#حفيدة_السلطان

البارت الثامن

#حفيدة_السلطان
بقلمي فردوس عبد اللطيف
البارت   الثامن
"لكُلِّ ضِيقٍ مِن الأمورِ سِعةْ، والمسيُ والصُّبح لا بَقاءَ مَعهْ.... لا تُهِن الفَقيرَ عَلَّكَ أنْ تَركَعَ يَوماً والدَّهرُ قَدْ رَفَعهْ.... قَدْ يَجمعُ المالَ غَيرُ آكلِه ويأكُلُ المالَ غَيرُ مَن جَمعَهْ"
يارا ..اخذت شنطة ملابسي وودعت اهلي وصعدت مع عمي صلاح بسيارته وانطلقنه  الى بيته بالكوت
مكان جديد محافظه جديده غربة في غربه صحيح عمي عنده علاقات وأقاربها هناك لكن الصعوبة اني فتحت عيني عالدنيا بحضن ماما وبابا ..
عمو صلاح حنين وطيب انحرم من حبيبته واعتزل وحده بالكوت وترك بغداد وكبر ورافض يتزوج اي امرأة بعد وسن
++++++
محمود .. فوز مكان بنتج خالي اشتاقيتلهه
فائزه .. نشفت دموعي محمود ع فراك بنتي لحد يمته يبقى وظعنه هيج اشبيهم التجار فقدو ثقتهم بيك ليش نسوا انت شكد كنت مخلص وأمين بعملك
محمود .. التجار اهم شي عدهم الفلوس ومصلحتهم هما مجاي يصدكون اني مالى ذنب
لاتاخذيني بالحجي شنو الغده اليوم
فائزه .. هالموجود كون يكفي الجهال
محمود .. اني ما اريد أكل خليهم يشبعون بعدين اني اكل
فائزه .. صارلك يومين مماكل شي واذا كعدوا الجهال عالاكل يخلص وانت تبقى
محمود ..مو مهم المهم هما يشبعون وانت مجاي تاكلين اعرف البارحه نمتي بدون عشا وانت جوعانه
فائزه .. لا لا محمود اني ما اشتهي الاكل بسبب فراك بنتي
محمود .. فوز اعرفج من دموعج الي تنزل بس ادور وجهي
+++++++
محمود ..مرت علينا ايام صعبة يادوب اوفر لقمه لأطفالي اكو ايام ننام بدون عشا ودموع فائزه تنزل بدون ما تخليني احس بيهه ..حاولت ترجع للوظيفة بعد ماتركتهه لكن دون جدوى
بقيت أصارع الفقر وأحاول اشتغل باحد الورش بأجره يوميه بعد ما توقف راتبي بسبب التهمه الي جتني بدون ذنب
اطفالي بعد ماكانوا عايشين بأعز والدلال والخدم والحشم
تغير وظعهم تغير شكلهم
ايام صعبة وظرف صعب ..لكن لابد من ان احاول ان اوكف ع رجلي
+++++++
يارا .. تفضل عمو
معد .. انت بنت محمود ؟ ما شاء الله شنو هالجمال وين عمج صلاح
يارا ..تفضل عمو موجود بغرفة الخطار
معد .. مرحبا اني معد مواليد 1966 ابن خال محمود وصلاح وهما ولد عمتي ابوي يسين كان على خلاف مستمر وياهم بسبب الورث المشاكل كانت مستمره وكل واحد يكول الحق وياي
انزرع بكلوبنه الحقد على ولد عمتي من احنا زغار
اليوم من اجيت لبيت صلاح فتحتلي الباب بنت جميله جدا
مشايف هيج جمال طبيعي ..من يومهه قررت أتردد ع بيت صلاح وأحاول اتقرب ليارا حتى احجزهه الي واتزوجها
وهسه ابوهه استفكر وجايبها بيت عمها حتى يخلص من لكمتهه ومسؤليتهه اكيد اكدر احصلها ببلاش
++++++
يارا .. معد مواليد 66 واني مواليد 80 الفرق بينا 14سنه اني مشايفته ولا اعرفه من شافني بيت عمي فكر يخطبني واستمر يتردد لبيت عمي
