#كبرياء_الحب

chapter 13

الفصل الثالث عشر
دخلت سارة جري لاخوها والكل دخل يطمن علي مايكل و وقف سام وادم برة وسام كل ماتفتكر منظر روز وهي مدبوحة بطريقة ف منتهي الوحشية ومرمية ف شوال كدة وياعالم ايه اللي فيها تاني دي مشافتش غير يادوب وشها بس وسام كل ماتفتكرها تدوخ وتعرق بشكل غبي ادمكان بعيد عن سام بمسافة صغيرة واول ما عين ادم جت ف عنيها افتكرته وهو بيفك حبال الشوال وبيفتحه ولقيوا روز مدبوحة بشكل وحشي وهي ابتدت تدوخ وابتدت تعرق جامد وجسمها برد جامد واطرافها تلجت وادم لاحظ كدة عليها لما شافها مش متوازنة وممكن تقع ف ايه لحظة وراح عليها مسك دراعها وقالها
ادم.....ممكن تقعدي شوية
سام بصتله وبعدها حاولت تتماسك نفسها وسحبت دراعها منه بهدوء ومشيت
ادم بيتنرفز جدا لو هو كلم حد والحد دة معبروش او سابه ومشي وراح مشي وراها سام حاسة ان ادم بيمشي وراها وابتدت تبطا المشي بتاعها لغاية لما ادم بقي مش بعيد عنها بمسافة كبيرة المسافة بقيت سنتي مترات صغيرة جداا بتفصلهم
ادم.....انا مش بكلمك ازاي تسيبيني وتمشي
سام ابتدت تستجمع قواها وراحت بحركة خفيفة وسريعة لفت لادم بسرعة ولفت ايده ورا ضهره ومسكته من دراعه وكتفه وزقته ع الحيطة
سام....محدش قالك اني مبحبش الكلام الكتير ولا النصايح
المسكة بالنسبة لادم كانت هبلة جدا لانه ممكن لو اتحرك بسرعة يكسر دراعها لانه اقوي منها بس برضوا بحرص شديد وبحركة اسرع لدرجة انها اتفاجات من اللي حصل بحركة سريعة بقيت سام مكانه بس هي كان وشها ليه المرادي ايديها متكتفة ومرفوعة من ع الارض
ادم....محدش قالك قبل كدة متعمليش حاجة انتي مش قدها
ادم باصص ف عنيها جامد وهي مش قادرة تبص ف عينه بتفتكر روز وهي مدبوحه سام لما بصت لعين ادم وافتكرتها وابتدت تعرق وتدوخ تاني ادم لاحظ كدة واتاكد انها بيحصلها كدة لما بتبص ف عينيه ابتدا يسيبها تدريجي لغاية لما نزلت ع الارض ورجليها لمست الارض ادم اتحرك راح ناحية اوضة مايكل علشان يدخله وسام وقفت خمس دقايق تتمالك اعصابها وتدخل لمايكل وفعلا بعد خمس دقايق دخلت لمايكل وكانت عادي جدا
تك...تك،...تك....
سارة....ادخل
سام......اهلا اهلا حمدلله ع السلامة يابطل
مايكل.....الله يسلمك لسة فاكرة
سام.....طب اعمل ايه مش اسيب سارة ترغي معاك براحتها دي كانت هتموت عليك
ادم.....واضح ان مش سارة بس اللي كانت هتموت عليك انت محبوب قوي يامايكل
مايكل.....ميرسي ياادم باشا ربنا يخليك معلش بقي تاعبينك معانا
ادم....لا ابدا مفيش تعب ولا حاجة انت قوم بس بالسلامة ..يلا انا ماشي عايزين حاجة
مايكل.....ميرسي ياادم باشا
مشي ادم وبعد شوية اصحاب مايكل كمان مشيوا وقعدت معاه سام وسارة وسارة راحت تجيب اكل وسام فضلت قاعدة معاه
سام.....بقي يااذكي خلقه ترميلي العربيه علي ضهرها مشوفش حاجة انت عايز تموتني ناقصة عمر ومشلوله
مايكل بقي يضحك علي طريقة سام ضحك هستيري
مايكل....هههههههههههههههه ناقصة عمر ومشلوله كمان اهو ربنا خدلك حقك ياستي
سام.....لا ياخي متقولش كدة بعدالشر عليك
مايكل.....قلتوا لماما
سام.....لا طبعا انت عايز مني تيجي تقلبلك المستشفي مهرجان ولا ايه
مايكل.....ههههههههههه يخربيتك بس ع الاقل كنتوا قلتولها يمكن كانت صرفت نظر عن الكلمتين بتوعها انتوا سايبيني وش معبريني دي
سام.....معلش مهي قاعدة لو حديها يااخي وانتوا مش معاها اعذروها معلش وبعدين احنا مش هنقولها غير لما انت تخف خالص انت مش هتروح بيتكوالغاية لما دراعك يخف تماما غير كدة لا فاهم
مايكل.....بس انا مبحبش قعدة المستشفيات
