اصبحنا واصبح الملك لله 😊
صحيت بصوت الناس وم كان نفسي اقوم من سريري ومحبيت اقوم (نايمة الصباح وكمان اصحا دغش الرحمن )
شلت مخدتي وفرشي لفيتو لانو م ظريفة واقرب غرفة لقيت فيها سرير ونمت وبعدها تاني صحيت بصوت الناس اقسم بالله كثافتي جات هنا 👃
قمت و استسلمت للامر الواقع
وطلعت ع الحمام لقيتو ملان 😡
ومشيت الحمام البرا لقيت اختو مشغلة الغسالة والهدوم والموية وخلاااص كده بقا كملت
بقي م عندي الا حقين الرجال وطبعا ذهجانة ونعسانة طواااااالي مشيت ولا اتذكرتو ولاااجبت خبرو وذي م وصفت ليكم بيتهم قبل كده غرفتو فاتحة ع الحوش والحمام قدامها ..المهم دخلت الحمام ولقيت ملابسو معلقة بقيت عاملة كدة😄 وطبعا م قاومت وبكل استسلام شميتهم 😍 واتروشششت ورقت حبه
الحمام ع الشمة الاخدها دي خلو المذاااااج فل وانا طالعة قلت ي الله القاهو وطبعا غسلت شعري ف شنو خليتو مفكوك وم مجفف تمام نظام وهمة كان لقيتو برا 😂😂😂
فسبحاااان والله طلعت عاينت للغرفة لقيتو ماااافي 😂
فذعلت ع شعري الفاكي وحينشف وهيطلع عيني 😂😂
ف التسريح طوااالي م كذبت ختيت سبت حمامي ف المسطبة وهدومي وعايذة الف شعري بس الساعة الباب الشارع يفتح القا ليك ذووولي الجا داخل شايل مفتاحو وقاااشر اااحي اقسم بالله نفسيات
المهم انا اتكبكبت تمااااام لا عرفت اتم الكعكة ولا افكها
المهم اول م شافني قال
....اوووو تجو
.....اووو العريس😊
واقسم بالله م هجمتها الكعكة اللفيتها ربب جات واقعة والله جاني احساس مسلسل هندي هندي بس بسطتني وذولكم طوالي علق
محمد:اها ي سبنا
انا:قل هو الله احد
وضحك وخشا غرفتو وانا تميييت كعكتي ودخلت وسلمت ع الناس وشربت الشاي وتميت مع باقي البنات النضافة وكدة
والصلاة دي عااد نحن نايميت بعد الصبح😂
جا الضهر وعدا والعصر وعدا وفطور وغدا وجا المغرب وجاااات اها الجبنة واتلمييينا كلللنا احفاد العيله الحكيتها ليكم ف الاجذاء الاولي
(العيلة دي مكونة من 4 جدود اخوان ولد و3 بنات وحدة 1.حبوبة ناس محمد وجايبة5ولدين و3 بنات والبتين كل وحدة جايبة 8
2.وحدة حبوبتي ام امي وجايبة 3بنات
3. ووحدة ام ابوي وجابت خمسة بس 2 ماتو قبل م اجي انا ع الدنيا
4.وجدي الرابع جايب 8 اربعة بنات و4 اولاد
اها بقي لما كلنا نتلما مشاءالله بنكون ماسكين المناسبة ع حسابنا )ا
اها اتلمينا واغلبنا شباب وكان احلا يوم والله ضحك وونسا وانا طافية لذولكم ولا شغالة بيهو وبتونس معاهو عاااادي
ونحن قاعدين محمد السر ضرب لي قمت ورديت عليهو واتونست معاهو حبة وقفلت علشان الونسة
ورجعت تاني
خلصنا وقمنا علشان نجهذ شنطنا لبكرة
الوقت مشا ونمنا 😪
واصبحنا واصبح الملك لله
وصحينا الساعة 6
انا ماشة ع الحمام لقيت مي قالت لي ي مذة اتقشششطي اليلة اصحاب محمد اخوي هيسافرو معانا سرخنا الاتنين وقلت ليها مذذ الحنة قالت لي ياااهم 😍
ي ذولة طوااااالي طلعت شنطة ميكبي وختيتها ف التواليت ودخلت وطبعا عااااذة نفسي شور جل (ريد ابل .واستشواري . وريحتي ريد ابل 😍. ويلا ع الحمام اتدعكت تماااااام 😂وجيت طالعة )
والمرة دي محترمة نفسي لابسة جيبا كحلي وقميص ابيض فيهو وردتين من قدام بالكحلي والاحمر رهيييب يشهد الله تركي من سعد قشرة قطع يدي 😧لاكن م مشكلة عرس حبيبي لاااذم اظهر
المهم الاسكيرت او الجيبا ضيق (حبيبي شطفني)
(م عارفة ذمان كنت بلبس العولاق دة كيف هسا الله هداني واسكيرتاتي طويلة والله 🙈)
والقميص واسع وشبط سيور لحد فوق حبة بالاحمر وطرحة حمرا بس طبعا مجدوعة ف الكتف 😂 وطوالي المراية جاك ذول عاينت كدا عاينت كدا كويت شعري سريييع سريع 😂ورفعتو فووووق ضنب حصان وطلعت قدام من النص شعره وقسمتها ع خصلتين وبس خلاص الاناقة ف البساطة ي جماعة واتمكيجت خفيييييف كده ولبست اساور الكتيييرة دي كان جابتهم لي بت خالت امي الله يديها العافيه 😙 من الهند ملونة احمر وبرتقالي وكحلي وباقي الاوان م لبستها علشان م اكترها
وطلعت برا
لقيتهم جايطيييين ومتلمين ماشاءالله العين الحارة م تعاين لينا
اول م طلعنت
مونا : عاااد بسحروووك البعاعيت ديل 😂
