#كبرياء_الحب

chapter 1

الفصل الاول
الفصل الاول يبدا ب سام ف عربيتها وبتتكلم ف الفون بتاعها وبعصبية شديدة
سام.....يوووه طيب انتي التانية انا غلطانة صح اني سمعت كلامك انا مكنتش عايزة انزل م الاول يووووه استني بقي انتي التانية هكلمك بعدين اما اشوف اللي قدامي دة كمان
سام متعصبة واصلة لقمة عصبيتها وبيظهر قدامها بطلنا ادم ادم وسام واقفين بالعربيات قدام بعض الشارع صغير ومينفعش الاتنين يعدوا من جنب بعض لازم حد يرجع للتاني سام عمالة تضربله كلاكسات وهو يضربلها كلاكسات ومفيش فايدة مفيش حد متحرك من مكانة
سام.......hai you
ادم......ايه انتي
سام.....what's wrong man back of
ادم.......ارجعي انتي
سام......بقي كدة مش راجعة
ادم.....يعني ايه مش راجعة هو انتي علشان راكبة عربية وفرحانة بيها زي العيال ولا ايه ارجعي بدل مااجيبهالك ع الارض انجزي
سام......بقولك ايه انت كمان انا عفاريت الدنيا كلها بتتنطط قدامي فاهم ومش ناقصاك بقي
ادم......انتي يابت انتي ازاي تكلميني كدة
سام.......الله بنت وانتي وتكلميني كدة تطلع مين حضرتك
نزلت سام من العربية اتغاظت من كلام ادم جدا وهو قاعد زي ماهو ف عربيته ولا اي حاجة وبيعدل ف نضارته
سام......انزلي
ادم______________
سام......انا مش بكلمك يابتاع انت
ادم......متلمي نفسك بقي ف ليلتك
سام.......هههههههههههههه الم نفسي ليه شايفني ايه لو سمحت انزل خلينا نشوف مين حضرتك
ادم نزل من العربية بتاعته وهي رجعت لورا شافته طول بعرض بشياكة هي لقيت حيطة قدامها
ادم......هااا مش هتبطلي طول لسانك دة اللي عايز قصه
سام......اهو انت يارب ولا انا
ادم ابتسم من طريقتها شبه الاطفال قوي ومنظرها وهي متضايقة خلاه يتعمد يغيظها اكتر علشان يشوف علامات غيظ الاطفال دي علي وشها
سام.......انت متعمد تضايقني يا استاذ
ادم.......استاذ مرة واحدة مش كنت بتاع من شوية
سام......طب خلاص سوري اني احترمتك بس لو سمحت ارجع بعربيتك انا متاخرة اصلا ومتضايقة وشكله كدة يوم باين من اوله الليلة دي
ادم سكت شوية وخلع نضارته وباصصلها ومش مركز ف حاجة تاني
سام.......هيييييي ايه يااخ
ادم.....هاااا
سام......بكلمك
ادم........انا شوفتك فين قبل كدة
سام......لا اكيد مشفتنيش خالص والا كنت عديتني
ادم.......بجد لا مانا لو شوفتك يبقي اكيد قضية سب وقذف بلسانك اللي عايز قطعه دة
سام.......يادي اليوم ممكن تعديني
ادم.....انا كمان متاخر علي شغلي وعايز اعدي
سام.....اااا مش قضيتي فيه حاجة اسمها ladies first عارف معناها
ادم.......المفروض السيدات اولا بس لما تكون مؤدبة مش لسانها طوله عشرة متر عايز يتقطع
سام.....طب معلش لو سمحت بقي اعدي انا اتاخرت فوق تاخيري ومفيش شبكة كويسة ومش هعرف اكلم حد
ادم بص عليها كدة كانت لابسة هوت شورت جينز وعليه ميني توب لونه روز فاتح قوي وعليهم بلورو رمادي فاتح بكم فضفاض وفيهم كم نازل ولابسة سلسلة وحاطة فيها النضارة بتاعتها وعاملة شعرها كحكة بس عشوائية ومنزلة خصل كدة كان شكلها تحفة
سام.......هو انا مش بتكلم دلوقتي
ادم.....طب روحي ادخلي عربيتك
سام......دة امر يعني
ادم......اعتبريه كدة
سام......طيب مش هتحرك
ادم راح شايلها وفتح باب العربية قعدها وقفل الباب وراح ركب عربيته وهي قاعدة تزعقله وهو ازاي يعمل كدة ركب عربيته وابتدا يرجع بيها لورا علشان هي تعدي وعدت وهو مشي ستوووووب(اعرفكوا بابطال القصة سام هي اصلا اسمها سامنثا اندرسون بس بيقولولها سام للتخفيف عمرها ٢٠ سنة مهندسة ديكور عمارة طول عمرها عايشة برة مصر عايشة ف امريكا لكن ليها مكاتب هندسة  ف اسبانيا وانجلترا والمانيا وامريكا برضوا مكانتش عايزة تنزل مصر لكن مايكل وسارة زنوا عليها مايكل وسارة اصلا اخوات واعز اصحاب سام كانهم اخوات سام طولها متوسط شعرها لغاية نص ضهرها لونه عسلي عنيها لونها ازرق لون صفاء السما وبشرتها بيضة وملامحها طفولية ملائكية خصوصا لما تتعصب او تفرح .......اما ادم المهدي بقي ف هو ظابط مخابرات بس عمليات خاصة يعني مهامه انه يحمي سفرة يطلع عمليات خاصة ليها علاقة بمخابرات البلد وغير كدة اسرار البلد كلها ف جيبه بيطلع ف مهمات مجنونة وخطيرة جدا اما شكله هو طويل وطبعا جيم وعضلات وكدة عيونه رمادي وشعره بني غامق عنده غمازات لما بيضحك او لما بيبتسم وشكله وسيم جدا جدا سنه ٢٧ سنة )
نرجع بقي سام راحت لسارة المستشفي اصل سارة دكتورة ف مستشفي عسكري تبع الشرطة وكدة عندها ٢٤ سنة بالمناسبة سارة درست الطب برة مصر ف خلصته بسرعة واخوها نفس مجال ادم بس ادم مقدم مايكل نقيب مايكل عنده ٢٥ سنة
سام دخلت الاستقبال سالت علي مكان سارة وطلعتلها
تك....تك....تك...
