تحطم قلبي 😢2
تونا بعد م رجعت قالت لي اها وصلتي قلت ليها النبي فيك ..طبعا نحن الباب ف الباب ..قالت لي انتي اصلا حيوانا انا م دايره اطمن عليك😡 لاكن انتي بكرة مش م شغالة؟ قلت ليها ااي قالت لي خلاص ارح معاي قلت ليها تمام ..خلاص يلا رصيدي ..جيعانة صحبتي دي 🙉
طبعا نحن لمن نقول نطلع مع بعض الساعة 11 بنطلع 1 😂
المهم وهمام عارف الحكاية دي وكل شوية يضرب وينق😡لااايوق والله ذي م قلت ليكم بس عباطة احمد 😒
المهم ف النهاية قلنا ليهو طلعتا ونحن لسسسسة 😂😂😂بعد نص ساعة ضرب ونحن يدااااااب ماشين ع الظلت قلت ليها م تردي قلت لي م هيقيف وهيعرفنا كذابات بس ردت وقال ليهو واقفين للمواصلات بس الساعة البالمكرفون الطماطم الطماطم اقسم بالله بردبنا بردبة😂😂😂😂 وااااي ي بتاع الخضار دة وقتك 😂وقفلنا وم رجع لينا تاني لمن وصلنا وكالعادة صاري علشان اتاخرنا وطبعا لمن يتذاعل لينا اليوم كلو بيكون كاضم ومركب وش وفلانة ساكتة م بتتكلم طبعا 😷
اها من شفت وضع البوذ ده قلت ليهم انتو عبايط وانا م ناقصة وماشة بيتنا
وبقيت ماشة وبحنسو فيني
انا:م هو م ممكن انا جاية افرق معاكم تذيدوني كئابة😢
حتي همام فرا وشو وبقينا نتونس وطلعنا وجانا عمر ود خالتو طبعا م يفوتكم مجنوووووووون والله عثل يوووخ😙
ومشينا توتي المرسي همام وتونا مع بعض وانا وميشو وعمر مع بعض ميشو دي برضو صحبتهم 😍
اها والله اليوم كان رهييييب
ونحن راجعين اتاخرنا المغرب اذن لينا ف الموقف😱حق الاستاد ميشو من امدرمان واتحركنا نحن ع جاكسون
وانا كنت خايفة لانو اتاخرنا وبس وصلنا الموقف بصلح ف طرحتي وختيت الدبوس ف خشمي وعمر المجنون شاف الناس وسرخ وانا ضحكت مع ضحكتي الدبوس مشا حلقي😨
وبقيت واقفة مساااافة متجمدة ومنططة عيوني وحاسة بالدبوس ف حلقي والحمدلله بالطول واقف م بالعرض 😦
قالو لي مالك قلت ليهم الدبوس 😨 تونا قالت لي بلعتية 😲 اااي 😨
عمر :قولي والله قلت ليهم اقسم بالله همام جري جاب موية وشربتها نصها حتي نذل المهم قالو لي الا نمشي المستشفي قلت ليهم لالا خلاص نذل المهم اصرو واتحركنا ع المستشفي وانا قلت ليهم انتو عارفين ااااي حاجة ف الدنيا دي ل خير😂 قالو لي ليه قلت ليهم والله انا بفكر لي ف كضبة علشان التاخير ده لكن الله ده كرييييم جابو لي من مااافي ومافي ذول يقدر يسالني اليلة 😌✋
قعدو يضحكو قالو لي والله مجنونة الناس ف شنو والحسانية ف شنو 😂😂😂😂😂😂
وصلنا الانف والاذن والحنجرة وقالو لي حيعملو لي صورة و وووووواي من بتاع الاشعة نجفة يخواني نجفة 😍
عاين للورقة وقال لي تاجا وكانت معاي تونا قلت ليه ليهو ايييون ..اداني ابتسامة كده و دمار شامل اقسم بالله😧✋
وطبعا اطريت اقلع الطرحة علشان صورة الحنجرة وقالها والله بكل ادب 😦معليش بس هنطر نقلع الطرحة علشان الصورة اسف جدا
يخواااتي عليه😍
طلعت الطرحة وشفتو عاين لي ودنقر ولما جينا لصورة البطن اطر يضغط ع جسمي والله اضايقت لاكن بقا يعتذر ووالله كان غاض بصرو حتي اطمنت وحسيت انو ود ناس
وخلصنا وقال لي نص ساعة كدة وتطلع وعيوونو ف عيوني ووواي م قدرت اعاين ليهو مرتين دنقرت وشلت شنطتي وطرحتي وقلت ليهو تمام 😊
وطلعت برا لقيت ناس البيت عاملين تجمهر جمب الباب 🙊
بس والله حسيت بالعذة كدة اهلي يوووخ جوخالاتي الاتنين وماما وبابا وماما طبعا فاتحاهو بيت بكا 😂 قلت ليها ي مذة انا تمااااام الحمدلله وعلشان تتأكد ووشوشت ليها ف اضانها علشان بابا ..اقسم بالله بتاع الاشعة نججججفة
عاينت لي والله انتي قليلة ادب خلعتيني عليكي ساي 😦
