#كبرياء_الحب

chapter 5

الفصل الخامس
سام...طيب هروح معاكوا ماشي بس علي شرط
مايكل...موافقين من قبل ماتقولي
سارة...استني بس ايه هو شرطك ياسام
سام...مني تكلمني ف التليفون او تبعتلي message تطمني عليها كل نص ساعة
مني....ماشي بس مش كل نص... كل ساعة ممكن لكن كل نص صعب
سام...ليه هو احنا هنقعد كام ساعة
مني....سام تقعدوا زي ماتقعدوا انا لو عليا هريحك وابعتلك رسالة اطمنك عليا كل ساعة غير كدة بقي روحي وحاولي تستمتعي
سام...ماشي ..امتي
مايكل...الخطوبة بعد بكرة القاعة هتبدا 6
سام...وتخلص كام ؟؟!
مايكل...لا معرفش ..بس صدقيني اوعدك هتستمتعي جدا دي كلها ناس اجتماعية وهتحبيهم وهما اكيد هيعشقوكي متعقديهاش بقي
سام...ماشي ..حاجة تاني مطلوبة مني
مايكل...سام احنا مش بنضغط عليكي ياسام احنا عايزينك مبسوطة بس مش اكتر
سام...وانا متاكدة من كدة ومقصدش حاجة والله مقصدش اضايقوا
سارة...لا ابدا مضايقتيناش ابدا خلاص بقي نغير الموضوع دة
مني ...اتفضلوا اشربوا
سام...تسلم ايديكي ياموني ياعسل
مني...يخليكي ياحبيبة موني
مايكل...طب يلا امشي انا بقي
مني...والقهوة دي
مايكل....شربتها ف المطبخ وانتي مش واخدة بالك حتي بصي كدة
مني....يووو ينيلك بتتسحب زي البرص وتشرب القهوة ف المطبخ
الكل ضحك علي رد فعل مني لما مايكل شرب القهوة ف المطبخ
مايكل....طيب انا ماشي عايزين حاجة
مني...لا شكرا حبيبي عايزة سلامتك
مايكل...ياواد انت ياعسل يامدلعني
مني....هههههههههههه ينيلك
سام......ابقي افتح تليفونك ولو هتبات برة او هتتاخر ابقي اتكلم ف التليفون ماشي
مايكل،....تمام يافندم ..اي خدمة تانية
سام...ههههههه لا روح امشي بقي
مايكل....يلا سلام
مني...طيب انا داخلة جوة عايزين حاجة تانية
سام....ميرسي ياموني
دخلت مني اوضتها وقعدت سام وسارة مع بعض يتكلموا
سام...سارة بقولك ايه
سارة...نعم
سام...طبعا انتي عارفة ان انا مكتبي اللي بيستقبل الشغل ف امريكا وانا شغلي حاليا متعطل يعني انا مبشتغلش حاليا
سارة...اه عارفة
سام...بصي بقي انتي اول عملية هتجيلك تاني امتي
سارة...بكرة علي الساعة 3 العصر
سام...طيب انا هاجي معاكي
سارة...تيجي فين
سام...هاجي عندك المستشفي واحضر العملية
سارة...هتستحملي تشوفي المنظر
سام...اه عادي
سارة..طب بصي ايه رايك العملية الجاية علشان العملية بتاعت بكرة مدير المستشفي هيحضر ومش هينفع لو شافك معايا انا هتحصلي مشاكل ماشي ف بصي بعد الخطوبة دي بيوم هو انهاردة ايه
سام....السبت
سارة...الخطوبة الاثنين فهتبقي فيه عملية تانية الثلاثاء تعالي معايا فيه اوك
سام....اوك بقولك ايه بقي كملي كلامك لما حد يبقي مثلا مصاب برصاصة وف مكان صعب انو يروح مستشفي وبقاء الرصاصة ف جسمه خطر جامد عليه اعمل ايه علشان اطلع الرصاصة
سارة...هقولك ياستي بس ثانية واحدة انتي مهتمة قوي ليه كدة بالحكاية دي انتي ناوية تحولي من مهندسة شاطرة لدكتورة جراحة ولا ايه
سام....لا مش كدة بس اصلي انا بحب فكرة الاطلاع انا مستحيل اسيب الهندسة والمعماريات دي ..دي حياتي كلها اصلا انتي بتتكلمي ف ايه
سارة...فعلا انتي لو سبتي الهندسة هتنهار ان مزة حلوة وزي القمر زيك تسيبها وتمشي
سام....يا ولا يا ولا ايه الكلام الجامد دة
سارة...ههههههه ماشي ياعسل طيب اشرحلك بقي بصي المصاب لازم تخليه يسترخي هو طبعا هيبقي صعب ف الوقت دة لان حياته مهددة بالموت بس هو المفروض بيبدا ياخد نفس شهيق وزفير شوية شوية وتحرصي انو ميفارقش الوعي وبعدها بتبداي تفتحي مكان الجرح بمشرط وتطلعي الرصاصة دة طبعا بعد التعقيم للادوات اللي هتستخدميها ولايدك ولمكان الجرح علشان الجرح ميتلوثش وميجيلوش تسمم دم و....
