#كبرياء_الحب

chapter 24

الفصل الرابع والعشرون
سام......ااااادم لااااا اوعي تطلع الفون من جيبك
ادم........ايه دة سام انتي ايه اللي جابك هنا وجيتي هنا ازاي اصلا
سام.....مش مهم المهم انك ولا تفتح الفون ولا تتكلم فيه دلوقتي
ادم......ليه
سام.......القنبلة اللي ملفوفة حوالين البنت دي حساسة جدا ومتوصله علي اشعارات الموبايلات يعني لو رسالة اتبعتت ولا موبايل رن هنبقي كلنا ميت حتة والدليل علي كلامي اول مانت طلعت الفون من جيبك القنبلة ابتدت تزن
ادم ابتدا يدخل الفون تاني ف جيبه وهو مش عارف يفكر ولا يعمل ايه ف الورطة السودة دي
رئيس العصابة (انور)......هههههههههههههه ايه دة دي الامورة بتعرف ف الحاجات دي بقي هاتوهالي
سام راحت مطلعة المسدسين من ورا ضهرها ووجهته ناحيه اللي جم علشان يمسكوها
سام......محدش يقربلي ارجع ورا
وهي بترجع لورا وراحت خبطت ف حاجة زي ماتكون حيطة بتبص وراها لقيت كائن عامل زي الحيطة طويل قوي وعريض وعضلات اترحمت علي نفسها ساعتها وراحت مصفرة صفارة جامدة علشان مايك يفهم ويدخل والراجل دة راح ماسك سام طبعا المسدسين وقعوا منها وبعدها بخمس دقايق بالظبط كان مايك داخل ونزل بركبته علي رقبة الراجل دة بس طبعا مفيش فايدة يادوب سام اتخلصت من المسكة وجريت وهو اتعامل مع مايكل بس طبعا مايكل مش قده شغله علي قد ماقدر وسام ابتدت تضرب بمسدسها لان ادم معلمها تضرب ازاي وادم جري ورا انور لانه كان معاه البنت وهو بيجري وراه خبطت ف نفس الكائن اللي مسك سام طبعا المسدس وقع منه واتزاح وانهال عليه الشخص دة ب البوكسات الكتير وطبعا بوكس من ايده بعشرين من العادي وطبعا ادم وشه جاب دم من كل حتة ومسكه مسكة خنق وخلاص ادم بتخنق بس ابتدا انه يحاول يضرب فيه وفعلا ضربه برجله تحت ركبته اتخلص من المسكة وابتدا يضرب فيه كتير ف حتت خطيرة ضربه مرة تاني تحت ركبته ومرة ف فم المعدة ومرة تاني ضربه بايده كسيف يد ف زوره ودي اللي كانت خلاص دوخته ع الاخر مبقاش قادر يعمل حاجة تاني وراح اظم جه من وراه وراح لف رقبته بالعكس طقطقها وموته
انور.....ايه دة بقي ياباشا دة انت طلعت مش سهل اهو وقلت احسن رجالتي عوض بس ملحوقة
ولسة هيجري بالبنت وطبعا ادم مش معاه المسدس وراحت سام ضربته بمسدسها بطلقة ف دماغه وقع وادم راح اخد البنت و قعدوا لان كمان لو طلعوا برة المكان اللي هما فيه القنبلة هتنفجر ف اضطروا انهم يفضلوا وادم ابتدا يشوف الاسلاك اللي متوصلة ببعض  وادم وسام لسة بيتناقشوا ممكن يقصوا انهي سلك والبنت عيط سام افتكرتها بتعرف عربي
سام...،،مالك حبيبتي
البنت مستمرة ف العياط ومش بترد
سام....what's wrong ,dear?(مالك حبيبتي )
البنت....iam afraid (انا خايفة)
سام.....Don't worry i will not allow for any thing to hurt you ..(متقلقيش انا مش هسمح لاي شئ انه يؤذيكي )
البنت.......Do you promise me ؟(توعديني)
سام....of course i promise ...what's your name (طبعا اوعدك انتي اسمك ايه)
البنت.....kara(كارا)
سام....what! Kara(ايه كارا)
كارا.....i trust you (انا اثق فيكي)
سام.....don't afraid (متخافيش)
سام طمنت البنت وهدتها وقالتلها انهم هيلعبوا مع بعض وان شرط اللعبة كارا تعد لغاية ١٠٠ وفعلا كارا ابتدت ف العدد
سام.....هاا
ادم.....قدامنا ٣ اسلاك احمر واخضر وازرق نقص انهي علشان نوقف حكاية الاشعار
سام.....بص هو انا عايزاك تفهم ابعد عن الاخضر دلوقتي
ادم.....لي....