ونحن ف الانتظار بس لمحت الواد جمب الباب وواقف بيعاين لي ولما شفتو بدا يتكشم لي😂 ودخل وطلع شايل ورقة صغيرة ورفعها لي ودخلها ف الظرف بتاع الصورة وناداني باسمي قلت خلاص يمكن الله كاتب قسمتي مع المذة ده 😍و الموضوع ده لخير والله بدل لي محمد بواحد اسمح منو😏
وانا ماشة عليهو
بس ي فرحة م تمت مشو قبلي همام وعمر واخدو الصورة وشايفة الولد بيتكلم معاهم ومرة بيعاين لي شالو الصورة ومشينا ع الدكتور وانا بااالي ف الورقة الجوة الظرف😟
ادانا الدواء وقال لي اكلي موذ كتير 3 يوم م طلع تعااالي لي قلت ليهو ي دكتور اعرفو كيف ماما وخالتو اماني والدكتور الضحك شرطهم الدكتور هو كبييير لاكن قيافة كدة وظررريف قال لي تعاااااايني لما تدخلي الحمام بتعرفيهو طلع ولا لا 😂😂😂😂والله محل م امشي م عرفت
مرقنا قلت ليها واااي ي موني احرجني قالت لي تستاهلي علشان تاني تتشالقي وانا والله عرفتك حتسالي السؤال دة وهي وماما ميييتين من الضحك
طلعنا وطبعا حكو ليهم بضباااانتو 😡
وانت يا عمر بتاع التشغيلة ال 3 يوم كل يوم يتصل اها عاينتي قليل ادب خلاص😔
اها الدبوس😂 طلع وباقي ع الخطوبة 3 يوم المهم شرابات وعروكات والوش دة كل سا2ين بيمسحو وووالله من جوه قلبي متقطع غااايتو قضيتها بكا وجلخ لحد م جا يوم الخطوبة
طبعا انا ما سالت من خطيبتو منو ذاتو وم عايذة اعرف علشان كان سمحة م امووت😦
م اشتغلت بالموضوع كتير
اها وجا يوم الخطوبة
وانا عااارفة انها ب حفلة علشان كدة
لبست فستان اسود مطاط تقيييل اكمامو قصيره مخنصر ع الجسم ومن تحت واسع حبه وخطوة بورا ولبست معاهو طرحة شيفون خفيييفة خضرا مشجرة بالوان برضو خفيييفة وهي اخضرها فااااتح م الاخضر الشين داك وطبعا جدعتها ع كتوفي واتسرحت كعكه مرخيييية وطلعت تحت خصل طواااال وعملت من قدام خصل ولبست شبط عالي سيور بالاخضر ومضبقة فضي وحلق فضي وساعة فضية وسلسل فضي رقيييق فيهو مفتاح والله كان عاجبني بس هسا م لاقياهو تكون سرقتو تونا الحرامية 😂
اها عليك الله انا م راقية 😉عااااالفة والله عالفة😏✋
والريحة والله اليومداك كبيتها كب
م هو انا لاذم اطق الكريهة هي قصدي الخطيبة 😏
اها وصلنا بيت ناس اختو لمحمد لانهم ناذلين هناك
وانا طبعا من وصلنا الشارع قلبي بيعمل 👏👏👏👏👏وشال قلبي سلبو مشا وانصاف ذاااتها دلوكتها باردة
ودخلنا واول م دخلنا ديل ذغرتو وسلمت وماما وخلاتي وحرم امو بكو وبقو يشوفو ف الحاجات الشايلنها
وطبعا انا بفتش فيهو بعيوني بس م لاقياهو
وتونا ضربت لي عااارفاها الشمار م بيخليها
طلعت علشان ديل جايطين وانا برا وبتكلم معاها هو جا من برا وشايل اكياس ولما قرب علي وظهرت ف النور قال لي اووووو تجو وقال والله سمع اضااااني دي 👂ماشاءالله
ونذلت التلفون وتونا الحيوانا بهناك بتردح ف شنو م عارفة ومديت يدي بس فاجأني خت يدو في نصي ودنقر وحنا راسو علي وهو طبعا طوييل😍 وسلم علي تاني في يدي اقسم بالله انا حاااسة انو كان ف وضع الصامت قال شنو م متذكلة
والله والله رجليني م شالوني وحسيت اني مذنوقة عايذة امشي الحمام وبطني واجعاني وراسي لافي من الاخر كدة كانو ماخدة ترامادول
المهم بعد سلم ومشا انا تقريبا ربع ساعة متنحة وحت فقت اتذكرت تونا ف التلفون لقيتها قفلت المهم فرحت شديد ونططت ودخلت مبسوووطة لملمنا كل الحاجات وجهذناهم
وركبنا عرباتنا واتحركنا
والمفاجاأة لمن وصلنا الخطييبة طلعت منو 😲😲
وطبعا م هقول العروووس لانو قررت م تشلبو مني 😎✋
....
يتبع....
