မိထွေးရဲ့ သမီး (My stepsister)

Intro

"ငြိမ်းချမ်းအိမ် မိဘမဲ့ ဂေဟာ"
ဂေဟာဝင်းအတွင်းရှိ မိဘမဲ့ ကလေးများ ကစားကွင်းတွင် ပျော်ရွှင်စွာ ဆော့ကစားနေကြသည်။ ဂေဟာဝန်ထမ်း ယူနီဖောင်းဝတ်ထားသော ဆရာမတစ်ယောက်သည် ဆော့ကစားနေသော ကလေးများအတွင်း တစ်စုံတစ်ယောက်ကို ရှာဖွေလျှက်ရှိရာမှ အနီးရှိကလေးတစ်ဦးအား
"အားချန် သား ကျင်းယွဲ့ ကို တွေ့မိလား"
ဟုမေးလိုက်သည်။ အမေးခံရသော ကလေးမှ
"ကျင်းယွဲ့ က စာကြည့်တိုက်ထဲမှာရှိလိမ့်မယ် တီချယ် သူတစ်ခါမှ လာမကစားဘူး"
"ကျေးဇူးပဲ အားချန် ကောင်းကောင်းကစားနေနော်။ကျင်းယွဲ့ ကို တီချယ် သွားရှာလိုက်ဦးမယ်"
ဆရာမလေးမှာ စာကြည့်တိုက်ထဲသို့ ဝင်လာသည်။ အလင်းရောင်သိပ်မရှိသော စာကြည့်တိုက်အတွင်း ပိုလင်းသွားစေရန် ဆရာမလေးမှ လိုက်ကာများဆွဲဖွင့်လိုက်ရာ  အခန်းထောင့်တွင် ထိုင်နေသော ၉နှစ်အရွယ် ကလေးမလေးတစ်ယောက်မှ မော့ကြည့်လာသည် ။
"ကျင်းယွဲ့ သမီး စာဖတ်နေတာလား။ လိုက်ကာဘာလို့မဖွင့်တာလဲ မမှောင်ဘူးလား"
ဆရာမလေးမှ ထိုကလေးမလေးအား ချိုချိုသာသာ မေးလိုက်သည်။
" အလင်းရောင်မလိုဘူး။ စဉ်းစားနေတာ "
ပြန်ဖြေသော လေသံက အေးစက်စက်။
"ဘာတွေ စဉ်းစားနေတာလဲ သမီးရဲ့"
"ဘာဖြစ်လို့ ဆရာမက သိချင်တာလဲ "
"-------"
ဆရာမလေးမှာ ရုတ်တရက်ပြောစရာမရှိဖြစ်သွားသည်။ ဤကလေးအကျင့် ကိုက ဒီအတိုင်းပဲမို့ ထူးထွေပြီး စိတ်အနှောက်အယှက်မဖြစ်တော့။ လိုရင်းကိုပဲပြောချလိုက်မိ၏။
"ကျင်းယွဲ့ သမီးလိုချင်တဲ့ ပစ္စည်းတွေသိမ်း သမီး မိသားစုရပြီ "
"လီ မိသားစု လာပြီလား"
ပြန်မေးလိုက်သော အသံလေးက မျှော်လင့်တကြီး။ ဆရာမလေး ဘာပြန်ဖြေရမှန်းမသိ ဖြစ်သွားသည်။ လီ မိသားစု မှ သူဌေးကတော်မှာ ငြိမ်းချမ်းအိမ် မိဘမဲ့ဂေဟာ သို့မကြာခဏလာရောက်လှူဒါန်းလေ့ရှိသည် ။ သူဌေးကတော် လီ မှာ ကျင်းယွဲ့ အားအလွန်ချစ်သည် ။ လွန်ခဲ့သော ခြောက်လခန့်က လီမိသားစုမှာ စင်ကာပူနိုင်ငံသို့ပြောင်းရွေ့အခြေချကြသည်။ နိုင်ငံခြားမသွားခင် ကျင်းယွဲ့ အား လာရောက်တွေ့ဆုံခဲ့ပြီး စင်ကာပူတွင် အခြေကျသည်နှင့် မွေးစားမည်ဖြစ်ကြောင်း ကျင်းယွဲ့ အား ကတိပေးခဲ့ရာ မိဘမဲ့ကလေး တစ်ယောက်အနေဖြင့် လီကတော် အား ကျင်းယွဲ့ မျှော်သည်မှာ မဆန်း။ သို့သော် ယခု လာရောက်ခေါ်ဆောင်သူက လီကတော် မဟုတ်။
