علاقات 2🙈
...........
اها مبارك دة ود عااادي جدا ف ملامحو لاكن شخصيتو وطريقتو معاي كانت عاجباني
وانا ف بينشات فاشون دي بيعرفوها ناس اداب😂
جاني واحد ومن غير مقدمات قعد جمبي اذيك ومد يدو
انا طلعت سماعتي 😍... اهلين
...انتي سمحة كدة لي 😍
انا : م عرفت اقول شنو 😞(اكتفيت بالابتسامة وركبت سماعتي😎)
فكا السماعة 😲 وشي بقا😡😡 ...وحلاااااتي عشل والله بس بقيت بضحك
انا:مجنون انت 😁
...والله جنيت بيك .
انا:احلففف😞
....انا مبارك ومد يدو
انا:وانا تاجا
...احييي من تاجا ...🙆🙈والله حيرني
انا:طيب تسلم ي بركة ع المجاملة الحلوة دي ووقفت
...ماشة وين عندي محاضرة والله طيب اشوفك بتين😟
انا: قريب وكان حيين بنتلاقا
...طيب ممكن رقمك
انا:(وانا ماشة وبيدي✋ )بنتلاقا بنتلاقا 😊
خلصت وطلعت من المحاضرة ..الاء م شفتي اليلة لقيت لي واحد مجنون وحكيت ليها بمبارك 😂😂
ضحكت و قالت لي سنة ي انا 😉
قلت ليها صراحتا عجبني 😂😂😂
طلعنا ع نشاط تجارة طبعا لما نكون مفلسين بنفطر هناك وف النشاط كنا بنفطر من محل واحد اسمو مجاهد وبتاع العصير اسمو عمر😍طبعا عمر ده حلو حلا😍😍😍😍بس بتحسي بيهو شااافع انا كنت بقول ليه ولدي وبشاغلو 😉والله حلو خلاص😂
انا :مجاهد اذيو
مجاهد: تمام والله الحمدلله
انا: خلاص..3سندوتشات و انا ذي م عارف نظامي
مجاهد:تمام
انا:عموريي قلبوشيي (هو ووالله بخجل😍)
عمر: ويين ي قلب🙈
انا : وتين القلب انت😍يلا 2 عصير وواحد مجان😉 جدا ال3 مجان ياااخ.
انا:وحلاااااتي😍(وتاااني خجلتو )
الاء:..البت دي شغلتها ليك 😂ي عمر
عمر: لالا عادي ياااخ ..دي تاجتي 😊
وطبعا البنات عاجبهم ليك وبعاينو لي😲..😛😛😛
المهم فطرنا ورجعنا الجامعة واتحاومنا وكملنا محاضراتنا ورجعنا البيت
تاني يوم مشيت الجامعة ويومي كان عادي وف اخر محاضرة جاين ناذلين انا والاء ورماز ناذلين بس عيني وقعت ف بركة😁لكذت الاء ..ده مبارك
.الأء.:بركة😂 ؟
انا:.اااي ياهو ذاتو بس وهو شافنا وجا طالع علينا ووسلام وجراني من يدي (انا وصحباتي😲😲)
انا :(وبحاول افك يد بيدي التانية )ي ود فكني
بركه:اولا انا م ولد انا راجل واسمي مبارك ...طيب ي مبارك فك يدي وصلنا نهاية السلم دخلني القاعة وقفل الباب 😲
انا:(بس فكيت يدي شديد) هاي انت عايذ مني شنو
بركه :اولا روقي وم تكوركي وقعد ف البينش وتاني مسكني وجراني وقعت ف البينش وبيعاين لي رقتي ؟
انا :طيب رقت عايذ مني شنو انت😒
وهو ساكت وبعاين لي ف وشي
انا :والله م قدرت اكتم الضحكة قلت ليه والله مجنون
بركه: بالعيون والنونة والسنون دي كيف مرصوصة😍؟
انا: ضحكت وقلت ليهو تسلم بس القاعة فاضية وانا م بقدر اتكلم معاك كدة يلا ووقفت جراني من يدي وقالي لو م اديتيني رقمك م بفكك
انا:والله م بتلوي دراعي لاكن هديك ليهو علشان بس علشان م تتلايق وانا والله مستعجلة اديتو رقمي وطلعت ولحقني .وجا من وراي لما قرب يصلني
بركه:(بصوت واطي) حلو ده وغمذ لي 😉
وانا ضحكت ومشيت طوالي الاستراحة ل الاء لقيتها بتمعط 😂ف وحدة وبتتمكيج وحكيت ليها
الاء:والله صحي مجنون اعملي حسابك يختي 😂
المهم بعدها طلعنا بعد م اتظبتتتتتنا😗
ونحن طالعين من الاستراها قصادنا طوالي ناس احمد الاء لكذتني قلت ليها نشرب موية اول طيب وبقت تضحك شربنا موية وسلمنا عليهم وقالو لينا الا تقعدو فقعدنا واتونسسسسا طبعا احمد بقا صحبي😊 وبعدها رجعنا بيوتنا عادي
وطبعا لما رجعت البيت ضرب لي رقم غريب رديت وطلع ده بركة اتونست معاهو حبة وقفلت وجا بكرة وكان الجمعة وبرضو ضرب لي وتونس معاي حبة وقفل وطبعا كلامو ذي م عارفين غذل وكدة المهم وانا حسيت من المكالمتين ديل اني ذهجت منو مقارنة ب احمد لانو احمد من كلامو ود ناس😂👏👏 المهم تاني بقيت م برد ع مبارك
وبعد يومين كدة ونحن ف الاستراحة الاء وهي جمب الشباك اجري اجري جيت طبعا نحن شمارااااات 😂وقالت لي عااان عااان مبارك لقتو قاااعد مع وحدة واخر حبكانيات 😂قلت لها احسن لانو طلع عبيط 😒
مشينا ولاقينا تحت ناس احمد واصحابو وقعدنا المهم وانا بتونس مع احمد فجأة قال لي والله ي تاجا انا حاسي اني م بقدر اكون من غيرك يومي من الاخر والله حبيتك وكل حركاتك وطفولتك دي 😍وشخصيتك ولبسك وبجد كل حاجة
قبل م ارد... قاطعني وم عايذك تردي هسا اخدي راحتك وخليك عادي معااااي علشان انا م عايذ اخسرك ولما تحسي بنفسك عايذة تردي علي وقادرة بعدها احكي 😊
مرت الايام وانا واحمد مع بعد وانا كمان صراحتا اتعودت عليهو ظريف ومحترم 😊
وجا يوم 12.12.2012
رسلت ليهو الساعة 12 .و12 دقيقة و12 ثانية اقسم بالله😂
مسج وانا في المحاضرة قلت ليهو بما انو اللحظة دي تاني م حتتعاد العمر كلو ...بحبك 🙈
وبعد خلصت لقتو تحت مستنيني والله حلاتو وطبعا هو لبييييس 😍
كان لابس قميص رمادي سااااادة 😍وبنطلون اسود وساعة سودا😍
اول م شافني بقي يتبسم وانا عملت كاني م عملت حاجة سلم علي وقالي الرسالة وصلت 😍
انا بس اكتفيت بابتسامة وخجل شايفين كيييف😎 والله بتخجل تخجلا شديدا😂
يلا بعد كدة نجي نشوف علا
قتي مع احمد كان كيف وبقت كيف😧
ودخول تبو ف القصة وهو منو😂
وبركة طلع اخو منو 😂😂😂
والله ملخبتات شديدااات😆
.......
يتبع...
