#كبرياء_الحب

chapter 25

الفصل الخامس والعشرون
سام خلصت الشقة ف وقت قياسي جدا ف حوالي شهر كدا وجه يوم الفرح وسام كانت لابسة فستان لونه اسود طويل ومن عند الكم والبطن شيفون ولامة شعرها ومنزلة منه خصلتين ولابسة عقد الماظ رقيق وحلق برضوا نفس شكل العقد وجزمة سودة لامعة وبكعب طويل ورفيع وحاطة مكياج خفيف جدا ومش فاتح قوي ومش غامق قوي وراحت علي قاعة الفرح لقيت سارة ومايكل هناك قعدوا ف الترابيزة بتاعتهم
سارة....ازيك ياسام عاملة ايه
سام.....تمام مالك كدة
سارة....ابدا
سام....علي اساس اني مش عارفاكي وعارفة شكلك وانتي متضايقة
سارة.....واخرتها
سام.....يعني ايه
سارة.....اخرة خروجك مع ادم الكتير والرغي ف التليفونات بالساعات واللطف مع بعض اخرة دة كله ايه واخرة الاعجاب دة ايه ادم مش مستعد يتجوز ادم بيهتم بنفسه بس
سام.....انتي مجنونة ولا شكلك كدة اعجاب ايه وهباب ايه وايه قصد كلامك افهم
سارة.....انتي فاهماني كويس جدا علي فكرة ادم سكته مش حلوة وطريقه مش سالك ومش حلو كل يوم ينام مع واحدة شكل والسكر وكدة بلاش سكته
سام....سارة انتي...
سارة.....ممكن متكمليش علشان انا عارفة انك هتقاوحي معايا وهتنكري بس سكة اظم اخرتها حاجة من الاتنين يااما هيكسرك او اللي هتعملوه ف الجواز هيتعمل هو هو بس من غير جواز
سام.....سارة اخرسي ولا كلمة زيادة وبعدين لادة مكان ولا وقت الكلام دة
مايكل.....ازيكوا ايه دة مالكوا فيه ايه
سام...ها لا ابدا انا قايمة شوية
قامت سام وكان باين علي وشها انها كانت متضايقة
مايك....فيه ايه ياسارة سام مالها انتي قولتيلها حاجة
سارة....بس بقي
مايك...،.فيه ايه ياسارة ماتتعدلي مالها سام
سارة.....مفيش قلتلها _________(حكتله اللي قالته لسام)
مايك......انتي عبيطة ولا شكلك كدة فيه حد يقول لحد كلمتين زي السم دول ف يوم زي دة دة احنا مصدقنا انها تبدا تخرج وتروح ف اماكن وتتكلم مع الناس تبهدلي انتي كل اللي اتعمل
سارة.....مايكل لو سمحت انا خايفة عليها لانها اكتر من اختي وبعدين دي الحقيقة وبعدين لو انت متخيل ان ادم هو اللي خلاها تخرج من اللي هي فيه ف انا احب اقولك ان ادم معقد اكتر منها وسكته اخرتها وحشة
مايك......وانتي مالك انتي ولية امرها سام كبيرة ومسئولة عن نفسها انتي شايفاها صغيرة ف دي حاجة تاني هي البيئة اللي اتربت فيها مخلياها تشيل مسئولية نفسها من وهي صغيرة احنا هنا عندنا البنت ٢٠ سنة تبقي عيلة ولسة هبلة واي حد يضحك عليها بكلمتين لكن لا برة عندهم الولد ولا البنت يوصل سن ١٦ سنة يبقي مسئول عن نفسه ويستقل عن اهله ويصرف علي نفسه واظن انتي عارفة الكلام دة كويس قوي لانك عيشتي برة لفترة
سارة.....ايوة يامايكل بس..