سارة......ادخل
سام.....اهلا
سارة.....ايه اهلا دي حساكي متضايقة
سام.......بلاش اتكلم احسن يا سارة بجد
تك......تك......تك.....
سارة.....اتفضل ادخل
سام......انت لالالا هو انت تاني لا اوعي بقي تقوليلي اصل دة مديري ف الشغل وجو الافلام البايخة دي
سارة......مديري ايه ياذكية انتي التانية دة سيادة المقدم ادم...اتفضل ياسيادة المقدم
ادم......تاني انتي
سارة......هو انتوا تعرفوا بعض
ادم وسارة ف نفس واحد........انا لا خالص
سارة......مهو واضح جدا
ادم......سارة فين الحالة اللي جت امبارح
سام.......مش بقولك مديرك
ادم.......اهدي شوية تعرفي تهدي
سام......لا
ادم.......خلاص خليكي ارغي مع نفسك
سام.....سارة انا ماشية رايحة لمايكل اوووووف علي دة يوم
سام طلعت وهي عملة تخبط ف الباب والمكتب وشايطة نار وادم مستغرب منها نفسه يروح يديها قلمين علي اللماضة دي بس هو مش بيمد ايده علي بنات
ادم.......مين البت دي
سارة.......دي سام
ادم......ايوة ايه سام دي يعني دكتورة جديدة هنا ولا ايه
سارة.......لا مش دكتورة خالص بس هي لسة نازلة مصر انهاردة دة اول يوم وهي مكنتش عايزة تنزل وانا اللي زنيت عليها
ادم......شكلها كدة هتترحل قريب
سام......مين دي اللي هتترحل قريب
ادم......ياالله الليلة دي يابت انتي عاملة زي عفريت العلبة ليه انتي مش كنتي ماشية معرفش رايحة فين
سام......ايوة بس نسيت موبايلي هنا قال تترحل قريب قال اهو انت
ادم......اللهم طولك ياروح
سام.....فعلا
سارة ....جري ايه فيه بقي ياجماعة خلاص
ادم......ايه انتي التانية عايزة ايه
سارة......لا مش عايزة حاجة بس حضرتك كنت عايز.....
ادم......اه اه يلا طيب علشان انا ممكن ارتكب جناية الليلة دي
سام.......لا والله تعالي اعملها تعالي انا ورايا ناس ع الاقل ورايا الكونجرس الامريكي و ورايا حكومة اسبانيا والمانيا وايطاليا وبريطانيا يعني اعملي فيا حاجة هتتعلق من قفاك
ادم خلاص صبره بينفذ من سام ومن كلامها وقرب منها بقي قدامها بشوية
ادم.......وانا يوم ما ارتكب جنايا هرتكب جنايا فيكي انتي هههههههههه ليه دة انتي لو حد قتلك مش هياخد فيكي دقيقتين حبس حتي
سام......ليه بقي انشاء الله
ادم.......علشان لسانك متبري منك وبعدين ممكن حد يقول انك جاسوسة مثلا لانك واضح انك مش بتحبي تنزلي مصر ف جيتي ليه غير لو انتي جاسوسة جاية لسبب معين او حاجة تاني بتستغلي الدول اللي وراكي وبتعملي جرايم بتدخلي مخدرات او سلاح او تاجرة اثار مثلا وساعتها الدول اللي بتقولي عليها دي هي اللي هتجيبك انتي من قفاكي ...يلا ياسارة
مشي ادم وسارة راحوا شافوا الحالة اللي ادم كان عايزها ( دة شاهد علي قضية وكان متصاب وجابو ادم عالجوا ف المستشفي ) وسام واقفة مكانها متنحة لبسها ميت قضية وهو واقف كدة وكلام بس اليوم عدي وكل واحد روح بيته وتاني يوم.......