The gentleman
ماما : محمد احمد ضرب لابوك وكلمو وابوك وافق
😲😲😲😲😲😲😲😲😲😲😲😲😲😲😲
بعد ما بابا قال لي كلامو ده 👇
انتي اعملي العايذاهو وانا الفي راسي بعملو
مشا وقال لمونا لو محمد تاني سالك قولي ليهو موافقة
ومونا فرصة وادها ليها وقالت ليهو اني شغالة امتحانات علشان كده
وكل ده انا م كنت عارفاهو
المهم انا خلصت امتحاناتي وبعد كم يوم ماما جات قالت لي
محمد احمد ضرب لابوك وكلمو وابوك وافق
انا ف اللحظة دي حسيت الدنيا ضلمت وبقيت ابكي
ماما بقت ماسكاني وانا فحضنها
وبتمسح لي ف راسي وقالت لي
لما جيتي ع الدنيا دي كانت الارض م شايلاني من الفرحة
واول م طلعتي واتختيتي ف صدري دعيت ربنا يجعلك من البارات المستورات وينجحك ويفلحك حتي اخدوك مني
وربنا استجاب لدعاي والحمدلله باره بينا انا وابوك يوم واحد م رفعتي صوتك علينا الا كان قلة ادبك البتعمليها لينا دي 😂😂😂وانا ذاتي ضحكت😂😂والحمدلله نجحتي وفرحتيني مرتين وانشاءالله هسا تتخرجي بدرجة الشرف وكل حاجة نحن قلناها كنتي بتعمليها حتي ف قرايتك لما قلنا م بتقري فنون اي نعم ذعلتي بس م اضايقتي فينا وقريتي النحن عايذنو
وي تاجا ي بتي نحن اي حاجة بنقولها لمصلحتك
وابوك عايذ مصلحتك ي بتي ووالله الولد ده م بتلقي ذيو
وانا عايذة اقول ليك حاجة ابوك حاجة م في مصلحتك م بعملا انت ف النهاية بتو لحمو ودمو
وحاجة م موافقة عليها م بيعملا لاكن ذي م عارفة ي تاجا ي بتي هو قال م بدي بناتي لغريب ساي من غير سبب وهسا هديل خالاتك جابو الغربا مرتاحين ي تاجا ؟
وعان الفرق بيني انا وبينهم لانو ابوك ودخالتي فرق منهم
الله يهديك ي بتي
*********************************************
بجد الام مافي ذيها في كل حالاتك بتترمي فحضنها وهو الوحيد اللي مهما عملت ومهما لفيت ولفيت بترجع ليهو وهو بيستقبلك بكل حب
ربنا يديم امهاتنا لينا ويرحم كل امهات المسلمين ي رب
*********************************************
بعد كلام ماما ده بجد فكرت ف حاجات كتييييره
_اتخيلت يوم اكون جايا بيتنا محمد يحميني ف حين انو محمد احمد مستحيل يعمل كده
_ومحمد اخلاقو ضيقة شديييد احتمال يوم يفكر يرفع علي يدو
ومحمد انا بت عمو من سابع المستحيلات يفكر اصلا
_ومحمد لما قلت ليهو يجي البيت بدا يتجرجر م عارفة ليه هو بيقول هيجي بعد كم شهر لاكن بجد عاذراهو هو لسة م خلص جامعة هيقول لاهلو شنو 😞
المهم حسيت راسي وجعني من التفكير قفلت تلفوني ونمت ونومتي دي من بعد المغرب لحد تاني يوم الساعة 11 لا عشاء لا صبح 😮 ولا حمام ولا اااي حاجة صحيت بعدها عاينت لتلفوني وابيت افتحو وقمت شلت لي غيار واشوررت 😊 وطلعت وشلت استشواري ومشيت بيت مونا لانهم كللهم هناك مشيت وشغلت استشواري وبقت بنشف ف شعري وسرحااانة مونا قالت لي انتي اليلة م ماشة الجامعة ؟قلت ليها
انا : لالا 20 يوم قاعدة ليكم ف البيت ده😌
