Kajonka
طبعا الفوتو م هو لاكن نففففس اليد ونفس الاسورة والله عندو ذيها ونفس الدقن والشنب ونفففس السنان بس محمد نوايبو ابرذ حبببة و ونفس الضحكة والشفايف
وبكده هتكونو اخدتو خلفية عن كجونكا 😊
في اجاذة 3 في ذول جديد دخل ف حكايتي انا وكجونجا
ماما :تاجا ي بت تعااالي
انا :نعم ي ماما
ماما :تعالي شيلي العصير ده وديهو ل ود عمك جا برا
انا :تمام بس ياتو فيهم
ماما :امشي ياخ العصير ده سخن 😠
...اووو تاجا 😊
انا : محمد 😲 كييييفك ي ولد وشنو المفاجأت وحمدلله ع السلامة ياااخ وجيت متيين
محمد :تمام والله وده كلوو ارد عليهو
انا :هههه كلللللو 😁 م تخلي ولا شي
محمد :هههه ي ستي انا الحمدلله والله وجيت لي ذي اسبوع كده
وكيف انتي قالو لي نااقة مع العطله دي
انا :بس خليها ذهج تقيل وناس البيت ديل استغلال شديد طبعا
محمد ههههه 😂😂😂😂عارف والله ربنا يعينك
والجبنة بدت بس طبعا معانا ضيف من غير ربة 😆
واتلمينا كلللنا لما الجبنة خلصت ومشيت صليت المغرب ودخلت الواتس وتونست مع حبيب القلب جاتني ماما تعالي شوفي الحاجات الجابا ليك محمد
انا :احللفي 😲
ماما :انتي ي بت عبيطة 😞
انا :لالا مولوده كبيره لا كن والله ي ماما الود ده طلع ذوووق انا م اتوقعت يكون متذكرني ذاتو
ماما :ي بت م خلا ذول فينا ود الهناااا ود السروور وبتعاين لي بقعر العيين
انا : هووي يمه حركات النسوان دي م بتنفع معاااي 😏✋
طبعا ماما عذو اخوي يوم داير يقول ليها ي حجة نظام الولد بقا كبير ع ماما عملت ليهو فيلم هندي ف شنو يمه دي حتنجلط 😂
****************************************
بعد الشر عليك ي ست الحبايب وربنا يديمك ي فوق راسنا😍
*****************************************
ماما :يلم فيك الباعوض ي تاجا ي بت محمد انا دايره ليك شنو غير السمح
انا : ياااااا نبع الحنان انا عندي ذول عليك الله تلبي من الموضوع بس😁
ماما :قليلة ادب انت اصلك كان م كلمت ليك ابوك اضحكي علي
انا :تربيتك ي جمييل انت😙
ماما :معليش م ربيتك انا كتتتتر خيرك وبارك الله فييك ي تاجا
انا : (فجأه وقفت ليها ف نص السرير )بسسسس لحد هنا وبنختلف بالله لو سمحتي بس م تغلطي ف امي وتربيتها والا كلمتها ليك وانتي عارفاها مجنونه واي حاجه ممكن تعمله
ماما: لالالالالالا غلبتيني انتي خلااااص انا م بقدر عليك
.......
محمد ده ود عمي وهو بالنسبة لناس ماما
اخلاقو تعليمو شغلو واهم حاجه انو ود عمي البشيل همي 😂والحاجات دي كلها تتضرب ف خلاط مع بعض بتدي عريس لقطة 😞
.....
بعد فترة لقيت محمد مرسل لي ركويست ع الفيس
وافقت عااادي يعني ود عمي م ظريفة اطنش
وبقي بيتونس معاي مرة لمرة ووالله هو ظريف
حكي لي غربتو وتعبو التعبو هناك هو كان ف السعودية
كيف قدر يحافظ ع تعبو ده
ومع الذمن عرفت
انو عايذ يعمل شركة
هو وواحد صحبو والكفيل حقو ظريف جدا طلع ممولو ونص القروشو يسددها و الباقي يعملها اسهم ليهو وبكدا الاتنين مستفيدين
وبيفتش ف الموقع
وبعد فترة قال لقا موقع ف عبيد ختم ظااابط
ومرت الايام
ونذلت الجامعة ولسه مع محمد وعلاقتنا كل م ليها بتقوي
وشايلين هم لانو دي الفاينل والبحث والمواضيع دي وشكلنا م هنتلاقا كل يوم ذي ذمان
ومحمد احمد ود عمي عمل شركتو وظبط امورو
وطبعا مقر الشركة بقا قريب مننا م بعيد وبكدا محمد ذاتو بقا قريب لينا وطوااالي معانا
ومن هنا تبدأ معاناتي مع ناس البيت 😦
ونتلاقا ف الدرامات اللي جايه
وكان حيين بنتلاقا
.....
يتبع ....