سام.....معلش بقي استحمل شوية
مايكل.....المهم عملتي ايه لما كنتي ف العملية التانية اول ماسمعتي صوت الرصاص عملتي ايه
سام....اسكت يامايكل انا كنت مع ادم وفرقته فوق الجبل انا سمعت صوت الرصاص اتخشبت مكاني ومتحركتش نزلوا هما كلهم للي كانوا هيقبضوا عليهم وانا نزلت وراهم وادم جه يفتح شوال مربوط وكانت فيه واحدة مدبوحة والراس مفصولة خالص عن الجسم انا كل ماافتكر المنظر يجيلي هبوط وابقي بموت خالص
مايكل.....ههههههههههههههه علشان تعرفي ان الشغلانة بتاعتنا دي حديد
سام.....اه فعلا يابني كل دة اختك بتجيب اكل هي اكلته ولا ايه
مايكل....لا اكلته والله اكلها هي
سام.....هههههههههه طب انا هروح اشوفها
قامت سام وطلعت برة تشوف سارة اخرت ليه اتمشت شوية ف الممر وعلي اخره لقيت سارة كانت جاية
سام.....ايه ياسارة اخرتي ليه
سارة.....مكنتش لاقيه اي مطاعم فاتحة
سام.....طب يلا بقي لان اخوكي كمان شوية هياكلنا
سارة....هههههههه طيب مهو علطول مفجوع وهمه علي بطنه
سام......مش لوحده علفكري
سارة.....هههههخهههه اه عندك حق  انتي اخرتي ليه ف دخولك انتي وادم
سام......ايه لا ماخرتش ولا حاجة انتي بس بيتهيالك
سارة.....ايه مش عايزة تحكيلي
سام.....مش لو فيه حاجة تتحكي
سارة.....لاااااا دة فيه كتير ايه اللي دخلك انتي وهو بعد دخولنا بفترة وازاي تيجوا مع بعض اصلا وعرفتي منين ان مايكل اتصاب اكيد كل دة مش صدفة يعني
سام بثبات.......تصدقي انك غبية اولا دخلنا بعد كدة انا كنت مستنيه لما الزحمة تخف من عند مايكل شوية بس لما لقيتهم اخروا ف دخلت ثانيا انا وادم مجيناش مع بعض دة انا لقيته وانا طالعة ع السلم عرفت منين ان مايكل اتصاب واحد من اصحابه مسك الفون بتاعه ولقي اخر اسم سام فرن علي الاسم وعرفت هاااا بطلي بقي الاوهام دي
سارة......ماشي ياسام انا هطنش بمزاجي بس فيه كلام تاني ورا الكلام اللي قلتيه دة
سام.....خليكي ماشية ورا دماغك دي
سارة....طب يلا نروح لمايكل
سام....قولي لنفسك يلا
مشيوا سام وسارة لاوضة مايكل وسارة برضوا شاكة ف سام بس سام بتتكلم معاها بثبات تام علشان متشكش فيها اكتر
تك....تك....تك....
مايكل....ادخل
سارة.....عامل ايه ياوحش
مايكل......انتوا رحتوا فين انتي رحتي تجيبي اكل نمتي مع الاكل وسام راحت تشوفك اخرتي ليه نامت معاكي هي التانية فيه ايه
سام.....مفيش حاجة بس مكانتش لاقيه مطاعم فاتحة بس متقلقش جابت اكل برضوا
مايكل.....جدعة يابت
التلاتة قعدوا ياكلوا سوا سام كانت بتاكل وسرحانة وسارة لاحظت كدة وكانت بتاكل وهي سرحانة افتكرت روز وهي مدبوحة وراسها مفصوله عن جسمها والابشع ان مخها ابتدا يتخيل اللي حصلها والعذابات اللي حصلتلها قبل ماتموت وراحت مقدرتش تكمل اكل وقامت جريت ع الحمام استفرغت كل اللي ف معدتها وقامت. سارة تجري وراها
سارة.....ايه ياسام مالك فيه ايه
سام..... ايه لا ابدا مفيش حاجة انا هروح اتمشي شوية
سارة....طب
سام.....خليكي جنب مايكل وانا مش هاخر
مشيت سام راحت روحت علي بيتها اخدت مفاتيح عربيتها وطلعت بيها كانت سايقة بسرعة جنونية ومش عايزة تهدي كانها عايزة تمسح الليلة بتاعت العملية دي بس ازاي سام كل شوية بتضرب نفسها مليون جزمة انها راحت لا وكمان هي اللي الحت علي ادم انها تروح وادم مكنش موافق لكن مع اصرارها وافق كل شوية سام بتتخيل نفسها مكان روز(سام متعرفش اسم البنت المدبوحة) كل شوية تتخيل نفسها مكانها مدبوحة ومرمية وسام تترعب وعنيها تبدا تتملي دموع لفت ولفت ولفت كتييير قوي بالعربية حوالي ساعتين لغاية لما رجعت تاني ع المستشفي