#كبرياء_الحب

chapter 26

الفصل السادس والعشرون
الناس قعدت تسقف تسقيف حار لادم وسام وسام واقفة ميته من الكسوف وبعدها نزلت من ع stage وراحت ع الترابيزة بتاعتها وادم نزل وراها وراح قعد جنبيها
ادم بابتسامه مستفزة......مالك
سام بغضب طفولي.....نعم انت كمان بتسال مالي انت بهدلت شكلي خالص انا برستيجي بقي ف الارض
ادم.....ليه
سام......انت بارد
ادم.....ميرسي
سام.....ايه دة
ادم.....اهدي بقي بقول ايه رايك نخرج بكرة
سام.....اشمعني يعني
ادم.....خلاص اوك هعدي عليكي ع الساعة ٦ تكوني جاهزة
سام.....علفكرة انا مقلتش اني هنزل معاك
ادم..،...اوك خلاص هعدي عليكي ع المعاد بالظبط
سام.....انت عايز تشلني
ادم.....ههههههه ليه بس بقولك مش عايزة تيجي تغيريلي ديكور الشقة
سام.....لا شكرا لسة متغيرين جديد اصلا كفاية لو سمحت بقي انا خلاص اكتفيت
ادم......انتي مالك بقي واحنا ع المسرح كنتي هتموتي وتفلتي مني ليه
سام......سؤال رخم مش هرد عليه
ادم......يعني عايزة تفهميني انه علشان الناس بس بعدين دة انتي كنتي عايشة ف امريكا يعني عادي جدا
سام......ايوة فاهمة بس انا كانت حياتي روتينية بس كانت شغل جيم شوية رياضات جديدة جماز هيب هوب ايروبكس كدة مكنتش فاضية بقي للحاجات دي كنت بس بحب تكوين الصداقات فقط لكن الحاجات دي مجربتهاش خالص
ادم.....انا بس افتكرت كلام سارة عمل معاكي مفعول
سام......لالالا كلام سارة ايه بس ..ااايه انت عرفت منين الكلام اللي سارة قالتهولي
ادم......هههههههههه سوري مضطر استاذن
سام......استني هنا
ادم ساب سام وطلع وهي كانت ماشية وراه عايزة تلحقه وهو ماشي برضوا وبيحاول يتعبها شوية فضلت ماشية علي اثره لحد ما لقيت نفسها ف المدخل برة القاعة وهو مش موجود وبتدور حواليها ومش لاقياه لغاية لما لقيت صوت من وراها
ادم.....بتدوري علي حد
سام.....هيييي ايه انت عفريت انت اللي سبتني ومشيت انت عرفت منين الكلام اللي قالتهولي سارة
ادم.....مخابرات بقي
سام.....عليا برضوا
ادم....،،ايوة مخابرات بقي
سام......طيب ماشي
ادم مسك ايديها
ادم.....رايحة فين
سام......مفيش بس زهقانة شوية
ادم......انتي مصدقة الكلام اللي قالتهولك
سام،.....ليه بتسال
ادم.....عادي فضول
سام.....لا هو مش فضول بس انت اكيد فيه صورة ف دماغك وانت عايز تكملها
ادم......تقريبا كدة
سام......مش هقولك دلوقتي
ادم......انتي فاكرة اني ممكن اقول اي حاجة مع اللي بتعمليه دة
سام.......لا انا مغصبتكش علشان تقولي عرفت الكلام ازاي وانا لما الاقي الوقت المناسب هقولك اوك ادم.....طيب
سام...اه صح علي فكرة فكرة الفرح والخطوبة فكرتك انت مش فكرة اكرم
ادم.....ليه بتقولي كدة
سام.....مخابرات بقي
ادم.....هههههههه لا بجد
سام....لان دة اسلوبك
ادم....يااه هو انا اسلوبي محدد كدة
سام......اه بس رد عليا بجد دي افكارك انت صح ولا لا
ادم.....صح دي افكاري
سام....طب ليه هو ميعملش كدة
