#حفيدة_السلطان

البارت السادس

#حفيدة_السلطان
بقلمي فردوس عبد اللطيف
البارت السادس
البسمه قدر.. والدمعه قدر. والمجهول لا يومئ عبثا.. المجهول لا يعرف المزاح.. المجهول هو القدر.. ولغة القدر مميتة.
محمود ..مرض العصر( الزهايمر )
حسب مكال الدكتور انتو تأخرتوا من جبتو الحجيه كان يفترض تجيبوهه اول مصار بيهه لان العلاج بالوقت الحاضر يصعب حاليا وأخذنا العلاج وبدينا نتعامل مع الوالده بطريقة خاصة هي تذكر ايام شبابها وطفولتها لكن الحاضر لا حتى ماتعرفنا الا بعض الأوقات
يارا .. بعد ما شفيت من مرضي تغيرت حياتي ورجعت اداوم بالمدرسه يومية كنت احب المدرسه والدراسه واللعب
داومت بالاول متوسط عمري كان 13 سنه تفوقت ونجحت
اليوم اهلي مسويلي حفلة نجاحي وعازمه صديقاتي واقربائنه كلهم عدنه وماما مسوية كيك وأنواع المعجنات من غير العشا
بوفية بي كل انواع الاكل
ام فائزه .. بنتي يارا طالعه تخبلين بهالفستان الأبيض يوم نفرح بيج وبزواجج
فائزه .. هههه وينها وين الزواج بنتي شايله جمال رباني باعي عيونهه مكحله من ربي والخدود عبالك مخليه وردي
ام فائزه .. قل اعوذ برب الفلق سمعت النسوان يكولن من تكبر يارا حاتكون ملكه جمال ديري بالج عليها من العيون
فائزه ..الله حافظ
يارا ...اليوم الثاني الصبح كعدنه على صوت الباب يندك بقوه بحيث الصوت كعدنا من نومنه
سمعت اصوات صياح امي وبيبيتي وصوت رياجيل نزلت واشوف البيت متروس شرطة وحرس واشوف ابوي لازمي اثنين ومكلبجين ايديه واخذو ابوي صعدو بالسيارات واحنا كلشي منعرف بس امي تصيح دكولهم شمسوي محمود انتو منو
الضابط .. اختي احنا الأمن وزوجج متهم بقضيه وعدنه امر بإلقاء القبض
فائزه ..اخوي انتو متوهمين محمود انسان محترم وماعنده مشاكل اكيد غلطانين
الضابط .. دفع امي وجروا ابوي وطلعوا
امي وكعت بالارض من الدفعه وبقت تدك وتلطم ولكم لحكوني يايمه لحكيني
ام فائزه . اشبي اشبي مح وكعت عالارض وتخربطت فقدت الوعي
فائزه ..يمه اشبيج يمه مو وكتج هسه خليني الحك عالرجال انوب انتي وكعتي يايمه كومي الله يخليج
بيبيتي صارت خشبه لا حس ولا نفس
اخذوهه للمستشفى امي وراحت وياها مسوؤله الخدم خاله ام علي وبقينا احنا بالبيت نبجي ونلطم منعرف شنسوي وين نروح بابا اخذو الامن وماما بالمستشفى ويه بيبي خلي اتصل بعمو صلاح
يارا .. هاني فدوه اتصل بعمو صلاح خلي يجي عالسريع
هاني .. لاتخافين ترى بابا ماعنده شي راح اروح على عمامي واشوفهم
يارا .. لاتروح وحدك
هاني .. راح اروح عالمستشفى واخذ ماما ونروح عليهم
يارا .. طمنه مو تعوفنه قلقين
ام محمود .. وينك محمود منو ذولي اجوي للبيت ...انت مدري شسمج تعالي
يارا ... نعم بيبي
ام محمود ..ها زه كاروكج انت امي واني بنتج
ماما ماما
يارا ..نعم
ام محمود .. وين راح محمود
يارا ..هسه يجي بيبي ابوي بشدة ادعيله بدل ما تساليني
ام محمود .. اخذيني بالحجي وانتو تريكتوا لو حدكم وأكلتوا كلشي وكلاشي واني بقيت جوعانه موتوني جوع
يارا ..بيبي مو توهه الخدامه شالت الصينيه من كدامج توج تريكتي واحنا بقينا منو يكدر ياكل بيبي
خلي اروح اشوف اخوتي
في المستشفى
هاني ..هلو يوم اشلونهه بيبي
فائزه ..امي من الخوف انضربت جلطة انت تعرف بيبي شكد تحب ابوك ماتحملت الصدمه
هاني ..سلامتهه وشكال الدكتور
فائزه .. كال اذا تعدي 48 ساعه تعبر مرحلة الخطر
هاني ..يوم اني جيت عليج حتى نروح ع عمامي يشوفون حل لابوي
فائزه .امشي نروح وامي يمهه
ام علي انت ابقي يم الوالده واي شي يصير اتصلي بالبيت اني حاروح اشوف حل لمحمود
