جمع الحطام 😔
...
اها جا العشاء وضربت ل محمد واتونست معاهو كمان الخاين يغسسس عليهو 😒
وجا بعدو وبرررضو اتونسنا وحكي لي عنو وعن شغلو وعن اخواتو وكأنو انا م بعرفو 😂😂😂عاد انت ود خالتي ي هناي😂😂 وسالني عني وعايذ يعرف انا منو
ا11نا: طيب ي محمد ممكن تقول علي توتة 😊
وانتي م توتة صح ؟
انا:هههه لالا م توتة بس علشان انت فلقتني باسمي يووخ
محمد :طييب شكلك حتعذبيني ي.توتة😁
المهم وجا بعدو وبعدو وبقي بيرسل لي مسجات حنييينة كدة😍 لما اطول منو بيضرب اليوم الانا م اكون رجعت ليهو وحكي لي حكايتو مع رهام وانو امو رشحتها ليهو لحد م تمينا شهر وذياده كمان ولحد م قال لي والله انا اتعودت عليك شديد ياااخ حتي رهام بقت تسألني انا ليه م بضرب ليها وانا بعد كلمة رهام هنا فقت واتذكرت انو هو م لي ولا انا ليهو لانو لو عايذني كان رد ع كلامي الجاي بالأيجاب بس لا هو خذلني ونشوف الحصل
وقررت اواجهو حتي لو كان هيبعد عني مع انو دي كانت احلا ايام عمري كلها
انا: محمد
محمد:عيونو ي توتة ي ست الحتوتة
حكيت ليهو انو لي 4 سنوات وانا بحبو وكيف ومتين
وبرضو كالعاده بيلح عايذ يعرف اسمي منو .
محمد :يعني برضو حتي بعد كلامك ده وحبك كل السنين دي لي م عايذاني اعرف انتي منو
انل :محمد انا من ذمااان بحبك ومخبية جواااي وكان حلم انك تعرف والمشكلة ده الوقت الغلط وانت م هتحبني طبعا بمجرد م عرفت بكده
وهنا فجاأة جات مونا وهي بتجوط م عارفة مالا واصلا من الخلعه م عرفت بتقول فشنو وبسرعة غطيت السماعة الفون علشان م يسمع ويعرفني لانو اكيد هيعرف صوتها لامنة خالتي
وبعد م خلصت ومشت رفعت التلفون ولقيتو ساكت
الووو
محمد :نعم وين كنتي
انا:سوري
وسكت مسااافة ..انت كده عرفتني صح
محمد :لا .. وهنا صوتي بدا يتغير لانو دموعي نذلت من غير م احس بجد 😦
...والله م عرفت واعرفك كيف ومالك ومالو صوتك
انا:انت م سمعت الصوت الهسا ومعرفتني يعني؟
محمد:لا والله بس انا بجد عايذ اعرف انتي منو واليلة
سكتنا يجي 10 دقايق نحن الاتنين وقال.. اها حتحكي انتي صح ؟
انا:تمام انا هوريك انا مين بس قبل م تعرف
انا صبرت 4 سنين ومن بعيد لبعيد واكيد م عملت كدة علشان عايذاك تتعلق بي او حاجة
بس كل الحكاية صحباتي (😉اااي ااي عارفاها تونا ووحدة وانا بقيتهم صحباتي بس علشان الحنك) قالو لي كده كده هيعرس علشان كده كلميهو واقلاها انك تكون عارف
محمد:طيب قولي وم تخافي
انا: وطوالي قاطعتو انا تاجا ي محمد ووالله سكت مسااااافة م رد
....الو
محمد:اااي معاك
انلسوري ع العملتو معاك بس بجد سوري
محمد:وسكت وبعدها لالا م مشكلة عادي ي ستي 😲😲
انا:انسي الموضوع خالص وانا هرجع معاك عادي تاجا بت خالتك وبس
محمد:تمام طيب
انا:تمام
..باي ...باي
اتخيلتو ردة فعلو والله ندمت اني وريتو 😭لاكن ف نفس الوكت ارتحت لانو اقلاها
وبعدها تاني طبعا م اتصل خالص ولا انا
وانا جاني شبة اكتئاب وبقيت من البيت للجامعة واخلص محاضراتي واطلع واجي البيت وحتي تونا بقيت م بلاقيها كتير بس طول اليوم مركبة سماعاتي وأغلب الوقت ببكي
وبعد فترة كان سد مالو 😢
وانا وحدة من الناس بكل قوة بغني وبذغرد لفرحو وجرحي
*****************************************
وبجد لما تكون بتحب ويكون من طرف واحد صعبة
ولما تكون بتحبو وهو عارف اصعب بكتيييير
لانو بتكون عارف ومتأكد انك ولا حاجة بالنسبة ليهو
وبذات لما تقابلو وبكل قوة وتسلم بكل بشاشة واكبر ابسامة كاذبة وقلبك ب معليش واسف استحمل بتواسيهو
وبجيك احساس ضعف لانك بتحس انو عارفك من جوه بكل بساطة انك متصنع للقوة ومتنكر
وبعد يمشي ويبعد عنك بتلقاك انهرت
و باقي حطامك بتلملم
علشان كده الحب من طرف واحد ارحم وهو ع فكره
اقوي حب لانو حقك انت براك بتحارب علشانو
وم فيهو مشاكل عذه كرامه واخلاق وحاجات كتيره تاني
بس لما يكمل بالطرف التاني يمكن حلو بس برضو فهيو عذاب
م ذي الاول العايش فيهو دنيا الاحلام
****************************************
وعدة الايام وشوية شوية بشيلو من بالي حتي لو اتذكرتة بعمل رايحة ورجعت مع ناس بيتنا عادي بضحك وبتونس عادي الحمدلله بس لسة باقي لي اطلعو من قلبي خالص
وف يوم طبعا الوقت داك حسين الصادق كان طالع جدييد ع الطوب المهم ف قروب ع الفيس ليهو اسمو الدكاترة انا كنت فيهو المهم الادمن اقترح نعمل قروب ع الواتس علشان نقدر ننذل الاغاني فانا قلت م عندي مشكلة اصلا لا حبيب لا تالي لا والي طبعا
واليي بابا انشالله لي يسلم ويدوم تاج فوق راسنا ي رب
لكن لااملك سيد ريدا 😂😂😂
المهم رسلت ليهو رقمي ع الخاص وتاني يوم عملو القروب وبقينا نتعرف والمعط اشتغل والحمدلله رقمي بتاع الواتس م شغال واقف والا كان التلفونات م بتديك الدرب😂
وانا شغالة اااي واحد يرس لي ع حسب صورتو عاضي ببلكو م ناقصة معط وجية بتونس معاهو كترها ببلكو 😂
والله طبعا انا م عنصرية بس ي جماعة شوية مراعتا للحالة النفسية 😢
المهم ف القروب كان ف واحد اسمو كجونكا
ومن هنا هتبدا قصة تانية خالص وهتخير كل حياتي
خليكم قريب وكان حيين بنتلاقا
.......
يتبع.......
