عقد قران 2
**************************************************
اللهم انت من قدر وتعلم م يخفا وما يجهر فإجعل لي الخير ف ماقدرت
**************************************************
اصبحنا واصبح الملك لله
وجاءت الجمعة
وتونا من فتحتنا عيونا من النوم هي بتنق ف موضوع المكياج
وانو (.........)مكياجها ظريف وانها ممكن تخليها تجيني ف البيت لو م عايذه امشي الكوفير
المهم كده كده ااقنعتني العصر البت هتجيني
(البت هي جارت اهل خالتو علويه في الامتداد وناس تونا طبعا مصاحبنها وغايتو تونا قالت مكياجها ظرييف وهي شغالة ف كوفير معروف ف الصحافة )
وهي اتاريها كلمتها من يوم الاربع الحيوانة
نحن صحينا دغش بس لقينا البت كللو صاحي وملان نسوان كمان
لملمت كل كروري وحاجاتي وفساتيني هشيل الاسود علشان ناس البيت م ينقو واعمل ليهم سبرايس والبس اللحمي 😆
وشلت لي قريشات احتياط كده 😊
ومشينا بيت ناس ايمان وحده من شلة بغس متذكرنها 😊
وهناك عملت ماسك بيض وكستر 😆ونمت صحيت ب صوت التلفون ولقيتو محمد
محمد :ص الخير واذيو يالمااااافي ذول ذيو
انا:اهلييين ص النور
محمد :ص النور ؟ اليله اليوم كلو نور☺
اهاااا Ready
انا :Ready😊
محمد :تمام ربببنا يتم لينا ع خير
انا :امين ي رب
محمد: ي حبيبة (انا طبعا عاملة كده😱) لابسه لون شنو انتي بعدين
انا:(ااااا ده يقولوهو ليهو كيف ي جماعة )
😟والله ي محمد انا اللون ده م عارفة اسمو بس البنات بيقولو ليهو لحمي هو بين البصلي والوردي والاوف وايت ضربة وحده كده
محمد :هههه والله ده بتعرفيهو براك 😂😂😂
خلاص ي ستي امشي حتة فيها اضاءه واقفلي الفلاش صوريهو لي ورسليه ع الواتس اب وانا هشوفو وبرجع ليك تاني
انا :هههه كده احسن والله
وقفلت ورسلتو ليهو واستنيت لما رجع لي تاني
محمد : مطقمة معاهو بشنو ؟يعني البوكيه وكدة؟؟
وهنااااا انا حسيت جاتني فكرة الورده شنطة شنو ي تاجة الشايلاها يوم عقدك صحي معولقة 😬
انا:انت حابي تطقمو بشنو هو ساده م فارقة يعني
محمد :ي سلااااااام والله انتي ذي م بقولو ذووولتي 😍
ياخ البنات تلقيها بتلمع كلها بجد البساطة احلا منها ماف 😍
انا :(وها حسيت براسي كبر 😆 بس انت م شفت الاسود القالو لي البسيهو يسوي كدي👋 وج وج وج وج ) مش كدة😏
واها حطقمو بشنو
محمد :والله انا اول م شفت لونك ده طوالي ختيت الابيض وهسا قلت اشوفك هتلبسيهو بشنو انتي