سام....ثانية واحدة ثانية واحدة وهو انا لما ابقي ف مكان نيلة مقطوع مثلا هجيب مشرط منين ومعقم والكلام دة ولا امشي بيهم علي طول
سارة....ايوة بس دة ساعتها بتبقي عايزة دكتور مش متدرب عايزة دكتور بدل مالمريض يموت
سام....بس انا مش هيبقي متوفر الشرط والمعقم علي طول يعني
سارة....بصي ياسام استني ثانية واحدة
غابت سارة 5دقايق بالعدد ورجعت ل سام ومعاها يمكن 5 او 6 كتب
سارة...اتفضلي ياستي دي الكتب اللي اخدناها لما خلصنا كلية ودخلنا المستشفي وكنا تحت التدريب عقبال ما ابتدينا نشتغل وحدينا هيردوا هما علي كل الاسئلة اللي فدماغك
سام...واااو تحفة رائع رائع ميرسي كتير قوي قوي ليكي بجد انا متشكرة جدا جدا جدا
سارة...يااااه كل دة علشان شوية كتب
سام...طبعا انتي مستهونة
سارة...لا ابدا
سام....طب الكتب بتاعتك وانتي لسة ف الكلية لسة موجودة
سارة....اه عايزاها
سام....ياريت
سارة...ههههههههه حاضر ثواني واجيبهملك
سام....اوك
غابت سارة 10دقايق ورجعت ومعاها كتب تانية وادتهم ل سام وسام شكرتها جدا بعد كدة سام روحت بيتها وابتدت تفتح الكتب وتقراها الكتب كانت كبيرة جدا بس سام مكنش عندها اي مشكلة لانها كانت مستمتعة جدا بالموضوع وابتدت تخلص عدد كبير من الكتب اللي عطتهملها سارة وشافت عمليات كتير علي الانتر نت بحثت كتير قوي كانت مهتمة قوي بالجراحة واهي حاجة تشغلها عقبال مترجع لشغلها اللي هي بتحبه وبتعشقه جدا جدا واتحرمت منه
وجه يوم خطوبة اكرم وندي وع الساعة 6بالدقيقة كانت سام لابسة وجاهزة عدت علي مايكل وسارة
تك...تك...تك...
مايكل....ايوة..اوووووو وااو ايه القمر دة طب نعمل خطوبة كل يوم علشان نشوفك كدة ولا ايه
سام.... ههههههه مايكل بطل بقي امال فين سارة
مايكل....لسة بتتمكيجلي جوة انا عارف امال الطبيعي اللي قدامي دة بس اعمل معاه ايه لو شافت نفسها هتتعقد وتقول دة انا غفير مش ست
سام....يابني بطل بقي مكتثفش البت وتحبطها خليك رافع معنوياتها كدة ..بقولك ايه اختك شكلها مطولة انا هدخل ل مني اسلم عليها
مايكل....اوك ماشي اجي اوصلك
سام...ليه يعني
مايكل...الارض هتتربك ياقلبي
سام....هههههههههههه صدق انا غلطانة اني جيتلكوا ولا وافقت اجي معاكوا اصلا
مايكل....لالالالا خلاص ادخلي ل مني
تك...تك...تك...