بصراحه اني بعده عقلي طفولي احب اللعب مع الاطفال ما كنت افكر بالزواج وهذا استمر يتردد علينا بس اني كنت اضوج منه وانهزم العب ويه أقربائنا بنفس الشارع
+++++++
صلاح .. هلا بالشيخ ابو حسن
الشيخ .. اليوم جابت خطابه لبنت اخوك لابني حسن
صلاح . شيخنا البنيه بعدهه صغيره مو للزواج
الشيخ .. يعني ماتزوجها اسال ابوهه
صلاح .. شيخنه بعدهه صغيره
+++++++
محمود .. اشلونك صلاح شخبارك واخبار يارا
صلاح .. خوي محمود يارا كثرت خطابتها شيوخ وأولاد أصول وعوائل اكثر من عشر اشخاص خطبوهه بس اني جاي ارفضهم من يمي
محمود ..زين تسوي حتى لو اني استفكرت بس البنيه بعدهه زغيره هو اني دزيتهه يمك من وره عيون الناس
صلاح ..مو بس هاي محمود بنتك مانزوجها لأي شخص احنا سلاله السلطان ..وكلامي هذا مو تكبر لا بس أقاربنا هواي وبعدهه خلي تكبر ومستقبلهم كدامهه
محمود ..كلامك ذهب اخوي البنية بعدهه زغيره
صلاح .. باجر حانروح معزومين لبيت خالي يسين مسوين السنويه مالته واخذ يارا وياي
محمود .. ماشي سلمنه عليهم
++++++
ام معد .. انت يارا معقوله بنت محمود شبسرعه كبرتي
يارا ..خجلت ودنكت
بقت ام معد عينها علي وتراقب كل تحركاتي والنسوان يحجن بيناتهم وياشرن علي
رحت للمطبخ اساعد البنات اجه معد دخل
معد ..هلو يارا اشلونج ياقمر
يارا ..خجلت من كلامه انهزمت من المطبخ ورحت يم النسوان (هذا شيريد مني شكد مكروه شكله مقرف )
++++++++
اليوم الثاني
ام معد .. خوي صلاح انت مسؤل عن يارا لو اروح لبيت محمود ؟
صلاح .. كولي خوي اني ومحمود واحد
ام معد ..اني جاية أخطب يارا لمعد
صلاح .. اختي ام معد الفرق بالعمر بينهم كبير والبنية بعدهه صغيره مو وكت زواجها شوفيها تلعب وية الجهال
ام معد .. كلنه تزوجنا صغار وتربينا يم الرجال
صلاح .. ماشي ام معد اسال اخوي محمود وارد عليج
+++++++
صلاح .. شدكول محمود ام معد تريد يارا لمعد
محمود .. معود هو معد مشاكله ومكسراته هواي اكو واحد ما اشتكى منه يا صلاح هذا كوله شر مشاكله ماتخلص ماذي كل الناس سمعته وأخلاقه زفت اشلون انطي بنتي
صلاح .. حقك ابو هاني مو بس هاي حتى سمعت ان كاتل واحد من عمال مزرعتهم من جنسيه عربيه ودزو جثته لاهله
محمود . شفت خوي اصرفهم من يمك ودير بالك على يارا
صلاح .. ماشي خوي ويارا بعيوني لاتخاف عليهه
++++++++
يارا ..بعد ما اهلي رفضوا معد عمي صلاح كان يخاف علي ميخليني اطلع من باب الحوش يكول لا يجي معد ويخطفج
بس معد شال حقد بكلبه علي وعلى اهلي وطبيعة معد لازم ينتقم ويثأر لنفسه وكرامته
+++++++++
يارا .. بعد ام معد تتردد وتتودد لعمي صلاح ولبيت اهلي وتحاول بكل الطرق تكسب مودتهم
بعد مرور كم شهر رجعت ام معد
ام معد .. خوي صلاح هذيج المره رفضتوا ابني معد بس هالمره جايتكم خطابه لابني احمد وعمره مناسب ليارا وماعدكم حجه
صلاح .. اختي ام معد الزواج قسمه ونصيب والموضوع يخص اخوي محمود اكيد موافقتهه هي المهمه
ام معد .. بعد شنو حجتكم انتظر جوابك !!!!
