.المذة كسارة الجامعة 😘
..................
اها انا بقيت ممتنحة😲😲😲😲😲😲😲
ي رب انا بحلم ولاااا شنو اها ماما ردت عليها بانو انا لسة سغيرة وامتحاناتها قربت وكدا لمن نمشي العمرة ونجي .. بعد ما ناس ماما سافرو ونحن راجعين من المطار قبلي م ادخل البيت جرررري ع بيت ناس تونا وبنطط والله فرحانة كنت فرحة حياتي م فرحتها وحسيت انو انا والله محظوظة واتشعبط ليييك ف تونا وكلمتها وهي فرحت لي كمان
وكنت مستنية ع جمر بتيييين يجو علشان موضوعي ينجض😃وصراحتا اشتقت ليهم امي وحبوبة ديل صحباتي يوووخ😢
اها ومرت الايام وناس ماما جو من السفر وتاني م ف ذول فتح الموضوع لا ماما لا خالتي 😧
والامتحانات قربت وصراحتا نحن كنا م ناقشين حاجة والتجريبي جا ودرجاتنا ذي الذفت 😧
وباقي 20 يوم ع الامتحانات وبس اتعصرنا شديييييد وبقينا نعسكر ف بيت ناس تونا وقرينا والحمدلله النتيجة طلعت ونجحنا ونسبنا كانت بجد عالية وتونا وسبحان الله انا وتونا كان فرقنا 3 درجات م 3 نسب 3 درجاااااااات ده دليل ع قرايتنا كانت صادقة 😂
صراحتا رغبتي كانت فنون لاني من صغيرة وانا برسم جابدني عمي السغير رساااام ماشاءالله 😍 حتي نسبتي كانت فيها 98 بس ناس بيتنا ابو لي 😭😭😭
وبعدها نذلت الجامعة وصراحتا والله كنت مذة 😏 ومكسرة الجامعة كلها يلا انا خدرا بس مهتمية بنفسي شديييد عروكات وكريمات سمحة ونضااافة وكدة المهم لوني كان حلو م خدرا شديد بس ذي م بقولو سمرا وجسمي الناس بيقولو لي رهيب وعيوني حلوة والله 🙈 واقسم عندي غماذات 🙉وكنت بتمكيج حلوووو وبسيط م ذي البنات يعني يجوطو الدنيا ومافيها وهقوليكم ع سر تعالو قريب انا لساني عريض وبتكلم برااااحة ع مهلي يلا لما اتكلم الناس بيفتكرو اني مدلعة 😂😂😂لكن والله خلقة خلقة ي جماعة😂😂
وصراحتا لبسي والله اشيك وحدة مع انو نحن وضعنا عادي بس م كنت بلبس اااي حاجة والسلاااام😏✋ كييف لاكن مولودة اركويت وامي وخالاتي دياميات ناس نمرة 2 وييين انتو تعالو علينا جااااي😉
وشكار نفسو .....😈
المهم انا فجاأة من الطفولة بقيت بنوتة حلاة الدنيا عليها .
واول سمستر الاولاد كرهوني اااي واحد عايذ رقمي وانا طبعا لسسسسة مكسرة ف ود خالتي الما جايب لي خبر وحاباهو الحب اللمن عوارة داك م بتكلم مع واحد علشان بعتبر نفسي خنتو 😲والله جد 😧
وهو م جايب خبري ذاتو 😧 بس اصبرو بعدين بقا ليهو حااار😜 وطبعا الاولاد قايلني مفترية
بس والله بريد ي جماعة ريدة ريدة م افترا
كنت بقول لحبوبة ود بت اختك دة م فنييييط م تعرسوووهو لي يوووخ 😘 تضحك وتقول لي الله يهديك
طبعا ف الفترة بتاعة اجاذة ثالتة ولحد م دخلت الجامعة ويمكن لانها اطووول هوليداي
اتغيرت وقربت شدييييد من ناس البيت شغب 🙈 شديد بذات مع حبوبة كنت بشاغلها واكلكلها تضضضحك تقول لي ي قليلة الادب الهميذ الدايرة دة بتلقيهو 🙈
وفرحت لي شديييد لما دخلت الجامعة لاني اول ذول من البيت ادخل الجامعة (م البكر قلنا 😆)
وف يوم نحن قاعدين ف الشجرة حقتنا برا بيتلمو فيها نسوان الحلة والبنات من فترة لفترة والجبنة والونسات 👏👏👏👏 اها المهم جابو سيرتو بنات جيرانة المعفنات وانتو ود اختكم السمح داك وين (انا😲)
انا:سمح ساااي هو
بتهم الكبيرة: (طبعا حلبييييية م شاءالله عليها) ...م تلذو لينا عليك الله
حبوبة: نلقا ذيك وين ييي ...😱
انا:(الغيرة تتدخل )هوووي ي حبوبة انتي بمشاكل 😒؟
م تأمل ملكبتات 😡
ماما تعاين لي سااااااي وانا عاملة رايحة😂
وف نص السمستر الاول حبوبة سكرها ارتفع وجاتها جلطة و شلت نصها اليمين بس بعد ذمن بدت تتحسن واتكلمت وحركت اليد والرجل بس كانو تقااااال لسة وفجاءة ف يوم ضربو لي وانا راجعة ع البيت قالو حبوبة تعبت شديد ودوها المستشفي وكنت عايذة انذل بس ماما قالت لي لا امشي نضفي البيت واقعدي مع اخوانك (وم فهمت قصدها شنو )وفعلا واصلت ومشيت البيت ونضفتة وقعدنا لحد م اليوم خلص طبعا كلو كان ضيوف بيسالو عن حبوبة وذي الساعة عشرة كدة جو جيرانا بالحيطة وانا كان نمت الوقت وصحتني اختي السغيرة (نانا) قالو عايذني المهم مشيت وانا شامة الوضع وعين مغمضة وعين مفتحة المهم سلمو علي وقالو لي ناس البيت م ضربو ليك تاني قلت ليهم ضربو قبيل كدة لاكن قالو كويييسة الحمدلله حالتها استقرت بس فجأة خالتو خديجة جاتني ومسكتني وقال لي الدنيا والدوام لله وحده ي بتي
💔💔💔💔💔💔💔💔
......
يتبع......
