خير
فائزه ..مره كنا عند المحامي وأخوك زهير جاي مبصم امك على اوراق وما عرفنه شنو الاوراق
محمود ..امي مريضة بالزهايمر وكولشي ما تتذكر اشلون كاتب العدل بصمها ؟
فائزه ..ما اعرف
محمود ..باجر اروح اجيك بالطابو عندي صديق هناك
+++++++++
محمود .. فوز تعالي لحكي
فائزه .. خير محمود شكو
محمود .. لج زهير لعب لعبة قذره
من اجه للبيت وبصم الوالده تنازل عن حصتهه بالورث لجابر الموظف الي يشتغل عنده
فائزه .. يا صخام صخمت
محمود ..اسمعي بعد ما حول حصتها لجابر وره كم يوم جابر تنازل لزهير
فائزه .. يعني حصة الحجيه صارت باسم زهير وتحت حظنه
محمود .. هذا الي شفته من الاوراق الموجودة بالطابو
فائزه .. وشراح تسوي ؟
محمود ..شسوي اذا هما تبرؤ مني وكلمتي محد يسمعها واكيد الاتفاق ويه باقي اخوتي الباقين اكيد مناوشهم ومسكت حلوكهم
فائزه .. يعني هما ما قبلو يهتمون بأمك وبس استولو ع حصتها وانت هسه بأمس الحاجه لأي مبلغ
محمود .. فوز حتى الراتب مجاي يكفي واني مطلوب
فائزه .. الله كريم محمود نتحمّل مو مهم الفلوس المهم وجودك يمنه
محمود .. فوز بنتج يارا كبرت والعيون عليها واحنا تبهذلنه بعد ما بعنه البيت راح ادزهه يم صلاح اخوي بالكوت
هو عايش وحده وضايج وجودهه هنا يعرضنه للإحراج
اني اتفقت وية صلاح ياخذهه عنده
فائزه .. اشلون افارك بنتي صعبه انت تعرف اني متعلقة بيهه
محمود .. من مصلحتها تروح هناك والكوت مو بعيده 3 ساعات انت يمهه
فائزه .. الي تشوفة محمود اكيد قرارك لصالحها
حبايبي بطلة قصتنا (حفيدةالسلطان) جميله جمال مبهر اني شفتهه مو شعر أشقر وعيون ملونه لا
شعر اسود وعيون سود مكحله جمال تركي على عجمي
وبهالمرحله كبرت بدت الخطابه تتقدملهه واكيد اكو ناس تحاول تستغل وضع ابوهه المادي
ترقبوا احداث البارت القادم
++++++بقلم فردوس عبد اللطيف +++++++