كجونكا3😍
...
****************************************
احيانا يغلق قلبك ابوابه ولاكن هناك قرع لا يستطيع مقاومته
****************************************
اتصلت بتونا وانا ف الطريق قلت علشان نتلاقا ف الاستراحه
ومشيت الاستراحه صليت بس غايتو الله يقبلها ابو السريع ولقيت تونا قااااعده ف البينش الجمبي سلمت عليها وكلمتها ومحمد اتصل قال انو وصل الجامعه ونتلاقا جمب خطوط وطبعا ناس الغربي عارفنها وين الحته دي😂 ومشيت ظبطت اموري روج ع خفيف وصلحت البدره واللاينر 😍ووالله مذه يخواني🙊لاقينا همام برا وكلمتو ومشينا وفجأه وقفت وقلت ل تونا اوعا يكون الشعر م قام 😲
همام :ي بنات شعر شنو تونا بتضحك فاهمه الرصه
قلت ليهو كان حالق (صلعه قعد يضحك طبعا) و قال لي بتقوم بتقوم 😂
وفعلا نحن جاين من وراااهم لقيتها لسسسه جديده 😂😂وهو كان قاعد ف السور حق منحوتات داك و دنقرت علشان التصوير البطئ يجي ظابط 😂😂😂😂😂😂
وصلناهم وكنت مدنقرا ورفعت عيني وقعت ف عينو وحيات ربنا قمر ب صلعتو دي 😍😘 طوالي وقف وقال لي تاجا ابسمت وسلمت وكان معاهو واحد عايذه اسلم وقبل م اسلم قالي مصعب سلمت عليهو واتلفت لقيتو لسه بيعاين لي
انا :همام تونا
محمد :اهلين كيفكم وسلم عليهم
همام :تمام الحمدلله
وبعدها اتلفت علي وهو مبتسم وبيعين لي فيي عيوني:كيفك (والله قالها بطريقة حنييييينة قطعت قلبي)
انا:تمام الحمد لله
تونا :توكا نحن برا جمب الباب واتحركو
(طبعا توكا ده اسمي حق الدلع منتشر عند همام وتونا وعمر 😂وماما وخالاتي لما يكونو عايذين مني حاجه)
قلت لها تمام طيب م هتاخر
اتلفت برضو بيعاين لي يشهد ربنا خجلني وقلبي ذي م عارفين انصاف مدني 👏👏👏
لقيتو مبتسم وقال لي توكا ؟؟؟
قلت ليهو اااي بس حق المصلحة😂😂 لاكن العامي اسمي نفسو وتاجو ف اللحظة دي صحبه اتحرك وقال لي بنتلاقا انشاءالله واشر ل محمد بايدو يعني اضرب لي ومشي
(وبقينا انا والكاشف برانا وقلبي داير يطير والله الود ثمح ي خوانا 😍 ولا انا براي الشايفه كده م عارفه بعدين بوصفو ليكم 🙈)
سكت حبه وخت يدو ف رقبتو وابتسم وقال لي
حلااااتك
طبعا اختكم محل م تمشي م عرفت وع قدر م حاولت ادس الابتسامه دي ابت وابسمت والاجر ع الله وقلت ليه ثانكس 🙈 من ذوقك بس
وسكت وبقا بيعاين لي لمن لقيتو طول
بقيت بتبسم وقبلت منو وعاينت تاني لقيتو لسه بيعاين لي و المره دي ضحكت عدييبل وقلت ليهو هاااي انت 🙈
ضحك وقال لي والله حلاتك 😘
ضحكت وقلت ليهو م للدرجه دي بس برضو من ذوقك ويلا باي علشان أتاخرت مديت يدي عايذه ارجعها بقا ماسكني وقال لي بدري تاني حاولت افكها حتي فكاني قلت ليهو ديل واقفين لي برا علشان كده لقيتو اتحرك معاي ووصلنا مع بعض لحد الباب وم ف واحد قال للتاني حاجه وسلم علي تاني وقال لي خلاص بينا تلفونات قلت ليه اوكي لحد بعدين انشاءالله ومشيت