ام علي ..روحي ام هاني لحكي على الباشا
فائزه .. انت اتصلي باختي فتون خلي تجي يمكم
+++++++++++++
فائزه .. السلام عليكم خوي زهير اخوك محمود اخذو الامن
ساعدنه بعلاقاتك شوف ليش مأخذي
زهير .. وما عرفتي شمسوي معقوله الامن يجون ياخذو بدون سبب
فائزه .. بلكي تتصل بالمحامي يروح يشوفه
زهير .. ام هاني روحي وكلي محامي يمشي بالإجراءات
واحنا من اليوم نتبرأ من محمود لان كسر وجهنه كدام الناس
فائزه اشكرك اخوي ع هالموقف
فائزه .. طلعت من حماي ودموعي تجري احس خدودي تتجرح من الدمع اوف يا محمود يا ابو كلب الطيب ليش هيج يصير بيك طول عمرك واكف لإخوتك وهاي تاليتهه يتخلون عنك هما ذولي الي جنت توكفلهم بكل مشاكلهم
هاني .. يمه اعتقد عمامي كلهم نفس الموقف
فائزه ..ميخالف يمه خلي نروح عليهم كلهم
رحنا على اخوة محمود كلهم ولا واحد قبل يساعدني بقينا اني وابني مثل المنبوذين واحد يباوع عالثاني بس صلاح لما سمع بالخبر اجه يركض وأخذني لمحامي صديقة
المحامي .. اخت ام هاني اخوي صلاح انت صديقي واني لحد الان ما اعرف شنو التهمه الموجهه لمحمود باجر اجري اتصالاتي والعصر تعالوا للمكتب وان شاء الله نحاول نساعده
صلاح .. شكرا استاذ نستأذن
فائزه طلعت والدنيا تفتر بي ورجلي ما اعرف ليش اخذو ا
+++++++
دائره التحقيق
الضابط ..انت محمود احمد بن حسين
محمود .. نعم سيدي
الضابط .. انت متهم بجريمة قتل المدعو خالد عبد الجبار
محمود .. عفوا سيدي ما افتهمت منو خالد
الضابط .. انت شتشتغل
محمود .. اني مهندس رادار بالقوه الجوية بس منو خالد ؟
الضابط ...الإنكار مو بصالحك
اكو شهود انطونه اسمك الثلاثي وشافوك تهرب من شقة المدعو خالد لأنك صديقة وكنت تتردد عليه
محمود .. سيدي هذا الاسم ما اعرفه ولا صديقي اشهد بالله
الضابط ... كل الي يجون هنا يكولون اني برئ ومامسوي شي عريف اخذه للزنزانه
++++++
فائزه .. خوي صلاح اخوتك تخلوا عن محمود وعلاء يكول ماكو سيوله عدهم والمحامي يحتاجله مصاريف واني ماعندي غير ذهبي هاك خوي اخذه بيعه وخلي نتحضر لان باجر لازم نودي قسط للمحامي
صلاح .. انت رحتي عليهم كولهم وماقبلوا يساعدوج ؟
خلي اروح احاول وياهم بلكي كلامي ياثر عليهم
فائزه .. بكيفك اخوي بس مثل ماجاي اكولك اخذ الذهب وياك واذا رفضوا يساعدون محمود انت روح بدربك للكاظم وبيعهم مانريد نضيع الوقت
صلاح .. صار ام هاني لا يضل بالج
+++++++++
فائزه .. الو مستشفى اذا ممكن مرافقة المريضه سهيله
ام علي .. الو ام هاني شخبار الباشا
فائزه ..بعد مابين شي المحامي راح يفتهم الموضوع
طمنيني الوالده شخبارهه ؟
ام علي .. لايضل بالج بعدهه نايمه واختج جتي يمنه انت ابقي شوفي حل للباشا
فائزه ..سلميلي على فتون وديري بالج عليهم
++++++++
كيان .. وفاة والدي اثرت بي اختي الكبيره معلمه واني وياها بنفس المدرسه
اميره اخت كيان .. انتو ليش البارحه انهزمتو من المدرسه
الطلاب .. ست والله كيان كال اليوم مادارس خلي نهرب كولنه
اميره .. ها يعني كيان الي حرضكم
حضرتك عبالك لان اني اختك حا اسامحك اليوم الكل يطلع وراح احبسك بالمدرسه وأريد اشوف اليوم شكد تتحمل
كيان .. اشرتلهه بايدي عود بسيطه بالبيت
وصدك حبستني اختي بالمدرسه بقيت وحدي كم ساعه شكد اكره الدراسه والمدرسه ما احبهم خو مو كوه
وره ساعتين امي خبصتهه لأميره وجوي علي اخذوني للبيت
وبقيت أتهرب من الدراسه شكد ما اهلي يضغطون علي شكد ما اعاند
اميره ..انت ليش ماتدرس وتاخذ شهاده احنا بنات اخذنه شهاده والولد يحتاج الشهاده اكثر من البنيه