ادم....حلو انه اهتم انه يعملها حاجة ودور ازاي يسعدها حتي لو مش افكاره كان ممكن ينفضلها جدا
سام....صدق صح عندك حق
سام وادم سابوا الفرح والناس وقعدوا يرغوا كتير ويدردشوا ويضحكوا وسارة كانت ملاحظة دة من بعيد هي كمان قضت وقت ممتع مع ياسر بادبه وزوقه ورجولته ومايكل طبعا قضي وقت جميل مع تمارا وندي كانت هتموت من الفرح علشان الفرح الخيالي اللي عملهولها اكرم دة وكانت مبسوطة بيه جدا زي الاطفال وخلص الفرح وكل واحد روح بيته بس سام كانت حاسة ان سارة بتبصلها بنظرات حادة وباردة ف نفس الوقت زي ماتكون بتقولها مش هتعدل معاكي غير لما تسيبك من ادم وتمسحيه من دماغك خالص بس طبعا سام عنيدة جدا ومبتعملش غير اللي هي مقتنعة بيه فقط ومش بيهمها راي حد طالما هي مقتنعة وجه تاني يوم بعد الفرح وادم عدي علي سام واخدها وراحوا مكان هادي ومعزول بيتاجر لشخصين بس المكان دة ف الصحرا برضوا بس كان مكان هادي ورومانسي جدا ومتزين وفيه شموع وكان شكله تحفة
سام......واااو ايه الجمال دة
ادم.....كل سنة وانتي طيبة
سام.....ايه بتقول ايه مش مركزة
ادم.....كل سنة وانتي طيبة
سام....بجد انا مش مصدقة انت افتكرت عيد ميلادي
ادم.....اشمعني انتي تفتكري عيد ميلادي وتعمليلي عيد ميلاد وانا لا ودي هديتي يارب تعجبك
سام عقدت حاجبها وبمكر.....تاني هديتك
ادم......هههههههههههه لا المرادي بجد وانشاء الله تعجبك
قعدوا مع بعض قعدة ظريفة .
ادم.....مش تفتحي الهدية
سام.....اوكيه ..وووااااااووو ايه الروعة دي
الهدية كانت عبارة عن خاتم سوليتير معمول علي شكل حرف الS ومعاه العقد بتاعه والحلق بحرف s برضوا كان شكلهم روعة ولونهم كان الاسود اللامع وفيه نقط بيضة لما بتيجي تحت الضؤ بتعمل شكل جميل كان شكلهم قمة الروعة
ادم.....دي حاجة بسيطة
سام......دي روعة بسيطة ايه بجد ميرسي دة كدة كتير قوي
قعدوا كملوا سهرتهم وبعدها ادم وصلها البيت وروح بقيت هي عاملة زي الي عقلها طار منها وهو كمان كان مبسوط بيتبسط لما يسمع صوتها لما يشوف ضحكتها لما يبص علي عنيها وفوق دة كله لما يلاقيها متضايقة ولا متغاظة بتبقي زي الاطفال بيبقي نفسه يطول ف رخامته معاها علشان يشوف الوش الطفولي دة ممكن يكون اعجاب فعلا ممكن يكون اتطور شوية بس ادم محصن مينفعش بس شكلها كدة اخترقت الحصون عدت فترة مش قليلة ومش كتيرة نفس الوتيرة بيتكلموا كتير بسبب ومنغير سبب بيقربوا لبعض اكتر سارة مش بتطيق تبص ف وش سام او ادم كل يوم بيزيد انبساطهم بانهم موجودين جنب بعض وفيوم سام حبت انها تجيب هدية لادم ف دخلت مكتبه بهدؤ وحطت الهدية وخرجت وبعدها بنص ساعة ادم دخل المكتب وطلع كان عامل زي المجنون وبيدور ف كل حتة ومش لاقي حاجة
ادم....،عم منصور (الفراش)
عم منصور.....نعم ياباشا
ادم.....فيه حد دخل المكتب دة غيرك وانت بتنضف
عم منصور.....مش فاكر والله يابني بس ليه بتسال
ادم....،فيه ورق ضايع مني ومش لاقيه حاول تفتكر انهاردة الصبح قبل مااجي
عم منصور.....الصبح قبل ماتيجي اااه اه فيه انسة جت ودخلت مكتب حضرتك وبعدها طلعت