اها بعدا تعالو اوصفو ليكم 😍
اسمراني او قمحي 😍هو طبعا م كان طويل يعني اطول مني بحبه وانا عقدتي الاولاد القصار لانو محمد عثمان ذي م قلت ليكم كان طويل وهو حببني ف الطول ويلا دي م المشكله المشكله همام قصير وانا كنت بكاوي تونا وهسا هتمسكها لي طبعا
نجي لحواجبينو وااااي دماااار غذااااار وحلوين وفيهم قرنه 😍 ووواي من الدقن والشنب والله عثل
ومتذكرين قلت ليكم ولا انا براي الشايفاهو ثمح م عارفه
قلت كده علشان انا اي ولد (عندو سكسوكه ولا دقن ولا قطعيه ولا اسمها شنو م عارفه المهم الشنب والدقن المع الشعر الفي نهاية الوش مع الاضان اها عرفتوها) المهم ده بيكيفني
ولقيت تونا وهمام ف المظله البرا واتحركنا وتونسنا عادي م فتحنا سيرتو لاكن تونا كانت بتقرص فيني الحيوانه😂
وصلنا الموقف وهمام ركبنا ومشي وف المواصلات
تونا:اها احكي
انا:قلت ليها الحصل بالتفصيل الممل 😂
تونا :قالت لي سغيل لاكن
ومن هنا عرفتها ركبت ليهو وش هي وهمام وقطعو فيهو😂😂
انا:ليه مالو ياااخ
تونا :م عبرنا كأنو مافيشين سلم وقبل عليك
انا :انا ذغللت ليهو عيونو ي هنايه 😎وذاتو داير بيكم شنو انتي والعبره حقك ده 😂😂😂
تونا:عبره هه 😒وحقك ده جايك اول مره بشبشب حمام 😂
تونا:طبعا هنا قذفت جبهتي وم عرفت ارد اصلا انا والله م لاحظت ليهو بس شكلو م كان ف الجامعه 😧وتمتها ب .. ..ههههه قصير 😂😂😂😂 وعندو صلعة
انا : طوالي صفقت👏👏👏 ليها قلت ليها هاااي وتاااني هااااي باااااااااصلعتو دي اخير من همامك اب شلاليف ي هنايه واسسسسسمح منو 😏 اب جلحة لابس كابو اربعه و24 ساعه م قلعو 😛عاااد اقدري انكري
وطبعا الورانا بكون قايلننا بنتشاك 😂😂😂 واحتمال انتو ذاتكم
تونا: بس بعدها ضربتني ف كتفي وبقينا نضحك اقسم بالله سكتيني
وحسيت انو الورانا بقو 😨😱😱😱😱😱
*************************************
دي انا وتونا حبيبتي وحبيبة هارتي مهما كان علينا الذمن والناس ومهما كان العذيذ علينا م بنتقدر م نتعابط ونتهابل ف بعض ومهما اختلفنا بنتشااااكل وصوتنا بيعلا بالاختلاف بس بعد الموضوع م يخلص كانو م كان وبنفتح شمار تاني وبنضحك
من هنا ل تونا حبيبتي سلام 😘😘😘😘😘😘😘😘
**************************************
نذلنا من الحافله واصلنا للبيت وف الشارع ضرب كجونكتي 😍 ورديت
الووو
محمد:حبيبي اذيو اها وصلتي
انا:يعني انا ف شارع البيت خلاص
محمد:حمدلله ع السلامه خلاص لما تصلي مسكلي لي
تمام طيب وقفلنا
ابتسمت وعاينت لتونا وبقت تضحك قالت لي ااااي الله ليك الايام دي 😉 وبقينا نتونس لحد م وصلنا وامووووح امموح وكل ذول مشا بيتو
ودعتها وودعتكم الله
وكان حييين بنتلاقا 😊
....
يتبع....