"သူဌေးကတော် လီ မဟုတ်ဘူး ကျင်းယွဲ့ "
"မလိုက်ဘူး" ဖြေသံက ပြတ်သားသည်။
"သမီး မလိုက်လို့ မရဘူး။ ကျောင်းအုပ်ဆရာမကြီးက အားလုံးစီစဉ်ပြီးသွားပြီ ကျောင်းထွက်လက်မှတ်ပါလုပ်ပြီးသွားပြီ "
" လီကတော် က လာခေါ်မယ်လို့ ကတိပေးသွားတယ် သမီး စောင့်ချင်တယ် "
ဆရာမလေးမှာ မျက်ရည်ပင် ဝဲလုလုဖြစ်သွားသည်။ထို့ ငြင်ငြင်သာသာအသံဖြင့်
"အခု က သမီးအမေရင်း လာပြန်ခေါ်တာ"
စူးစူးရှရှ မျက်ဝန်းများဖြင့် မော့ကြည့်လိုက်သောကြောင့် ဆရာမလေးမှာ ရုတ်တရက်လန့်သွားရသည်။
"သူက မလိုချင်လို့ သမီးကို သူကိုယ်တိုင် ဒီမှာထားခဲ့တာ "
"သူလည်း မတတ်သာလို့နေမှာပါ သမီးရယ် ခု သူအဆင်ပြေတော့ ချက်ချင်းလာပြန်ခေါ်တယ်မလား "
" ၈ နှစ်တောင် ကြာတာလား"
ထိုတစ်ခွန်းမေးပြီးသည်နဲ့ ကျင်းယွဲ့ က စကားထပ်မပြောတော့ဘဲ သူ့စအုပ်များကို သိမ်းဆည်းနေသည်။ ကျင်းယွီ မေးခွန်း ကို ဆရာမလေးမဖြေနိုင်ပါ။ လွန်ခဲ့သော ၈ နှစ်က တစ်နှစ်အရွယ်သမီးလေးကို မကျွေးမွေးနိုင်တော့လို့ပါဆိုပြီး သူမကိုယ်တိုင် ငိုယို၍ ဂေဟာမှူးထံ အပ်နှံခဲ့သော အမျိူးသမီးသည် ယခုအခါ အဖိုးထိုက်ရတနာများဆင်မြန်းလျက် တန်ဖိုးကြီးကားကိုစီးလျက် သမီးကို လာပြန်ခေါ်သည်တဲ့။
ကျင်းယွီ က သူမ အဆောင်ထဲ ခဏဝင်ပြီး ကျောပိုးအိတ်လေးတစ်လုံးသာ လွယ်၍ ပြန်ထွက်လာသည်။ လက်ထဲတွင် အနီရောင် သိုးမွေး မာဖလာတစ်ထည် ကိုင်ထားသေး၏။ ကျင်းယွီက ဆရာမလေးခေါ်ရာသို့ အေးအေးဆေးဆေးပင် လိုက်လာသည် ။ ကလေးများကစားသောနေရာရောက်တော့ ကလေးများက ဆော့ကစားနေရာမှ ရပ်တန့်ရင်း အားကျသောအကြည့်ဖြင့် ကျင်းယွီ ကိုကြည့်ကြ၏ ။ ကျင်းယွီ မှာ ဘာမှမခံစားရသော မျက်နှာပေးဖြင့် ကစားကွင်းဆီ လျှောက်သွားသဖြင့် ဆရာမလေးဟာ ခေတ္တရပ်စောင့်လိုက်ရသည်။ ကျင်းယွီ ဘယ်သူ့ကိုနှူတ်ဆက်မလို့လဲ သူမှာ သူငယ်ချင်းမရှိပါဘူး ။
