#حفيدة_السلطان

البارت الرابع عشر

#حفيدة_السلطان
بقلم فردوس عبد اللطيف
البارت الرابع عشر
. أنا الذي ماتت أغصاني وجف ينبوعي أنا الذي تحولت جنات عشقي مقابراً لدموعي.
يارا .. بعد ما أخذوني اهلي لبيتهم خصصولي غرفة مؤقت لان متوقعين باي لحظه يحن احمد لأطفاله ويجي يرضيني لكن اني كنت أعرفة كولش زين ميقبل اطفاله إنسان اناني يفكر بنفسه وبس اختي وإخوتي يدرسون والبيت مو كبير لكن يسوده المحبة والحنين والدفئ العائلي
~~~~~~~~~~
روجين ••احلى كلمه اسمعها خاله من لسان أطفال اختي شكد احبهم ومتعلقة بيهم ومن يكلولي خاله اشعر بالفرح
حبايبي روجين ماتقل جمال عن يارا تشبه الممثله ليلى علوي لكن طموحها الدراسي اكبر من اَي عرض تقدم إلهه
مرحبا اني روجين راح احجيلكم عني  والي شفته من عمامي ...اني متفوقة بالدراسة نجحت الاولى عالعراق بصف الثالث متوسط من يومها انفتحت العيون علي وأعمامي يدورون اخباري لان ولد هم فاشلين بالدراسة ...حلمي وطموحي ادخل كليه الطب لما وصلت مرحلة السادس إعدادي مدرساتي كولهم توقعوا دخولي كليه الطب بسبب مستواي الدراسي
كانت طالبه وياي بالصف اسمها نداء ابوهه مسوؤل بالدوله وأعمامي يعرفوا والي حدث شئ مايصدق لكن الي يسرق الورث وووووو أكيد عنده استعداد يسوي اَي شي
بحكم معرفتهم بابو نداء ومديرة القاعه الامتحانيه اتفقوا مع المديرة بتغيير جلاد دفتري الامتحاني بدفتر نداء مع العلم ابوهه اشترالهه الاسئله
وبدون علمي كل يوم من نكمل الامتحان ينعزل دفتري ودفترهه
احد زميلاتي سمعت المديرة تجي تأخذ دفتري ودفتر نداء نبهتني وبقالنا درسين الأخيرات اني هم ماسكتت رحت للإدارة وسألته عن سبب عزل دفتري عن الباقين هي ارتبكت والمعاونة بقت تمتمت ولحد ما طلعت اني مكنت اعرف السبب
من ظهرت النتائج استلمت النتيجه مو استحقاقي انقهرت لكن الي لاحظته بس الدرسين الأخيرات ماخذه درجه كامله ..ونداء معدلهه ياهلهه تدخل كليه الطب الي انحرمت منهه ..بيوم القبول نداء انقبلت كليه الطب واني انقبلت كليه لا بأس بيها ..بوقتها اعترفتلي ان عمامي متفقين ويه ابوهه والمديرة بتبديل جلاداتنا اني وياها لكن الدرسين الأخيرات المديرة خافت لا اشتكي عليها واعتذرت من ابو نداء
هذا الي قدموليا عمامي رادو يضيعون مستقبلي الدراسي ولكن الله منحني ألقوه وكدرت ادرس بالجامعه مع كل الظروف الي مرينا بيها كنت دائما احاول أضحي لأجل عائلتي من ارجع من الدوام مكنت أتغدى اكولهم اكلت بالمدرسة مع اني مجان عندي فلوس اشتري اكل وأخلي اخوتي ياكلون ويشبعون ورآها أفكر بنفسي وكذلك اختي اشوف وظعهه زوجها حارمهه من كولشي اجمع مصروفي وأنطي لأختي اكولهه عندي زايد آخذي الج اختي انحرمت من شبابها وعمرها كنت اموت باليوم الف موته من اشوف اختي تتعذب ويه زوجها وعيالهه وجوابها (صابره لأجل أطفالي )
نجحت الى المرحلة الثالثة وكانت اول فرحه لوالدي ووالدتي هو نجاح اخوي مهند بمعدل يدخله كليه الطب لكن مهند يحب الهندسة وقدم على الهندسه وتفوق اخوي هو الضربة الاولى أعمامي الي ولدهم كولهم فاشلين وفاسدين ولاواحد من ولدهم دخل معهد أو كليه الدلال خلاهم فاشلين وأول سنه نجح الاول على كلية الهندسه ورآها تغير الوضع في بغداد والقتل عالهويه أبوي خاف علينا  الولد ميكدر يعوفهم  يداومون لا يتذبحون
بعد مارتبنا امورنا وأبوي شغله تحسن واشترينا اثاث واستقرينا وأختي يارا كانت عدنا زعلانه من زوجها ... أبوي خاف علينا من الطائفية قرر نروح نعيش بالكوت عالاقل هناك عشاير وعشيرتنا موجوده هناك لملمنا الي نكدر ناخذه وغادرنا بغداد الى الكوت بوقتها اخوي علي سافر بدون مياخذ وثيقته المدرسيه وكال حاترك المدرسه ماوافقت كوني اكبر منه وكنت أساعدهم بالدراسة أخذت والدتي وسافرنا لبغداد الوضع كان مريب الناس تختل ببيوتها الساعة ٢ الظهر من الخوف والرعب الجثث بالشوارع واحنا نسوان اثنين وحدنا لان نخاف نجيب ويانا رجل لا ينقتل وكملت وثيقة علاوي وانقبل بالصناعة بالكوت يمكن الكلام بهالموضوع سهل لكن الحقيقة كانت مغامره صعبه جدا
~~~~~~~~~~~~
يارا ..بقيت عند اهلي فترة سنه اني واطفال ٣ صحيح مدلله عند اهلي لكن عدهم اب ...الحقيقة احمد لا اتصل ولا إجه يسال على اطفاله يتمرضون اهلي يؤدوهم  طبيب ملابسهم اهلي تكفلوا بيهم ملخص الوضع احمد تخلص من مصرف اطفاله مده سنه يمكن جان يجمع ويصمد بالفلوس
بعد مرور سنه من زعلتي رحت ويه اهلي للكوت صرت قريبه من بيت عيالي ..