مايك.....القوة جت برة ومعاهم خبير مفرقعات
ادم....مستني ايه دخله طبعا بس خليه يسيب فونه برة وخد موبايلي وموبايلها معاك برة
مايك اخد الموبايلات ودخلهم خبير المفرقعات
ادم....،ايه دة انت خبير الفرقعات
=خبير المفرقعات مقدرش يجي يافندم لانه تعبان وانا لسة طالب تحت التدريب
ادم.....نعم ياخويا طالب وتحت التدريب كمان واسمك ايه ياطالب
طارق......اسمي طارق يافندم بس متقلقش انا اكفاهم
ادم.،...طب اتفضل قلي نقص انهي سلك ودي قنبلة حساسة وجديدة ف خد بالك
طارق.....عيب عليك يافندم طبعا نقص السلك الاخضر
سام......لاااااااا مستحيل انت كدة بتموتنا احنا هنقص السلك الاحمر
ادم،....سام ممكن افهم وجهة نظرك
سام.....لما اي حظ بيحب يخترع جهاز يكون ليه علاقة باشعارات الموبايل بيشيل الطبقة العازلة ويدخل الاسلاك ف بعض ه بيبقي الحمر هو الاخضر فهمتوني
طارق.....انا مش مقتنع
سام.....انشالله معنك اقتنعت المهم الطفلة دي
مايك.....ادم باشا باقي ٢دقيقة
سام....ادم دة علي مسئوليتي
ادم.....معندكش حاجة تقولها
طارق....مهي قالتلك علي مسئوليتها اما نشوف
ادم فعلا مسك السلك الاحمر وقطعه القنبله صفرت وكتبت ع الشاشة بتاعتها وقف اشعارات الهاتف مش باقي غير سلكين الاخضر والازرق وادم سمع كلام سام وقطع الازرق وفعلا القنبلة وقفت واتفكت من ع البنت بسهولة بس ادم وشه اتشلفط خالص وبعد ما فكوا القنبلة من البنت راحت سام حضنت البنت جامد وطارق طلع برة وكان فيه حد من ورا سام موجه مسدسه ناحيتها وهيضرب عليهم رصاص بس مسدس سام كان جنبيها ادم اخده وضربه بيه
ادم،....هو ايه المسدس الغريب دة
ادم راح مطلع الزخيرة بتاعته ولقاها طلقات بلي (لعبة )
ادم.....ايه دة دة مش مسدس حقيقي
سام....اه طبعا انت فاكرني هقدر اشيل مسدس حقيقي معايا انت مجنون ولا ايه دة انت لما بتفك الزخيرة قدامي بترعب همسكه واضرب بيه الناس بتهزر
دخلت بعدكدة القوة واتقبض طبعا علي المجرمين واللي خطفوا البنت وابو البنت جه بنفسه علشان يشكر سام وادم ويشكر جهود الشرطة والمخابرات وفرقة العمليات الخاصة اللي تبعها وسام اخدت البنت وراحتله
السفير......thank you soo much i don't know what iam saying(شكرا ليكي كتير انا مش عارف اقولك ايه )
سام.....no problem you have avery amazing girl (مفيش مشكلة انت عندك بنت رائعة جدا)
السفير......wait wait !Are you sam !? Sam Anderson (ثواني ثواني هو انتي سام..سام اندرسون)
سام،.....yeah Do you know me oooh you are mr robin (اه هو انت تعرفني اووو هو انت روبن )
روبن (السفير).....oooh yeah this's me ..thanks sam (ااه انا شكرا سام)
سام.....you're welcome ,sir(العفو )
(اصل سام عملت تصميم الفيلا بتاعت السفير دة)
رفعت(يبقي القائد بتاع ادم ومسئول عن العملية كلها بس بدون ما يدخل ميدان المعركة)....ادم مين دي
ادم.....دي سام
رفعت.....ايوة ايه سام يعني من تلامذتك
ادم.....لا طبعا دي مهندسة ديكور عمارة ومهندسة الكترونيات وهي اللي قكت القنبلة
رفعت......نعم امال طارق كان بيعمل ايه
ادم......طارق ايه انتوا جايبينلي عيل لسة تحت التدريب وتقولولي هيفك القنبلة طب ايه رايك انه لو كان هو اللي اتعامل مع القنبلة كنت هتلاقي اصغر حتة فينا قد النملة
رفعت......ياااه للدرجادي وجودها كان مهم
ادم......لولاها القنبلة اتفكت بدون خساير واتقبض كمان علي انور بفضلها
رفعت.....طيب ماشي معاك بس هي كدة بتدخلها زود العبئ عليك انت بقيت مشتت