ကျင်းယွီ သည် ဒန်းနားတွင် မတ်တပ်ရပ်ရင်း သူမ ကိုငေးနေသော အသက်၁၀ နှစ်ခန့်အရွယ်ရှိ ကောင်လေးဆီ ဦးတည်လျှောက်သွာ့းပီးမှ လက်ထဲရှိ မာဖလာ ကိုကမ်းပေးလိုက်ရင်း  "ဒီမာဖလာက ငါကိုယ်တိုင် လီကတော် ကို လက်ဆောင်ပေးဖို့ ထိုးထားတာ ငါ့ အစားနင် သူ့ကို ပေးပေးပါ "
ထိုကောင်လေးက ကျင်းယွီ လက်ထဲမှ မာဖလာ အား ယောင်ကန်းကန်း နဲ့ လှမ်းယူရင်း  "ကျင်းယွီ  မသွားပါနဲ့ "
"အားချန် ထပ်ပြီးဘယ်သူ့ အနိုင်ကျင့်တာမှ မခံနဲ့တော့"
အားချန် စတင်ငိုကြွေးချိန်မှာ ကျင်းယွီ က တစ်ချက်မှ လှည့်မကြည့်ဘဲ ဆရာမလေးဆီ ပြန်လျှောက်လာသည်။
"သွားလို့ရပြီ "
သူတို့နှစ်ယောက် ဂေဟာရှေ့ရောက်ချိန်တွင် ရုပ်ရှင်မင်းသမီးနှင့်တူသော အသက် ၃၀ ခန့် အမျိူးသမီးတစ်ယောက်မှ ပြေးလာရင်း ကျင်းယွီ အားဖက်လိုက်ရင်း
"သမီး ကျင်းယွီ သမီးလေးကို မာမီ လွမ်းနေတာ " သူမ စတင်ရှိုက်ပြီး ငိုလိုက်ချိန်မှာပဲ
ကျင်းယွီက သူမ လက်ကို ပုတ်ချလိုက်ရင်း
"ဘယ်ကားပေါ်တက်ရမှာလဲ "
ရုပ်ရှင်မင်းသမီးမှာ ငိုနေရင်းတဝက်တပျက်ဖြင့် ရပ်တန့်သွားရင် အရှေ့ရှိ အနီရောင်ကားတစ်စင်း သို့ လက်ညှိူးထိုးပြလိုက်သည်။ ကျင်းယွီ က သူ့အိတ်သူ ပြန်လည်ပြင်ဆင်လွယ်လိုက်ရင်း ကားပေါ်တက်ထိုင်လိုက်သည်။
ဘယ်ဆရာမ ဘယ်ဂေဟာမှူး ကိုမျှ မနှူတ်ဆက်ပေ။
ရုပ်ရှင်မင်းသမီး နှင့် တူသော အမျိူးသမီးမှာ ဆရာမများကို အလောတကြီးနှူတ်ဆက်လိုက်ရင်း ကားပေါ်တက်ကာ ကျင်းယွီ ကို ခေါ်ဆောင်၍ ကားမောင်းထွက်သွားလေသည် ။
ဆရာမလေးမှာ ငေးကြည့်နေပြီးမှ သတိဝင်လာရင်း
"ကျင်းယွီ အဆင်ပြေပါ့မလား သူ့အမေ နဲ့" ဟု ဂေဟာမှူးအားမေးလိုက်သည်။ ဂေဟာမှုးမှာ သက်ပြင်းချလိုက်ရင်း
"အဆင်ပြေသွားမှာပါ သူ့အမေရင်းက လာပြန်ခေါ်တာပဲလေ " ဟုဖြေကြားလိုက်သော်လည်း စိတ်ထဲတွင်တော့ ခဲဆွဲထားသလို လေးလံလျက် ရှိသည်။

ရိုးရင်းဖြူ  @ Roe Rim Phyu