++++++++
صلاح ..خوي محمود هالمره ام معد تريدهه لاحمد الصغير وعمره مناسب لعمر يارا انت شدكول
محمود .. هسه ام معد خلت عينها عالبنية ومراح تعوفهه
صلاح .. خوي الولد فقير وشاغول هو لازم المزرعه مالتهم
ويطلع من الصبح لليل
محمود .. ماشي خوي خلي يجون اسبوع القادم بس خلي اتاكد من رائ امهه ونجي نشوف رائ يارا
++++++
بعد مرور يومين وصلوا محمود وفائزه لبيت صلاح
يارا .. حبيبتي ماما مشتاقتلكم مشتاقه لأخوتي مشتاقة لأختي
روجين من سمعت بيكم جايين بالطريق عفت اللعب واجيت
فائزه .. لج ماما يا لعب انت كبرتي وصرتي عروس
يارا .. شنو يعني ماما
فائزه .. ماما حا تتزوجين اجولج خطابه لبيت ام معد خطبوج لابنهم احمد
++++++++
يارا تمت خطوبتي لاحمد واني ما اعرف شنو معنى الزواج وتكوين أسره كل الي فهمته حا البس فستان ابيض ويمكيجوني والناس تتفرج علي  يعني اصير مثل اللعابه الي لابسه فستان ابيض
بعد ماوافقنه عالخطوبه جابولي نيشان عباره عن حلقة وملابس فستان وشغلات بسيطه
محمود .. بنتي يارا انت بنت خير ميصير تطلبين منهم وتتشرطين
فائزه .. ابو هاني معقوله هذا نيشان بنتي اشو خطابتهه كولهم شيوخ وناس واصله رفضناهم ورضينا بابن خالك وهما ماشاء الله الخير فائض منهم وفلوسهم مو قليله
محمود .. فوز بنتي بنت خير وعيب تطلب منهم فلوس لو ذهب
فائزه .. بس هذا حقها الشرعي كل عروس ينطوهه مبلغ جهازهه اشو ذولي ذبوهه تغليسه لا حجوا ولا كالوا طلباتكم
صلاح .. خوي ميصير نحجي ونطلب منهم المفروض هما يعرفون الأصول اشو ذولي سكتوا واحنا عيب نحجي
فائزه .. قصدك استغلوا وظع محمود استفكر وهما مستواهم عالي وكدام الناس ياخذون بنتنا لابنهم فخر النه اني اعرف تفكيرهم استعلاء وهما لوما شافوا بنتي جميله وبعدهه صغيره مجان اجوي وخطبوهه
محمود .. فوز ترى الفلوس ماتكدر بخت وبنتج خيرهه كدامهه واحنا اهل خير وعيب نطلب ونتشرط ونريد نشتري رجال مانريد نخرب وياهم من البدايه واحنا وياهم اهل وكرايب
فائزه ماشي محمود اني ارجع لبغداد وانت وصلاح تصرفوا
محمود .. اني اروح وياج وارجع بالمهر
يارا ..ماما عفية ابقي يمي لعد منو يبقى وياي
فائزه .. ولج يمه ذولي استغلالين واحنا منكدر نحجي كولشي عيب خلي نشوف كدام الناس شراح يسوون بيوم العرس وشراح يلبسوج ذهب لو يخلوج عالحلقة
+++++++++++
احمد .. عمو صلاح حددنه موعد المهر يوم الخميس
صلاح ..شدعوه مستعجل والغرفة شوكت حاتفصلهه
احمد ..الغرفة بعد الزواج بشهر تكمل لان حاليا ماعندي
صلاح بيهه الخير
++++++++
اجوي بالمهر بس محد اجه وحتى فستان مهر ما لبست الكعده كانت بسيطه بس عقدو القران وهلاهل وكلللللللوش
بعد هه عقدنه بالمحكمه وصار موعد العرس الخميس