ادم......انسة مين
عم منصور.....معرفش والله بس هي جت هنا كذا مرة مع مايكل باشا
ادم.....،سام خلاص روح انت ياعم منصور دلوقتي
عم منصور.....اوامرك ياباشا
ادم هيتجنن طب دخلت مكتبي تعمل ايه طب ليه دخلت وطلعت بسرعة ومقالتليش ليه لا طب انا هدور تاني لاكون ظالمها ابتدا فعلا ادم يدور تاني بس للاسف برضوا مش لاقي الورق اللي ضايع منه وراح اخد مفاتيح العربية والمكتب قفله بالمفتاح ونزل راح لسام البيت .....وصل البيت وخبط كذا مرة وخبط جامد واخيرا فتحت
سام.....معلش كنت نايمة تعالي اتفضل
ادم......سام انتي جيتي المكتب انهاردة الصبح
سام......اه ليه
ادم راح قرب منها ومسك دراعها جامد.....جيتي ليه عايزة ايه من المكتب انطقي اتكلمي جيتي ليه
سام......هو فيه ايه بالظبط انا عايزة افهم انت بتاعملني علي اني متهمة عندك فيه ايه
ادم.....ايه اللي دخلك مكتبي انهاردة الصبح كنتي بتعملي ايه انطقي
سام.....طب افهم انت ليه عاملي كدة
ادم.....انا فيه ورق ضايع مني
سام......وانت شاكك اني انا اللي اخدته تبقي مجنون بقي انهاردة كام ياادم
ادم......ليه
سام......رد ممكن ترد علي قد السؤال
ادم.....طب مش هرد
سام فكت ايده من دراعها وراحت ناحية الباب وفتحته
سام.....طب لما ترد وتتكلم معايا كويس تبقي تيجي تكلمني اتفضل زيارة عزيزة
ادم مشي من عندها وهو مغلول وهيموت من الغيظ بسببها وصل مكتبه بعدها بشوية امير صاحبه خبط عليه الباب
امير.....ايه ياعم كنت فين قاعد ادور عليك من الصبح
ادم....معلش ياامير اصلي فيه ورق هيطير برج من دماغي وانا مش لاقيه
امير....ورق ايه
ادم.....ورق قضية السلاج
امير.....مهو يابني
ادم....نعم هو معاك انت
امير.....اه انا مش قلتلك اني هاخده اطلع عليه بس انت كنت بتنام ساعتها وباينلك مسمعتنيش كويس اهو انا اطلعت عليه بالكامل وهبقي اقولك رايي ف التقرير
ادم......امير هو انهاردة كام
امير.....انهاردة ٣٠/٩ ليه
ادم.....٣٠/٩ هو فيه ايه انهاردة
امير.....مالك يابني فيه ايه
ادم.....ثواني بس كدة دة انهاردة عيد ميلاد غلوريا
امير......امك
ادم......ايوة
امير.....احم كل سنة وهي طيبة والبقية ف عمرك ياادم احم احم .. طب استاذن دلوقت
ادم.....ماشي ماشي ...ابتدا ادم يبص ف الاوضة كويس لقي هدية ملفوفة بشكل جميل فتحها لقي بورترية لامه رسمتهولها سام فلاش باك
سام......هو عيد ميلاد مامتك امتي.  
ادم..... ٣٠/٩ ليه
سام.....عادي مفيش صورة ليها
ادم....امممممم اهي ياستي صورة ليها
سام......واااو دي جميلة قوي ممكن احتفظ بيها
ادم.....اوك
باااك
ادم.....يخربيييت غبائي
ادم اخد مفاتيحه وجري علي شقة سام خبط كتير جدا ومحدش فتح لغاية لما ف الاخر خالص اتفتح الباب بس فتحه الروبوت بتاعها
ادم.....سام فين
الروبوت.....ف المطار
ادم.....ليه
الروبوت......هتسافر امريكا
ادم.....اوك شكرا
ركب ادم العربية تاني وعمل مكالمة تليفون وساق باقصي سرعة علشان يوصل المطار قبل ما سام تسافر