مايك.....مبسش متفتحيش الموضوع دة تاني ياسارة مع سام وكفاية بقي خليها تعيش شوية
سام كانت واقفة سرحانة افتكرت لما كانت لسة عند ادم ف الشقة فلاش بااااك
سام....بقولك ايه
ادم.....ها
سام.....طب انت عارف عني كل حاجة وانا معرفش عنك حاجة ممكن تحكيلي عن نفسك شوية معلش
ادم....اممممم طيب مع انها محصلتش اني احكي لحد حاجة قبل كدة ولكن معلش احكيلك بصي ياستي انا ابويا مصري وامي مصرية برضوا بس عاشت عمرها كله ف اسبانيا وابويا عرفها هناك علشان الشغل وكدة كانوا من اكبر رجال الاعمال عاشوا قصة حب ملهاش مثيل لا تقوليلي روميو وجوليت ولا عنتر وعبلة ولا حاجة من الناس دي دول عدوها بمراحل حتي بعد ما خلفوني وهما مبطلوش حب ودلع مع بعض نهائي كانوا بيموتوا ف بعض ولما انا وصلت لسن ٩ سنين لاحظت اني امي ابتدت تتعب كتير سفر ابويا وامي من اسبانيا ل المانيا لكذا دولة تاني زاد قوي بس انا مكاني كان مستقر كنت ف اسبانيا وكان تعليمي مستقر لغاية لما حصلت صدمة امب ماتت وانا ف سن ١١ سنة اتاثرت جدا لاني كنت متعلق بيها جدا وابويا كمان تعب وصحته اتاخرت وكان حالنا وحش ابويا لما شاف حالتي بتسؤ اكتر بدون ام او حد يراعيني قرر يتجوز واحدة علشان تكون ام ليا بس هو مكنش يعرف ان مرات الاب عمرا ماتكون ام التعبان ميعرفش يحب غير نفسه بس نزلنا مصر وهو اتجوز واحدة مصرية كانت كويسة جدا معايا ف الاول وبتحبني جدا بس انا مكنت برتاحلها وانا ف سن ١٢ كنت ف مرحلة التعليم الثانوي ابويا اخدني ف مرة قبل مايموت باسبوع اخدني مكتبه وقالي انه كتب كل املاكه باسمي وعرفني فين مكان كل الاوراق وف يوم مشئوم رجعت كان ابويا ميت هي كانت بتتصنت علينا وعارفة مكان كل حاجة وللاسف ملحقتش ولا ورقة وخدت هي كل حاجة بالتزوير طبعا المعاملة كانت زي الوفت ومقرفة هربت منها ورحعت ملجا والملجا اتكفل بمصاريفي لان مدرستي كانت معروفة واثبتت نسبي وشخصيتي للملجا يعني ان مكونش ابن حرام او يكون اهلي رموني ف السن دة وكدة بس كملت تعليمي وقدمت ف المخابرات وانا احمل الجنسية المصرية والاسبانية مع بعض ومستوي تعليمي و علاقات ابويا من قبل مايتوفي نفعتني اني اقبل وبدون واسطة بس طبعا كان فيه تصيد اخطاء ف الاول لكن اثبت كفاءتي للكل
(علشان محدش يتوه التعليم برة مختلف يعني ممكن يكون مخلص تعليمه كله علي سن ١٦ سنة بالجامعي بس هو ف سن ١٢ كان خلص لغاية المرحلة الاعدادية وكان هيدخل ف ثانوي وف مصر بيبقي فيه مدارس دولية ومستوي ابوه من قبل مايموت وتفوقه هو كمان دخل مدرسة عسكرية ثانوي كانت بنص المصاريف علشان حاجتين التفوق وانه يعتبر يتيم )
ادم خلص كلامه ولقي سام عنيها دمعت
ادم......هههههههههه ياااه دة انا وانا بتكلم معيطتش علي نفسي
سام......لا بس اتاثرت بصراحة جدا انا اسفة اني
ادم......بس خلاص ممتاسفيش بعدين دة ماضي
سام......وانت بتتعامل مع الماضي عادي كدة
ادم.....مش ماضي
ادم شدها لحضنه وهي كان فيه جزء منها مبسوط ب قعدتها معاه جدااا
باااك
مايك.....سااااام ايه يابنتي
سام.....ها ايه فيه ايه
مايك.....ايه مالك سرحانة ف اية انتي لسة متضايقة من كلام سارة
سام.....لا خلاص عادي
مايك.....تبقي لسة متضايقة بس انا متاكد انك عارفة انتي بتعملي ايه
سام.....بس اختك مش متاكدة
مايك......ملكيش دعوة باختي خليكي ف نفسك
سام.....طيب
مايك....اسيبك انا دلوقت
سام.....اوك
مايك.....طب ارجعي الترابيزة
سام.....لا كدة احسن
مايك.....خلاص علي راحتك
