#حفيدة_السلطان

البارت العاشر

#حفيدة_السلطان
بقلمي فردوس عبد اللطيف
البارت العاشر
في هذا الكون هناك الكثير من الظلم ،وغالبا مايعاني الطيبون،وينجح الاشرار بمكائدهم وظلمهم ولكن هل من نهاية لهذا الظلم هل من تغيير ،هل من عقوبة ربانية للظالم ،وووووو أسئلة كثيرة وجوابها افوض امري الى الله فهو حسبي ونعم الوكيل ....
يارا ... احمد فدوه مشتاقة لاهلي شنو ذنبي اخوك يحرمني منهم انت رجلي لو هو ؟ حرام عليكم مخليني اخدم واطبخ للبيت ولعمال المزرعة حتى خبز خليتوني اخبز بتنور الطين وأخوك مايهله يشتريلي تنور عالغاز كل هذا وإني ساكته
احمد ..لج اشو طلع لسانج خبصتيني باهلج عمي يا أهل أبوج طاكه الفكر واهلج كاتلهم الجوع عالاقل هنا تاكلين لكمه حمدي ربج
يارا .. زين خلوني اخابرهم ليش معد يمنعني اتصل بيهم مشتاقة لصوت أمي مو عندك أم تكدر تنحرم منهه
احمد ... ترى خبصتيني باهلج اسكتي ولا يسمعج معد ويطيح حظج
يارا .. مو انت رجلي تحميني المفروض
احمد ..لج منين احميج اخوي من حقة يضرب ويمشيج على قوانين هذا البيت
~~~~~~~~~~
يارا تعبت من الحجي والتوسل بأحمد ميدفيد وياه لان شخصيته ضعيفة ويخاف من معد لان معد إنسان شرير ومؤذي ..وبعد يعيرني باللكمه من نطبخ الدجاجه الأفخاذ لمعد والصدر لاحمد وأمهم تنطيني رقبة الدجاجه وماعون التمن ميشبع هذا الاكل الي مستكثرينه عالخدامه الي بيتهم لكن مجبوره أتحمل اذا هو عمي باعني الهم وهما أصلا فكر نفسيتهم فكر أغنياء ماديا لكن نفسيتهم بخل وفكر .....
أم معد ... وينج يارا تعالي جوي بيت اخوي ابو زهير
بيت ابو زهير ناس طيبين وميقبلون على تصرفات احمد ومعد واذيتهم ليارا (زهير راضع وية احمد يعتبر اخوه إنسان متدين وخايف الله )
اخوه الصغير خريج كلية ومهووس بالملاكمة ويحب الرياضة
أم زهير انسانه طيبه وكلما تشوف يارا تحجي وية أم معد دكولهه حرامات هاي البنية الكم ماجابتهه قسمتهه يمي لواحد من ولدي
اما أهل المنطقة كانوا يسموني البغدادية لان لبسي وشكلي مختلف عنهم
دخلت سلمت عليهم ورحبوا بي من اسولف وياهم اشعر كأني بين اهلي زهير من يكعد كبالي يردد سبحان الله ومن يشوفني حزينه ومرات احجيلهم ع سوالف احمد ومعد يكولي ،،،،انت شجابج يم بيت عمتي ؟ هذا هم حظج
بذاك الْيَوْمَ كمت أسوي العشا لبيت خالهم بعد ماكمل صبيت الاكل ورآها لملمت المواعين وغسلتهم ورتبت المطبخ ورحت لغرفتي احاول أتهرب من يجي معد للبيت حتى لا يفشلني كدام الخطار لان اكثر من مره يحاول يهيني لو يضربني امام الضيوف ،، سبحت ودخلت لغرفتي وسمعت صوت صياح بين الأخوه بيومها معد سمع بي حامل تخبل حتى امهم سمعت صوتها عالي ويتعاركون ،،،،،،بصراحة خفت من الخوف كلبي زادت نبضاته ياربي بعدهم عني رجلي ماتشيلني كعدت عالسرير
سمعت اسمي بقيت أفرك بايدي شسوي ياربي وين اروح اشمر نفسي من الشباك شوكت اخلص منك يامعد ارتفعت اصواتهم
وإني جامدة بمكاني سمعت خطوات وانفتح باب الغرفة فزيت لا يكون معد شفت احمد
احمد ... لاتطلعين من الغرفة ابقي بمكانج
يارا نزلت دموعي من الخوف والرعب والمذلة واقتربت الهوسه على باب غرفتي والاخوه تضاربوا بينهم احمد يريد يمنع معد من الدخول لغرفتي ومعد يريد يتهجم علي