ادم،....بالعكس دي ساعدتني جدا مشتتنيش
رفعت......خلاص علي راحتك يلا اهو ربنا سترها
راح القائد شكر سام والسفير شكر ادم
ادم.....انتي يامجنونة انتي تعالي هنا
سام.....ايه
ادم......انتي متخلفة يابت انتي ايه اللي جابك ورايا انتي بتستهبلي انتي عرضتي مفسك للخطر وشتتي انتباهي بقيت مركز معاكي لتموتي ولا يخطفوكي تاني مرة متعمليش كدة وكفاية حب المغامرة اللي عندك دة اعقلي شوية مش كدة واسمعي الكلام شوية
سام اتضايقت من طريقته معاها ف الكلام لانه زعق فيها وكلامه دايقها دة بدل مايشكرها ف هي طبعا اتضايقت جدااا وكانت خلاص الدموع علي وشك النزول ودارت وشها خلاص كانت هتعيط وبعدها اظم شدها لحضنه
ادم بحنيه وهدوء......تاني مرة متعمليهاش تاني متبقيش عيلة
سام بصوت مخنوق....متزعقليش تاني بقي
ادم....هههههههههه خلاص مش هزعقلك تاني بس انتي بطلي متسمعيش كلامي فاهمة علشان عدم سمع الكلام بينتج عنه عواقب مش كويسة
ادم رفع وشها شاف اثار الدموع علي عنيها
ادم....تؤ تؤ تؤ اوعي تعيطي ياهبلة متضايقيش
سام ابتدت تبتسم وفونها رن
سام.....الو
المتصل.....الو ياجميل عاملة ايه
سام.....اهلا يافندم هو انا اعرف حضرتك
المتصل.....هههههههههه مكنتش متوقعة انك مش هتعرفيني
سام.....ثانية واحدة ثانية واحدة كدة انا عارفة الصوت دة انتي ...انتي خطيبة اكرم صح ندي!!
ندي......اييون شاطرة انك عرفتي بجد برافوا انا قلت مش هتعرفيني
سام......لا ازاي انتي صوتك الجميل دة يتنسي عاملة ايه
ندي.....تمام ضربتيلي انتي الطناش صح
سام....ليه بس
ندي....علي الشقة
سام....ااااووووو بس طب مهو انتي اللي مكلمتينيش واكدتي عليا
ندي.....معلش بقي كنت مشغولة جدااا بس ماعلينا ياستي احنا فعلا اتزنقنا جدا الفرح باقي عليه شهر ونص والشقة متعملش فيها حاجة خالص وانا بصراحة مش عارفة اقولك ايه
سام.....بتهزري صح شهر ونص بس طب ماكلمتنيش من بدري ليه ع العموم انا هتصرف
ندي.....بجد
سام.....اه طبعا بس اديني عنوان اقابلك فيه دلوقتي حالا
ندي....اوك خدي العنوان دة _________
سام.....اوك جايالك حالا
سام...معلش بقي ياادم اديك سمعت المكالمة معلش لازم اروحلها دلوقتي سلام
ادم....اوك سلام
مشيت سام وراحت ل ندي بس فيه جزء منها مبسوط وطاير م الفرح وهي مش عارفة ليه يمكن علشان ابتدت تعيش حياتها بدون مشاكل نسبيا هي مش عارفة المهم وصلت العنوان وقابلت ندي وبعد سلامات طويلة
ندي....يعني هتقدري تظبطي الشقة ف المدة القصيرة دي
سام.....عيب عليكي متقلقيش انا هفضي كل الشغل اللي عندي واعملهالك وانشاء الله اسلمهالك قبل المعاد بس لو كدة هبدا من بكرة وهاخد نسخة من المفتاح وتيجي معايا اول يوم علشان حكاية البواب وكدة
ندي ....تمام اوك اشوفك امتي
سام.....اديني مكان اقابلك فيه ع الساعة ٦ بكرة
ندي.....٦ بالليل حلو المعاد دة طيب هبقي ابعتلك عنوان العمارة ف ماسج ونتقابل هناك
سام....تما بس احب افهمك حاجة ٦ الصبح مش بالليل
ندي.....نهار اسود ليه كدة
سام.....انا بشتغل بدري
ندي....اوك تمام نتقابل هناك بس ابقي رني عليا ل تروح عليا نومه
سام.....ههههههههه حاضر هرن عليكي
مشيت سام وتاني يوم سام شافت الشقة وندي جابتلها نسخة من المفتاح وسام اشتغلت ف الشقة وقدرت تخلصها ف وقت قياسي خلصتها ف شهر تقريبا وكان شكلها جميل ديكورها رقيق ونظامها برضوا والتكنولوجيا بتاعتها رائعة ومتطورة جداا وجه يوم الفرح