الفصل الرابع عشر
سام فضلت تلف كتييير بالعربية لحد ماحست انها ابتدت تهدا ورجعت تاني ع المستشفي طلعت لمايكل الاوضة لقيت اصحابه موجودين وجايين يتطمنوا عليها ويهزروا معاه وسارة كانت برة وسام طلعت قعدت معاها
سام....بقولك هو الدكتور كتب ل مايكل علي خروج
سارة.....اه بس حتي لو خرج مش هينفع نروح وهو كدة
سام،.....انا عندي فكرة
سارة.....ايه هي
سام.....يجي عندي البيت
سارة.....صح بس احنا مش عايزين نضاي....
سام.....شششش ايييه اللي انتي بتقوليه دة انتي متخلفة ولا ايه دة علفكرة انا ومايكل زي الاخوات بالظبط ويمكن اكتر متقوليش كدة تاني ممكن
سارة.....اوك
سام....هو هيخرج امتي
سارة.....المفروض انهاردة بالليل
سام....اوك هعدي عليكوا بالعربية تمام
سارة....تمام
روحت سام بيتها وسارة قعدت شوية مع مايكل وجه معاد خروج مايكل وسام استنتهم عند باب المستشفي ونزلولها وركبوا العربية واتحركوا
مايكل.....ياجماعة احنا رايحين فين انا اديلي سنة بسال السؤال دة ومحدش معبرني اوعي نكون مروحين البيت ولا تكون ماما عرفت حاجة هتبقي ليلتك سودة انتي وهي
سام،....انت غبي يابني ولا شكلك كدة مني متعرفش حاجة طبعا
مايكل.....طب احنا رايحين فين
سام.....رايحين عندي انت هتقعد عندي لحد ماتخف اوك ومنغير ولا كلمة بقي تاني ولا انت ولا اختك لانكوا صدعتوني من رغيكم
ساد الصمت فترة طويلة لحد ماوصلت سام لبيتها منطقة هادية منعزلة نوعا ما وجهة البيت شكله اكتر من رائع لان سام اللي عاملاه من جوة ومن برة شكله خرافي كله علي بعضه ركنت سام العربية ف مكان معين وداست علي زرار ف مفاتيح العربية نزل العربية لتحت وقفلها الجراچ بتاعها ورجعت الارض بعدها طبيعية تاني دخلوا كلهم البيت سام وصلت مايكل.للاوضة اللي هيقعد فيها وسارة اتطمنت ومشيت مايكل ارتاح ونام وراحت سام تشوف شغلها بعدها بحوالي ٦ساعات
مايكل....سااام سااام
سام....ايوة يامايك عايز حاجة
مايكل.....انتي فين
سام.....جاية حالا
الباب بتاع الاوضة اللي هي بتشتغل فيها واخد شكل الحيطة يعني بمجرد خروج سام من الاوضة الاوضة اللي يبص عليها من برة هيشوفها حيطة ..سام راحت لمايكل (هي بتناديه مايك)
سام......ايوة يامايك عايز حاجة
مايك (مايكل).....انا زهقت وبعدين كنتي فين
سام.....كنت بعمل مشاريعي مالك بس زهقت من ايه
مايك....بقولك انا جعان تعالي نعمل اكل
سام....اوك تعالي
دخلوا المطبخ وسام بتحضر الاكل ومايك واقف معاها
مايك....مقولتيش
سام.....ايه
مايك....عملتي ايه اول ماشفتي البنت اللي كانت ف الشوال
سام.....بس متفكرنيش انا شفتها وحسيت اني جسمي كله اتشل مكنتش قادرة انطق ولا اعمل اي حاجة كان منظر وحش قوي دي مدبوحة بكل وحشية وياعالم عملوا فيها ايه تاني اكتر من كدة
مايك....ههههههههههههههههههههه
سام.....بتضحك علي ايه بس يااخي
مايك.....اصل اللي يشوفك وانتي عاملة ٧ رجالة فبعض ميشوفكيش الوقت وانتي عاملة زي الكتكوت المبلول
سام....يااا خفة بقولك انت مش مخنوق برضوا
مايك.....جداااا
سام.....استني ناكل ونطلع نتفسح انا وانت اوك
مايك.....اوك طبعا معاكي
عملت سام الاكل وخلصوا اكل وبعدها لبست ومايكل غير هدومه واتحركوا من البيت ف الاول لفوا شوية بالعربية بعد كدة استقروا وقعدوا ف مطعم شيك مايك فضل عند سام حوالي اسبوعين تقريبا لغاية لما خف تماما علشان ميعرفش امه حاجة وكل ما كانت امه بتسال عليه سارة كانت بتقولها انه مسافر تبع شغله كام يوم وهيخلصه ويجي وعدي الاسبوعين لغاية لما مايك خف خالص ولا كانه اتصاب ولا كان حاجة حصلت روح مايك البيت كانت الساعة عدت نص الليل امه نامت وسارة ف المستشفي نام شوية وجت الساعة ٦ الصبح سارة جت مايكل لما سمع الباب اتفتح طالع علشان يشوف اخته وهما واقفين بيتكلموا مع بعض مني صحيت وطلعت برة لقيت مايكل
مايكل.....ازيك يا امي
مني.....امك لسة فاكر ان لك ام اصلا يابيه
مايك....معلش والله ياامي انتي لو عرفتي ظروفي هتعذريني
مني بغضب شديد......ظروفك ههه اه ظروفك ظرفك اللي خلتك تبعد وتسافر اسبوعين منغير حس ولا خبر طب كلمني ف التليفون طمني قول ان فيه قفص جوافة ف البيت اقوله حتي
مايك....اهدي بس ياامي
مني.....اهدي اهدي ايه تقدر تفهمني كنت فين وبتعمل ايه هااا ولا انا خلاص راحت عليا اياك كبرت انت وبقي مليش كلمه عليك لا فوق دة انا اجيبك قدامي واكسرك نصين ومتفتحش بوقك وتتخرس مش علي اخر الزمن هتعملني كيس جوافة ف البيت وتمشي كلمتك ساعمني انشالله لو قلتلك ارمي نفسك ف البحر....
الكلام شد قوي بين مني ومايكل وهو مش عايز يقولها انو كان متصاب وهي مستمرة ف كلامها ليه باتهام شديد والكلام شد قوي قوي بينهم وسارة مش عارفة تعمل ايه ف اتصلت بسام
سام....الو
سارة....ايوة ياسام الحقيني
سام.....ايه فيه ايه
سارة.....مايكل رجع البيت وماما قاعدة تديله ف كلام زي السم ومتعصبة جدا وهو خلاص علي اخره انا خايفة هي يجرالها حاجة وخايفة مايكل يتعصب عليها ويعلي صوته
سام....اهدي اهدي انا جايالك
أنت تقرأ
#كبرياء_الحب
Romanceمتكبر ومغرور وعنيييييد جدا جدا مش بيهمه حد مؤمن بمقولة واحدة وقاعدة واحدة بس ف حياته وهي "قوانين وقواعد البشر لاتعني لي شيئا " شخص من الصعب التعامل معاه ومن الصعب فهمه ويكاد يكون مستحيل لحد ما هيدخل ف حياتة هيقلبهاله 180 درجة هتخليه يحس باحاسيس غريب...