مايك ساب سام وراح شاف زمايله وسام فضلت واقفة
=احم احم
سام_________
=احم احححمممم ايه بس الجميل مبيردش ليه
سام اتنرفزت ولسة بتتكلم
سام....بعدين بقي ف جو المعاكسات الرخيص دة ...اادم
ادم.....ههههههههههه اتضايقتي
سام......صدق يعني مش عارفة اقولك ايه ايه جو المعاكسات دة يااخي كنت اخبطني علي دماغي احسن من الكلام الاهبل دة
ادم.....يااااه للدرجادي
وهما واقفين نور القاعة اتطفي والنور اتسلط ف النص كانت ندي نازلة من فوق و اكرم مستنيها لحد ماتنزل واستلقاها ف حضنه ونزلها وكان جو رومانسي جميل
سام.....واااااو تحفة هي دي افكار اكرم
ادم.....اه ليه بتسالي
سام.....لا اصل اكرم رومانسي شوبة بس مش للدرجادي وبعدين اللي بيبان عليه الرومانسية مش بيبقي ليه ف الحاجات دي واللي بيبقي مش باين عليه الرومانسية بيبقي تحفة ف الحاجات دي
ادم،......ايه النظرية المعكوسة دي
سام.....يمكن
ادم.....طب ماتيجي تسلمي عليهم
سام.....اوكي يلا
راحوا سلموا عليهم
سام.....الف مبرووووك
ندي.....الله يبارك فيكي ياقلبي ميرسي ع الشقة كتييير
سام......ميرسي علي ايه بس
ندي.....علي فكرة يااكرم سام هي اللي عملتلنا الشقة وكمان مش راضية تاخد فلوس
اكرم......ايه دة بقي
سام......ايه بس ياجماعة دي هدية مني لفرحكوا مالكوا وانا اكيد مش هاخد ع الهدية فلوس
ادم.......ايه دة بقي اشمعني دول ولا هو ناس وناس ناس تدفع بالدولار وناس متفدعش اصلا
سام.....،اه ناس وناس عايز ايه بقي
اكرم......الله ايه دة انت بتدفع بالدولار
ادم.....اه ياسيدي عرفت انك ف نعمة
اكرم......نشكرك يارب
ادم.....وياتري عجبتكوا الشقة
سام.....محدش شافها فيهم هيشوفوها انهاردة وبالنسبة للتكنولوجيا بتاعتها هتلاقوا علي المراية بتاعت اوضة النوم طريقة استعمال النظام كله وطريقة كل حاجة كمان
اكرم.....لالالا كدة كتير قوي احنا مش قد دة كله
سام......لا دي اقل حاجة ...اممممممم هو الجو نايم ليه كدة
ندي،......طب متولعوه انتوا
ادم و سام ......نعم !!
ندي.......ايه بتبصولي كدة ليه نشغلكوا موسيقي حلوة كدة وترقصوا عليها
سام......ايوة بس مش قبل رقصتكوا انتوا الاول
اكرم.....اه صح عندك حق
راحت سام ناحية بتاع ال D.j واختارتلهم اغنية حلوة english رومانسية يرقصوا عليها slow ورقصوا مع بعض شوية وابتدا كل كابلز يرقصوا مع بعض مايكل كان بيرقص مع بنت اسمها تمارا من اصحاب ندي بس لمضة شوية وسارة كانت بترقص ياسر صاحب مايكل وسام وادم واقفين علشان هما عارغين لو طلعوا يرقصوا هيتدبسوا ويرقوا لوحديهم علي اغنية /موسيقي منفردة بس للاسف خطتهم مادامتش كتير جت ندي وشدتهم علشان يرقصوا وفعلا مكملوش خمس دقايق واشتغلت موسيقي تاني ليهم يرقصوا عليها بانفراد وكانت موسيقي valentine's dance tango ابتدوا يرقصوا عليها والكعب بتاع سام رفيع وهي خايفة تقع بس ادم مسابهاش خالص وجه لاخر الرقصة وراح ميل بيها ع الارض خالص كان المسافة بينها وبين الارض ٥ /١٠ سم وختم الرقصة بعدها راح شايلها وموقفها وشدها عليه قوي وبيقربها منه قوي خلاص شفايفه هتلمس شفايفها وهي عماله تزقه ومفيش فايدة هو طبعا اقوي منها بكتير لغاية لما خلاص باسها شفايفه لمست شفايفها وهي برضوا مستمرة ف مقاومتها وبعدها راح فلت ايده من عليها وهي كانت ف الوقت دة بتزقه بكل قوتها لحد ماكانت هتقع خلاص وقبل ماتلمس الارض كان ماسكها وراح رافعها من ع الارض وشالها طبعا هو مكنش فارق معاه الناس نهائي واتفاجئ ان الناس قاعدة تسقفلهم وسقف حار جدا جدا