خال احمد  ابو زهير من سمع بينا جايين زارنا بيت اهلي هو وزهير
ابو زهير ... عمو الى متى تبقين هيج وذولي  جهالج دايكبرون خو مايبقون هيج بدون اب
يارا ..عمو الله يخليك شتذكر اشو معد حلف يمين الا يقتلني
محمود ..اخوي ابو زهير جئتك ع راسي اني مامستغني عن بنتي اشو ضرب وأهانه وتهديد بالقتل وفكر مدكولي هذولي واحد يأمن فلذة كبده عدهم
ابو زهير ..حقك ابو هاني بس اطفالهه جاي يكبرون ويحتاجون ابوهم وانت الله يعينك الي عندك كافي والاشغال حاليا كولهه متوقفة خليه ترجع وانت وكل شروطك واني احاول اضغط عليهم يلبون طلباتك
محمود .. شروطي يعزلهه بيت وحدهه ومالهه علاقة بمعد ولا هو يتدخل بحياتهه أو خلي يطلكهه وتخلص من هالكابوس
ابو زهير .. عمو يارا اخذيها  من عندي اذا احمد أو معد اذوج اني اوكف بوجهم اخذيها مني كلمه
~~~~~~~~~~~~~~
يارا .. احمد أخذ اصغر غرفة بيت أهله وبنالي مطبخ وصحيات من البلوك والسقف من الجينكو تعرفون البلوك حار بالصيف بارد بالشتاء
رجعت وياريتني مارجعت. تبهذلت بالغرفة لانها أوطأ من الشارع ومن تمطر يفيض الماي بيها وابقى اغرف بالماي ماي حار خارج الغرفة بمكان مكشوف
يدخل الشتاء واني المرض وأراجع مستشفيات والكانونه بايدي ويجبرنه ننام ب (٧)  بالليل ويكعدنه ب (٤) الفجر لازم أعجن وأكعد  ادرس ولدي اما المصرف ينطيني خمسه  باليوم متكفيني بيها جكاير اله وريوك وغده وعشا لكن اني ما اعتمدت عليه اهلي كانوا سادين كل احتياجاتي
حتى اصدقائة من يزورونه أسمعهم يكواون ولَك احمد بيت الفلاح مالتكم أحسن من بيتك ليش هيج مرتك ماتستاهل
وجوابه كان ( ماعندي شسوي وووووو ) أمور كثيره تجاوزتهه وتحملتهه
احمد .. حضري ملابسي اريد اسافر
يارا ..على وين تسافر وشتسوي
احمد ..اروح لسوريا ويه أصدقائي نتونس شتردين مني
يارا .. شنو تتونس مو عندك عائله واطفال تعوفنه هنا وحدنه
احمد ..مو اهلج يمج شتردين مني
يارا .. سكتت هو وجوده من عدمه ميأثر خلي يسافر
كظاها يسافر بين فتره واُخرى واحنا عايشين بالحسره حتى اطفاله ميحبهم من يصير عصبي يشمر كتبهم ويمزقهه كل هذا التعامل بسبب معد لان كان يوزه على طول وره فتره عرفت معد مسويلي سحر عند صديقة الصابئي بس راد يتخلص مني بأي طريقة لكن ميكدرون على إرادة رب العالمين بقيت بهالعذاب وتأثير السحر كان قوي صرت كالمجنونة اتنرفز بسرعه  وأصير عصبية كرهت حتى نفسي ومن القهر طلعتلي غده بصدري راجعت الدكتوره شكت عندي سرطان
رحت على طبيبه السونار
طبيبه السونار .. تمددي عالسديه ...انت عروس
يارا ..ضحكت ..دكتوره اني متزوجة وعندي ثلاث أطفال وابني بالاول متوسط
الطبيبة ماشاء الله عليج عبالي عروس شكلج حلو
يارا ..هو هذا الي عّم علي ياريتني مو حلوه يمكن جان حظي كعد
الطبيبه ..حرامات كل هالجمال ومو سعيده
يارا ..الحمد لله دكتوره بس طمنيني خو ماعندي سرطان
الطبيبه ..كتبت التقرير روحي على دكتورتج تفهمج
رجعت عالطبيبه ومن شافت النتيجه