أم زهير ..ولكم مو عيب عليكم تخبلتوا ومعد يريد يفتح الباب علي
بهالاثناء تدخل دريد وضرب معد بوكسات وكعه عالارض ومحد تدخل وهدده
دريد .. ولَك معد اذا تلمسها ليارا اذبحك مو تشوفها وحيده وغريبه واستغليت ضعف اهلهه احنا اخوتها
دك الباب وإني واكفه وره الباب مرعوبه (منو )
دريد ..أني فتحي الباب يويو
فتحت الباب
دريد ..خو ما إذاج معد ؟
يارا ... أشبيهم دريد شصاير ؟
دريد ...ماكو شي لاتخافين مأطول أني موجود لاتخافين  ولا دكولين اني غريبة  كلنه اخوتج  ولبئسي عبايتج وتعالي لبيتنا
يارا ..بقيت أشهك  وأبجي ولبست عبايتي ورحت ويه أم زهير لبيتهم
أم زهير ..روحي بنتي للحمام غسيل وجهج
يارا ..خالتي هما اشبيهم وإني شدخلني بالموضوع ؟
أم زهير ...بنتي هما أهل مشاكل هذا وضعهم من زمان ع طول عرايك ومشاكل
يارا .... بس خالتي اني معايشة هيج اجواء مشاكل وطلايب وصياح احنا بيتنا هدوء ماما وبابا متفاهمين وماسمعنا صوتهم عالي
~~~~~~~~~
ورد في البارات السابق هاني اشتغل عند عمه عدنا ن  ولكن العم عدنان استشهد وهاني اشتغل عند العم سامي عذروني وشكرا ليارا بطله القصة هي الي نبهتني
فائزه ،،،، هاني وين طالع ؟
هاني ...يمه اروح أدور شغل متنه من الجوع لا عمام ولا كرا يب حاروح عالعماله بلكي الكيلي شغل
فائزه ... يمه ولَك اخاف عليك هما عمامك صدكوا الغريب واتهموك بالباطل بعد وين تشتغل منو حايرحمك
هاني .. يمه مرات الغريب ارحم من الكرايب خليني أدور بلكي اشتغل
فائزه ..ودراستك ومستقبلك
هاني ...هو بقى مستقبل ويه هالضروف متشوفين وضعنه نتغدى مانتعشى
محمود ..آلو فوز اشلونكم اخباركم ويارا شخبارهه
فائزه ..هلا هلا محمود الحمد لله انت اشلونك اخبارك
محمود ..اني الحمد لله اشتغلت بس بالي يمكم شخباركم ويارا يوميه اشوفهه بالحلم رحتي عليها
فائزه ..وين أكدر اروح حتى التلفون مانعيهه تخابرنه بس من راحت لبيت أم زهير خابرتني حسّيت بيها مقهورة بس ماتقبل  تحجي
محمود .. هانت فد جم يوم استلم الراتب واحوللكم فلوس ولو اعرف ميكفي بس تعرفين هذا الي كدرت ادبره
فائزه ... هاني يريد يشتغل تعرف اخوك سامي اتهمه بسرقة الدخل ومن يومها الولد مقهور ويريد يشتغل ويترك الدراسة
محمود .. فوز هو من اول يكره الدراسة خلي يشتغل لحد ما ارتب أموري واوكف ع رجلي وأخلي يساعدني
~~~~~~~~~
احمد ..يارا امشي للبيت
يارا .. اترخص خالتي اروح
أم زهير ..ولك احمد اذا اذيتوهه ترى احنا اهلهه
احمد .. صار عمه
يارا رجعت للبيت وانهزمت لغرفتي بقيت خايفة بالليل لحد ما صبح الصبح سمعت أم معد تصيحني رحت عليهه
يارا ..نعم خالتي
أم معد ..سويلي كوب حليب خلي اشرب حباية الضغط راسي حاينفجر
يارا ..رحت جبتلهه الحليب وشربت الدوى ونامت رحت للمطبخ أسوي الريوك واعجن الخبز نزل احمد تريك وطلع بهالوقت سمعت صوت باب غرفتي من ينفتح  وينسد ينسمع صوت بس ما خطر ببالي اَي تفكير ،،،، بعد ماحضرت ريوك معد رحت لغرفتي ارتبهه لزمت الغطا وشفت عالشرشف عكرب صرخت واشوف الثاني بالغطا ركضت ضربتهم تكرمون بالحفاية بس جسمي كوله يرجف من الخوف بعد ما قتلتهم خليتهم بكيس حتى من يجي احمد اراوي
وكالمعتاد من راويته جوابه كان
احمد ..هاي انت مامغيره الشراشف صار فتره