مني...ادخل
سام...ايوة بقي تكنولوجيا وكدة بقي
مني...يووه سام ايه دة ايه الجمال والحلاوة دي ايه القمر دة كله ربنا يحرسك يابنت...اا ربنا يحرسك ياحبيبتي
سام...ااانا جيت اطمن عليكي قبل مامشي
مني...حبيبتي انتي اللي بتعبريني عن الكلاب اللي بره دول
مايكل...تشكري ياست الكل عارفك ب تمدحي فيا انا وسارة ..يلا ياملكة الدكتورة خلصت
مني...يوووه هما بيطلعوا امتي ..يابني ابقي خبط ولا اتنحنح ولا اعمل اي منظر
مايكل...حاضر ياما عنيا هتنحنح حاضر المرة الجاية..يلا ياستي الا اتنحنح قال
سام....هههههههه حاضر حاضر بس ثواني
مايكل...ايه
سام....يعني ايه تتنحنحن دي
مايكل....هههههههههه تتنحنحن اسمها تتنحنح يعني تقول "احم ، احم "
سام....والله
مايكل....اه والله يلا اتاخرنا
سام...اختك اللي اخرتنا
اتمشوا كلهم وركبوا عربية مايكل كلهم واتحركوا ناحية القاعة اللي فيها الخطوبة اول ما دخلوا كل الانظار اتجهت ناحية سام كانت صاروخ ف اليوم دة جميلة قوي الكل كان بيبص عليها لفتت نظر الكل وبعد كدة مشيوا هما التلاتة وراحوا ناحية الترابيزة المحجوزة ليهم من قدام وقعدوا شوية
مايكل...الكل قاعد يبصلك ياجميل
سام...هاا مين
مايكل....مين ايه انتي طبعا
سام...مانا قلت ماجيش
مايكل...هي الفكرة ف ماجيش
سام...امال ايه بس
مايكل...الفكرة انك خاطفة الانظار قوي مش اكتر
سارة...بقولكوا ايه انا مش قادرة بقي يلا نسلم عليهم انا هموت واسلم علي ندي واخدها ف حضني مايكل....طب يلا نروح نسلم عليهم
سام...ما تخلوني انا هنا
مايكل...نخليكي ايه انتي التانية بصوا انا هروح اشوف اصحابي ف الاول واشوف مين موجود ومين لا وبعد كدة هبقي اخكوا نسلم ع الناس ماشي
سارة...تمام ...ماتفكي بقي مالك
سام....هاا لاابدا
سارة...طيب
مايكل راح شاف اصحابو فين والقادة بتوعه فين
مايكل....شباب اخباركوا
تامر...تمام اخرت يعني
مايكل...معلش عقبال مااختي جهزت امال المقدم ادم فين
سامر...معرفش باين لسة مجاش
مايكل...ايه دة هيتاخر علي خطوبة صاحبه
جاك...مش عارف دة حتي هي جت وهو لسة اكرم مجاش ندي اهي ومعاها صحباتها
مايكل....غريبة
وفجاة القاعة ضلمت والاضواء ابتدت تتركز ف نص القاعة ادم عملهم دخلة ملوكي ظبط الاضواء هو من برة و اكرم دخل ف وسط الضلمة دي ووقف ف نص القاعة وف وسط الضلمة برضوا راح ادم دخل جاب ندي و وقفها ف نص القاعة قدام اكرة والاضواء اتسلطت عليهم وراح اكرم مسفر زي ماتكون علامة ان فيه حاجة تتجاب وفعلا جه واحد ومعاه صندوق كدة box صغير وملفوف بشكل رقيق بورق هدايا ومتزين بورود طبيعية لانه عارف ان ندي بتحب الورود الطبيعية جدا جدا وفيه كارت وراح راكع علي رجله وقدملها ال box وقالها.....
اكرم...دي هدية بسيطة جدا مني للانسانة الرائعة اللي اتمني كل الاماني انها تشاركني حياتي ولو حتي جزء بسيط ندي انتي بمجرد دخولك حياتي نورتيها انا يعتبر زي عجينة ف ايدك شكليها زي مانتي عايزة "بحبك" جداااا
ندي وقفت مش عارفة تقول ايه صدمة وفرحة وتوتر وجنون ف بعض راحت حاضناه وبعد كدة طلب منها تفتح ال box وتشوف هديته ليها ايه وفتحته ومصدقتش نفسها
ندي.....اوووووووو "قطة"
(ندي بتعش القطط بتحبهم جدا وطول عمرها كان نفسها تجيب قطة وتربيها )
ندي فضلت تعيط كتير قوي وهي ماسكة القطة وفرحانة بيها واخدها اكرم ف حضنه وباسها من خدها ومسحلها دموعها وراحوا رجعوا المكان اللي هما المفروض بيقعدوا فيه ندي سمت القطة كيتي لان القطة كانت كيوت جدا ولما قعدوا اخدوا القطة وحطوها ف ال box وحطوهالها ف العربية وجالهم ادم
ادم...تاج الحياة عاملة ايه (بما انها اسمها ندي ف ادم قرر يطلق عليها انها تاج الحياة ولانها كمان حبوبة جدا جدا وطيبة قوي )
ندي حضنت ادم جامد...حمدلله وحشتني فينك
ادم...انا اديني اهوو
مايكل...سيادة المقدم
ادم...ازيك يامايكل
مايكل...حمدلله يافندم
اكرم..احم ازيك ..احم ايه
مايكل....اه ماشي ثانية وجاي
راح مايكل نزل من علي ال stage وراح ناحية سارة وسام
مايكل...يلا تعالوا الناس مستنياكوا
سارة...تعالي شوف سام
مايكل...ايه ياسام مالك
سام...ماليش مش عايزة اطلع اسلم علي حد اطلعوا انتوا هما عارفينكوا انتوا
مايكل...مش هنستعبط دلوقتي يلا قوموا الناس مستنيانا
سام...بس
مايكل...ولا كلمة يلا