الطبيبه ..الحمد لله هذه غده دهنية مو سرطان بس لازم تأخذين علاج حتى لا تتحول سرطانية
أخذت العلاج وتحسنت حالتي بس بقى مفعول السحر جسمي كوله ياذيني الام بالمفاصل ومعدتي ماذيتني واحلامي كولهه كوابيس لحد ما امي ودتني للعلويه قرت علي قران وانطتني بطله سحر أسبح بيها ...والحمد لله طلع السحر من جسمي
بقيت ويه احمد ست سنوات شفت بيهم اذيه وتحملت لخاطر أطفالي وكل مره احجي ويه أبويه يصبرني ويكول تحملي لخاطر جهالج وزوجي ملتهي بالسفر والونسه وبخيل ويانا لحد ما إجه فد يوم من السفر ...
احمد .. ليش مطابختلي اكل مؤتدرين بي جاي من السفر
يارا ..ومنين اطبخلك انت درت وجهك وسافرت حتى مصرف ماعفتلي الله ينطي اهلي يصرفون علينا اني وجهالك
احمد ها تعيريني بالمصرف الي ينطوج اهلج ولج انت لو آدمية جان بقيتي بيت اهلي وعشتي عدهم
يارا ..مو كافي هذا الحجي تحجي يم الناس الغرباء والي ميعرفون شكو بيتكم وبداخلكم
احمد ..ولج لسانج طول ويرادله كص (طرررررررخ ) ضربني بوكسات وبرجله آذاني حيل لان جاوبته وتهجم على الأغراض ويكسر بيهه
يارا ..اَي كسر بالأغراض قابل مشتريهن من فلوسك كولهن من اهلي هما الي اشتروهن
احمد ..الوووو ابو هاني تعالوا اخذوا بتكم لا اكتلهه وابتلي بيهه
يارا اجوي اهلي أخذوني واني جسمي كوله ازرك من الظرب أخذت أطفالي ورحت لاهلي ببغداد لأنهم رجعوا لبغداد بعد ماتحسن الوضع
محمود ....بنتي انت اكثر وحده انظلمتي بسبب ظروفي وزوجناج لشخص حاقد هو واهله بسبب الورث والنزاعات الي بين العائلتين وانت دفعتي الثمن راح اروح اجيب نقل من مدارس الجهال حتى يداومون هنا ببغداد وبعد ما ألج رجعه
بعد فتره دزلي ورقة طلاقي غيابي مانقهرت لا انقهرت على احلى ايام عمري الي كظيتها وياهم
بقيت يم اهلي وكانوا مكيفين بي وبجهالي وأهلي علمودي تحولوا لبيت اكبر حتى يوفرولي غرفة كبيره الي اني وأطفالي
من شافني ماهتميت بلش يعادينا ويحاربني وراد يأخذ أولادي بس اني رفضت وحاول يرجعني هم رفضت لان مراح يتغير بقيت مرتاحة يم اهلي
بقيت على اتصال بيت خالهم ابو زهير وسمعت اخر خبر معد حايتزوج الزوجه الثالثة ابوهه هداهه هديه لمعد علمود الفلوس والأب عنده تسع بنات وانطاها لمعد
الحق يقال البنت مرتبه ونظيفة وتربيه عشائر (يعني مهيأ لخدمة الرجل وطاعة اوامره ) بس عمرهه زغير مواليد ١٩٩٦
~~~~~~~~~~~~
يارا   بعد ما آيس مني احمد التاف على ابني حارث الجبير ومتصل بي بالتلفون
حارث ..ماما الْيَوْمَ أبوي يجي علي اروح يمهم بيت بيبي
يارا .. شتسوي ابني اني ما اكدر انام بدونك
حارث ..يمه فتره العطله اروح أغير جو
يارا .....بعد ماراح ابني تغير علي ميجاوب على تلفوناتي ماتحملت سافرت للكوت
يمه ابني بدء دوام المدارس امشي وياي
حارث ..لا يمه اني أبقى هنا يم أبوي وأداؤه مدرسه هنا
يارا .. الكلام نزل ع راسي مثل الصاعقة
ترقبوا البارت القادم احداث مشوقة
~~~~بقلم فردوس عبد اللطيف ~~~~