اليوم الثلاثاء
فتون ..خوي صلاح منو راح يهتم بيارا ؟
صلاح ..خوي تعرفين امهه فقيره وهنا ماعدهه احد
فتون ..راح اجي اخذهه عندي
++++
يارا ..اخذني عمي لبيت خالتي وهناك أخذتني خالتي للصالون
الوقت كان قبل شهر محرم وبوقتهه عرايس هواي بس خالتي حجزتلي عند حلاق اسمه ميشيل كان يميج الفنانات وعنده كادر نسائي
الاربعاء .. سوتلي حفله حنه وحفتلي شكلي تغير وميجوني
هذه اول مره احف شكلي تغير وبرزكل وجهي اني ماعرفت نفسي
يوم الخميس ..موعد العرس
فتون ..يارا لبسي هذا الفستان وحضري بدله العرس خلي ناخذهه ويانه
يارا ..اي خالتي
فتون .. هلو ميشيل هذه عروستي ..هاي شنو اليوم هوايه عرايس
ميشيل ..مو تعرفين حاندخل بشهر محرم بعد اسبوعين اعتيادي لازم يصير ازدحام ..بس اني فقراتي توجعني حا اخلي البنات يستغلون
بس هاي شنو البينيه ؟ اشو حبايبج كلهن حلوات
فتون ..أريدك انت تمكيجهه
ميشيل ..تدللين اخت فتون مع ان فقراتي توجعني بس راح اشتغل هذه البنت (صفن بوجهي )
تدرين ليش لان مراح تعبني جمالهه رباني
يارا ..كنت مريضة بلاعيمي ومصخنه وطالعه حراره بوجهي وبدن العاملات يخلون الاساس بوجهي
ميشيل ..انتو شجاي تسوون عوفوهه اني اشتغلهه
يارا بدء الحلاق يرسم المكياج بوجهي وكمل خلال خمس دقايق
الكل أنصدم والعرايس كلهن رادن نفس مكياجي
ميشيل ..يا صبايا البنت هاذي هي حلوه ومبين ما مخليه مكياج قبل لذلك اكيد يبرز جمالهه وتطلع حلوه
فتون .. كملت عاشت ايدك خابرت ع جيراني يجي يوصلنه
اجه جيران خالتي واخذنه بسيارته لان الطريق بعيد تقريبا ساعه
محمد السايق صفن بوجهي وكلسع يلتفت ويكول بسم الله ماشاء الله
محمد ..خالتي فتون ليش وما انطيتيني بنت اختج
فتون . ولك انت متزوج امشي لا تتاخر
بقى يلتفت وكف السياره ونزل
فتون .. محمد وين
محمد السايق ..سبحان الله الخالق خالتي خلي اخلي فد شي عالجامه اخاف يوكفونه السيطره وذولي ميخافون الله (بزمن النظام السابق )
محمد ..هاي سيطره
انضباط السيطره ..هاي ليش مخلي قماش عالجامه ؟
محمد ..وياي عروس ولايخرب مكياجهه
نزل الجامه حتى يباوع ويتأكد
لانضباط .. صفن ...عمي حقك اطلع وبالعافية على الي صارت قسمته والله يسعدهه
وصلنه لبيت عمي ولكيت الكل متجمعين الجيران والاقارب وبعد نص ساعه جتي سيارات الزفه
وكلبي يدك سريع من الخوف من المجهول
كنت ما مرتاحه ولا متخيله راح اعيش مع اهل احمد
وصلنه للبيت عشوا الضيوف وزفونه للفندق
وجتي ام معد لبستني خاتم الماس اني استغربت وفرحت لان هذا محبسها ونزعته ولبستنيا
ترقبوا البارت القادم وخلي نشوف يارا وحياتها مع زوجها احمد واخو معد واهله
++++بقلم فردوس عبد اللطيف +++++