يارا وشنو عدكم عقارب بالبيت
احمد ..لا انت جبتيهم من بيت اهلج ويه هدومج
يارا ..مو جاي اكولك اخوك خلاهن لان سمعت باب غرفتي انفتح
احمد ..انت شكد تعبانه هو اخوي معد يخلي راْسه براسج ويخليلج عكرب دروحي من وجهي لا اطيح حظج
بعد مرور أسبوع اني حامل واتوحم ولازم اشتغل شغل مال ٣نسوان مو من حقي اعترض حتى الكهرباء بهالفترة تنقطع بالمحافظات مده كم يوم نبقى بدون كهرباء
رحت عالحمام اريد اغسل ملابس والحمام اظلم وإلا اشوف كلب اسود ينبح علي خفت بقيت واكفه بمكاني ما اعرف شاسوي لحد ما إجه احمد وسكته
يارا منين هذا الكلب
احمد ... معد جابه
يارا وليس جايبه بالبيت ومخلي بالحمام اسأل نفسك ليش
احمد .. انت طول عمرج سيئة الضن
يارا ..اخوك من سمع بي حامل جاي يحاول يخرعني ويوكع الطفل
احمد ..انت مخبله ومسمومه اخوي مايسوي هيج علمودج بنت الفكر
بعد كم يوم معد شاف محاولاته فشلت
كعدت الصبح جاي اروح عالمطبخ شفت معد طلع من المطبخ وكشفت عالطباخ أسوي الريوك لاحمد وإلا اشوف حيه تطلع من جوه الطباخ طفرت اركض وأصيح
أم معد .. اشبيج تصيحين ؟
يارا خالتي حيه حيه طولها متر ولونها اصفر
أم معد .. ولج هاي شنو حيه حيه احمد تعال اركض
احمد ..هاي شكو شبيكم هاي حيه خلي اجيب الطبر واضربهه
يارا من إجه احمد ضرب الحيه واخذهه دفنها بالحديقة ،،، اني كنت متاكده معد هو الي خلاها بلكي تعظني أو تخرعني حتى اطرح لكن مهما فعل الانسان من ظلم تبقى إرادة الله هي الي تحكم هذا الكون ويبقى الظالم متجبر ومتكبر
مرت أشهر الحمل بالعذاب والمذله والخوف قربت ولادتي من عرف معد ولادتي خلال الأيام القادمة صار يأخذ سويج السياره وياه حتى من يصير عندي طلوك مياخذوني للمشفى بيومها كملنه الغدا ورحت اريد اغسل المواعين حسّيت بماي نزل بين رجلي واجتني لويات  قويه صحت اخ يمه لحكيني
اجتي أم معد ..اشبيج ليش تصيحين
يارا ..خالتي لحكيني شوفي الماي وألم فضيع راح اموت خالتي فدوه جيبولي امي
ركضت أم معد ع بيت اخوهه ابو زهير لان قريب عليهم وأجوي كولهم ابو زهير فرش سجادته ويصلي ويدعولي وأم زهير تهديني صاحت عالولد كالوا وين السويج أم معد تفرك بايدهه مستحيه من تصرف ابنهه أم زهير ماما اخذو سيارتنه وجيبو القابله
ركضوا الولد جابوا القابله وإني بس اصرخ اريد أمي جيبولي امي وأم زهير تبجي ومقهورة علي رب العالمين ميكطع عوضني  بهالعائلة سدو الفراغ الي حسّيت بي
حماي وزوجي من الهوسه عرفوا بولادتي اجوي للبيت
اخر طلكه صرخت صرخه واجه ابني من شدة الالم كتلهم ما أريده اخذو
بس أسمعهم يهلهلون ويصلون عالنبي وإني بس ابجي
القابله ..حلفي ماتردينه
أم زهير ..خوش انطينيا اني إربي
القابله جابته يمي شوفي اشلون فاتح عيونه يخبل ابيض وأشكر عيونه زرك ...اخذته بحظني وابجي
سبحان الله الي جعل محبة وحنان الام من اول لحظه أخذ روحي وكلبي وكل ما املك من حب الى ابني
اني جايبه ٣ ايّام واهلي ميعرفون بي لحد ما توسلت بأحمد لان ما اعرف شسوي للولد من يبجي ابجي وياه لان ما اعرف شيريد
معد من شاف الكل فرحان بولادتي ترك البيت مدة أسبوع ميجي
ترقبو البارات القادم هل ستتغير حياة يارا بعد ولاده اول حفيد للعائلة
~~~~~~بقلمي فردوس عبد اللطيف~~~~~~~