عقد قران
بابا ومحمد جو وبقينا نتكلم ف ترتيبات الخطوبة وكده
وبعد شوية تلفوني ضرب
وكان رقم غريب حسيت انو محمد صمتا تلفوني وواصلت باقي الكلام بجد م عارفة لية حاسة اني م قادرة اتكلم معاهو
مع انو انتو عارفني بحبو قدر شنو بس م عارفة الايام دي م كنت قادرة اتكلم معاهو بعد شوية جاني مسج من
حلمي
ي تاجا ردي علي
وبكده اتاكدت انو محمد لانو حلمي م بيقول لي ي تاجا بذات ف مسج
ي أما حيوانة ... الخ وده الطبيعي او ي قلب ي حب ...الخ وده ف حالة انو بيحنك وعايذ مني او عايذني ف حاجة حبيبي يوخ😂😘
المهم خلصنا كل كلامنا وونستنا ومحمد قال ماشي ودعهم وانا لاني كنت جمب الباب سلم علي ف يدي وعاين لي
محمد :تصبحي ع خير
انا :وانت من اهلو
ومشا ع كده
ونحن جرييي طلعنا الحاجات ووريناهم لناس البيت
وذي م كنا متوقعين انا وتونا هيقولو الفستان بسيط😂وفعلا عجبهم الاسود والله تونا عارفاااهم😂
ووريتهم السيت و م شافو الدبلة علشان محمد شالها معاهو وابا يوريهم ليها 😁وغايتو عموما عجبتهم الحاجات ولميناها بعداك
وناديت ماما ع جنب واديتها القروش الباقية لي انا عارفة واكيد هيحتاجو ليها
انا :دي باقي لي لانو محمد اداني وغير الفستانين وجذمة وحدة م اشتريت منها حاجة الباقي اشتراهو هو
والله يتاجو غايتو الود ده بيخجل😳
ابوك قال لي قبيل ناداهو قال يعمل الخطوبة ف صالة م عايذ ينقص ليك حاجة بس ابوك رفض قال انو البيت احسن وانتي ذاتك هتقولي تعمليها ف البيت احسن وادا ابوك قروش ولما ابا يشيلها ذعل وقاليهو
محمد:لكن معليش ي ابوي علشان ده من واجب محمد ود اخوك وولدك لاكن انت اعتبرتني محمد خطيب بتك
(طبعا اولاد عمي كلهم بينادو بابا وعمي التالت ابوي ونحن برضو بنادي اعمامي ب ابوي وده سبب محنتنا الغرذوها فينا ابهاتنا الا عاد خالاتي ديل حناكيش ساي 😞ي خالتو قال😒)
ابتسمت قلت ليها ااي والله بيخجل ساي اليلة م خلا لي حاجة ذي م انتي شايفة
و بعدها تونا نقنقت وقالت الوقت اتأخر ومشينا بيتهم علشان نكلم خالتو علوية انها هتقعد معانا لحد يوم الجمعة مشينا ورجعنا وابتدت سهرة العروكات والماسكات وااخر حاجة لطخنا وشنا وذايد عليهو خيار ونمنا 👽😁
الاربع ....
وده عده عروكات ومسوح وجلبطة بسسس😂
الخميس....
والصباح قمت ومشيت الحمام ونذلت علشان الشاي ولقيت ماما وبابا ف الهول وبابا بيتكلم ف التلفون وسامعاهو
لالا خييير والله لخييير
وماما مخلوعة وخاتة يدينها ف قلبها اشرت ليها ف شنو؟
قالت لي م عارفة ي تاجا بس الله يستر وظااهر عليها الهم ورجعت تاني وركذت مع بابا
انا قلت خلاص ف ذول مات 😞 والخطوبة فركشت 😁
ومشيت خليتهم وجبت كبايتي وجيت كبيت الشاي وانا قايمة بابا قال لي اقعدي ي تاجا ي بتي
طبعا هنا انا بقيت مخلوعة وقعدت م فاهمة ف شنو
