علاقات 4🙇
المهم انا صراحتا م فرحت لاني كنت عايذة اسيبو بعد اداني التلفون رجعت البيت وضرب لي بقينا نتكلم وانا ذهجانة وسالني تلفوني مالو قلت ليهو متعطل
المهم مرت الايام وحصلت شكلة وطوااااالي قطعتو معاه
انا :ي احمد بجد انا ذهجت علاقتنا بقت عبارة عن مشاكل وانت عايذ تملكني م بتحبني حتي صحباتي بعتني عنهم لحد هنا وكفاية 😒✋
احمد :تاجا لا م تقولي كده وانتي عارفاني بحبك
علشان كده بغير عليك وم عايذ املكك بس بحبك وطيب ي ساي علشانك اتغير
انا :قلت الكلام ده كتيييير وانت بجد انا تاني م بقدر اواصل لانو وصلت الحد وبعد كلااام كتييييير وانا لسة فقراري وقفلنا ع كدة وانا طوااااالي طلعت شريحتي وبعدها جبت شريحة جديدة
وغيرت فيسي ونذلت واتساب بالشريحة الجديدة 😏
ورجعت مع صحباتي ذي ذمان والله كنت مشتاقة ليهم وبجد المره دي بعاد احمد م اثر علي شديد م ذي ذمان كنت ببكي وبتجرس لو ساي قلقت عليهو بس بجد كترها
[الحب جميل ولاكن عندما يصبح امتلاك ..بعمل خنقا واكتأب😉]
وبعد م رجعت لحياتي الذمان رجعت لي شماراتي😂
الأء:م شفتي ي تاجا شمارييييين وحارااااااات
انا :قولي قولي اها
الاء: مونتي قولي طلع اخو منو
انا:😲اها اخو منو
الاء :طلع اخو مبارك من ابوهو
انا:😱كذابة
الاء: والله جد
رسل لي مونتي قال اخوهو شاف اسمك ف تلفونو قال ليهو تاجا دي ...وصفك غايتو 😂وقال ليهو عندها صحبتها اسمها الاء قال ليهو اااي المهم قالي صحبتك تكسر الود واخوهو لكن😂😂😂😂😂
وحتي مجتبي خلا الجامعة عشانها
الاء :تبو😱😱😱😱😱 علشان تاجا
مونتي: اااي والله كان عايذها وانتي عارفاهم مرطبين طبعا كان جاي يخطبها والله عدييييل كده ولما شاف علاقتها مع احمد اتراجع وغير مجالو ومشا السودان it
الاء:والله ي صحبتي الله يعينك من الصدمة 😂
انا :واي الاء الود السمح ده فاتني 😢
الاء:م من عوارتك كنتي لاصقة لي ف احمد اها احمد ذاتو خليتي
😒
اها ي جماعة كل علاقاتي الفاتت وفي وحدين انا م حكيت ليكم عنهم واحمد ده اكتر علاقة استمريت فيها وبجد كان ذول كويس بس بحبني شديد 😖 كانت 9 شهور وكلهم شهرين وكدة وبشوف سبب اتفكفك بيهو
كنت بعرف الواحد وفجأة اذهج منو واسيبو
ولية علشان انا كنت حابة ود خالتي الاسمو محمد 😤 الحكيت ليكم عنو اول
و ف البداية كنت م بحب اتعرف ع اي ولد بقول لا انا م عايذة اخون محمد انا الحمة الما تصيدني انشاءالله 😠هو م جايب خبري😡
المهم نذلت تانية ووالله بعد العطلة نذلت مذة الجامعة كلها شهقت😂
وبطبع كل الجامعة كانت بتعرف علاقتي مع احمد واااي ذول يسالني 😡وكنت بقول بس م اتفقنا
واحلا حاجة ف الموضوع احمد السنة الفاتت كانت اخر سنة ليه وم هلاقيهو تاني ف الجامعة
واكعب حاجة بيعرف ومصاحب لي كل اولاد الجامعة
علشان كدة اااي واااحد كنت عاجباهو كنصل فكرتي وبكدة احمد بعد عني اااي فرصة جكس داخل الجامعة 😂😂😂
مرت نص السنة وانا سنننغل انا وصحباتي البايرات واضافت لينا وحدة تانية اسمها اسراء بس دي جكس تقيييل 😂
والاء بس تفلح تجيب لي الشمارات
ده قال انتي عاجباهو وده قال مكسراهو من ذمان
وطبعا كان صاحب احمد 😦😧
نجي لناس بيتنا
جيت من الجامعة ودخلت لماما المطبخ وامح بالجمبة وامح بالجمبة التانية وسلمت عليها
وقالت لي اليلة عندي ليك شمار
انا طوااالي فتحت خشمي اها اها قالت لي خلي عندك صبر ورفعت لي حاجبا هياااااا ماما لية لكن ي (حنان طبعا انا حنان دي بقولا لاي ذول 😂)
بعدين مع الجبنة
ايووووا كدة مردودة ي فردة 😒👏
مشيت غرفتي ورميت كل الشايلاهو ورقدت ونمت لاني كنت مهدودة من صياعتي و مشاويري مع تونة صحبتي وحبيبها همام والله م يفوتكم ياااخ لصقة ذي احمد لاكن انا غايتو مصاحبني وفردتي😎
صحيت بعد العشاء صليت المغرب والعشا ومشيت ع الجبنة طبعا نحن جبنتنا بربتها عندنا سماعة( جابا لينا بابا و ابوي ان شاءالله لي تسلم )وصندوقها وقعدتها وبخورا وهااااي يكا 😂😂😂😂😁
....
طبعا الشمار كان قنبلة( حلات الذول ف الطول والعلااا😂😂😂😂) بالنسبة لي
.......
يتبع.....