كيان .. انت عليمن تضحكين أضيع سنين عمري ادرس وتالي اتعين براتب ميجيب عيشه لازم اشتغل وأجيب فلوس
احسن من ابو الشهاده وجاي تشوفين الحصار شمسوي بالناس والشهاده ما الهه قيمه
اميره ..بس انت بعدك صغير مو مال تشتغل
كيان .. لازم من الان اشتغل وأكون نفسي حتى من اتزوج عندي بيت وأكون متمكن ماديا
++++++++++
فائزه .. ها خوي صلاح شكتلك مو كتلك اخوتك رادوهه من الله يتخلون عن محمود وهسه خوش حجه
صلاح .. خوي هذا المبلغ الي استلمته من الصائغ بعت الذهب والحمد لله انت ضامتهن وهسه وكتهم
فائزه .. خوي اشو علاء ضم راسه ومصرف الخدم هواي
منين اجيب كلما اكوله يكول ماكو سيوله
صلاح .. اختي اتصلت بالمحامي
فائزه .. اشو سكتت كمل اشبي محمود شنو تهمته
صلاح .. محمود متهم بجريمه قتل والمحامي حايزوره ويفتهم منه شدخله بالموضوع
فائزه . لطمت على خدي يا يمه لحكيني محمود يرتكب جريمه هو النمله الي تمشي عالارض ما ياذيهه انوب يكتل بشر خوي كول غيرهه
صلاح .اكيد اكو غلط بالموضوع وانوب المقتول يشتغل بدائره حساسه لهذا اخذو بالامن
فائزه .. يا محمود هاي التايهات اجتك تركض والحل خوي الحكني
صلاح .. محمود طيب ويساعد الناس واكيد ربج يوكفله
فائزه . اسمع خوي من دينار للمليون لو اعرف ابيع كولشي واكعد عالارض واطلع محمود ماعندي مانع المهم يطلع من هالمصيبه
صلاح .. لاتخافين ام هاني اني وياكم وان شاء الله ربج يوكفله
فائزه .. ان شاء الله
فتون ...الو فائزه لحكيني خيه امج ماتت من قهرهه ع محمود ماتحملت الصدمه
فائزه ..انا لله وانا اليه راجعون الله يرحمج يمه جايين خيتي
.. واني بهذه المحنه احترت افكر بمحمود الي واكفلي بكل احتياجاتي واليوم اني بأمس حاجتي اله اليوم فقدت نبع الحنان فقدت الطيبه والحنيه حاتروح وبعد ماترجع
حاتكون ذكرى واني بطريقي للمستشفى ودموعي تجري رجعت لايام طفولتي رجعت اشلون جانت مدللتني شكد جانت تخاف علي اليوم اودعهه الوداع الاخير
اخخخخخ لو تعرفون شكد مؤلم فراق الام هي كانت الام والاب بالنسبه الي شمعه مضيئة في بيتي اشلون ادخل لغرفتج بعد يا امي واشوف فراشج واشوف مكانج الي عالقنفة اووووف يا امي شكد نصحتي محمود وكتيله يمه لاتحجي بالنعمه والرزق ترى الحساد هواي ومن كد ما تحبي
ماتحملتي عفتيني وعفتي الدنيا الي مابيهه سعاده كامله
أوقات السعاده قليله لكن التعب والمشاكل تهد الحيل يايمه
عفتيني وانت كنت الصدر الحنون الي اتكئ عليه وقت المحنه
وصلنه للمشفى تلكتني اختي وحظنتهه توسلت بيهم اشوفهه واحظنهه بس اريد اشمهه واشبع من ريحتهه اخ يا امي تركتي بصمه بداخلي خليتيني احاول اكون قويه لكن داخلي لا انسانه محطمه مستقبل مجهول بركبتي اطفال اربع ولد وبنتين
عمامهم تخلوا عنهم وعن اخوهم ..
تممنا إجراءات الدفن ورجعنا للبيت نستقبل المعزين وصلاح يركض مع المحامي وكلسع نسمع خبر عن محمود
حتى اكو ناس من نسالهم يخوفونه وخلونه بقلق
مستعده ادفع عمري لأجل زوجي العزيز ولا يبقى يوم واحد بالسجن والتحقيق
بعد ما كملنا إجراءات الفاتحه
طلعنه اني وصلاح وهاني نزور محمود
يارا .. ماما من طلعتوا اجه عمي زهير وياه الولد الي يشتغل عنده اسمه جابر وياهم رياجيل اثنين دخلو على بيبيتي ام ابوي وطلعونه من الغرفة وبقوا وحدهم ويه بيبي
وراها من طلعوا دخلت ع بيبي شفت اصبعهه بي لون بنفسجي مصبوغ
فائزه ..صدك تحجين وما عرفتوا شحجوا ومنو ذولي ؟
يارا ..لا ماما رحنا لغرفتنه
للحكايه بقيه ترقبوا البارت القادم أحداثة مشوقة
+++++بقلم فردوس عبد اللطيف +++++