#كبرياء_الحب

chapter 11

الفصل الحادي عشر
سام....منغير تريقة بس هتعرف لكن ازاي دي بقي بتاعتي انا
ادم....طيب ماشي خلاص موافق وصدقي انا هتعمد اقلك علشان تبقي ف خطر ويمكن يجيوا يموتوكي وارتاح منك
ادم كان بيقول كدة علشان عايزها ترجع عن عنادها ف قال يمكن لو قلتلها كدة تخاف وتقول خلاص مش عايزة اعرف بس هي كانت عنيدة جدا جدا وهو اعند منها بس عنيد بطريقته الخاصة
سام....معلش لما يموتوني مش انت اللي هتشيل زنبي هما اللي هيشيلوه اتفضل قول
ادم....طيب دي قضية سلاح ومخدرات هتتعمل يوم الجمعة الساعة ٣ ونص بعد نص الليل
سام.....انت فاكرني عبيطة
ادم....ليه بقي
سام...عايز تفهمني ان هو دة كل الموضوع
ادم.....وايه الممكن اللي يكون باقي
سام....يعني مثلا لو افترضنا ان اللي بتقوله هو كل حاجة طب هتحط الجهاز دة ليه وانت قدامك الناس اصلا ماهتحط منظار
ادم....مش شغلك بقي اللي طلبتيه قلتهولك هو مش استجواب مكنش حتة جهاز ياشيخة
سام....اولا مش استجواب ثانيا دة شغلي ونص انت جاي ف المهم وتسكت ماتكمل اللي يخليك تقول نص العملية يخليك تقول النص التاني اللي انا محتاجاه
ادم....يعني ايه
سام....يعني اكيد فيه حاجة تاني هتتعمل وف نفس وقت العملية اللي انت فيها دي وانت مش هتكون موجود علشان تشوفها ف عايز تقسم نفسك نصين من غير ماحد يعرف وتعرف انت كل حاجة ف المكان التاني دة مش كدة
ادم.....براااافو اديكي رديتي علي نفسك
سام....طيب تمام تمام قوي الكلام دة هيبقي ف صحرا ولا عادي
ادم.....صحرا طبعا
سام...سؤال معلش تاني
ادم....الهم طولك ياروح
سام....معلش بقي هو هيبقي علي كام كيلو بالظبط
ادم بضيق صبر وهو بيعض علي اسنانه جامد....وانتي مالك ايش حشرك
سام.....طيب خلاص خلاص اسفة انا اسفة جدا  انا هعملهملك بس حاجة تانية
ادم....امممممممم
سام....تيجي الساعة ٨ بالليل انت ومايكل
ادم.....اشمعني
سام.....هتعرف كل حاجة بكرة
ادم.....طيب انا ماشي
مشي ادم وهي قعدت تفكر مع نفسها تبدا منين وازاي وفيه برضوا كذا حاجة هي مش عارفاها وقعدت تتكلم مع نفسها وتفكر لغاية لما جالها فكرة مجنونة وراحت لبست بسرعة وراحت ل سارة وركبت عربيتها وجريت وف خلال عشر دقايق كانت ف بيت سارة وبتخبط
تك...تك...تك...
مايكل....ايوة ساام..ازيك ايه الغيبة الطويلة دي اديلي فترة طويلة مشفتكيش
سام....معلش بقي اصلي ابتديت اشتغل ف التصميمات اللي جت ف المكتب ومش عارفة اخد نفسي حتي
مايكل....معلش ربنا معاكي ..تعالي ادخلي
سام.....اختك فين
مايكل.....قاعدة جوة ادخليلها
سام...اوك
تك...تك...تك...
سارة....ادخل
سام....سااارة
سارة....هااااا سام حبيبتي وحشاني
سام....وانتي كمان عاملة ايه
سارة....تمام وانتي
سام...تمام قوي
قعدوا يتكلموا مع بعض شوية ومن موضوع لموضوع لمدة نص ساعة وبعدها راحت سام استاذنت ومشيت روحت بيتها وفضلت قاعدة شوية كدة وراحت فاتحة الموب بتاعها وسمعت محادثة معينة ع الموب وراحت قافلاه وابتدت تشتغل ع الحاجات اللي عايزها ادم فضلت سارة شغاله علها من الساعة ١٢ الظهر ل ١٢ ونص بالليل ( دة يوم الخميس كل دة ) كانت خلاص تعبت وجابت اخرها اكلت حاجة بسيطة ودخلت نامت ..نامت ساعة وبعدها صحيت عملت قهوتها وشربت وواصلت تاني للشغل  ابتدت تشتغل اكتر وحاطة ايديها ف كذا حاجة لغاية لما دماغها خلاص هتشت فضلت ع الحال دة ونامت شوية بس المرادي فترة كافية شوية وبعدما صحيت واصلت شغل تاني لغاية لما جه المعاد المتفق عليه الساعة دقت ٨ ونص بالدقيقة سمعت الباب بيخبط عرفت انو اكيد ادم هو اللي بيجي ف مواعيده بالدقيقة فتحت الباب لقيته فعلا ادم ومعاه مايكل
سام....ازيك ياادم
مايكل....ومفيش ازيك يامايكل
سام....مانت لو تصبر شوية ازيك يامايكل
مايكل.....ازيك يامايكل كدة ع الناشف فين الحضن بتاعي
سام...تعالي ياخويا
حضنت سام مايكل وهما كل دة واقفين ع الباب وادم علي اخره كل دي تقديمات
سام....انتوا واقفين ليه ماتدخلوا عايزين عزومة
دخلوا كلهم
مايكل.....انتي جددتي الشقة
سام....عملت فيها شوية تصليحات
مايكل.....امممممم تصليحات
سام....علشان بس مانتاخرش تعالوا ندخل جوة علشان تشوفوا اللي اتعمل
مايكل.....هندخل فين
سام.....هنا تاني اوضة علي ايدك الشمال
مايكل.....اوك
دخل مايكل قدامهم وسام كانت ابتدت تمشي قدامه راح ماسكها من دراعها
سام....ااااااي ايه براحة شوية سيب دراعي لوسمحت
ادم.....انتي جايبة مايكل ليه
سام.....هتعرف حاضر
ادم وهو بيمسك دراعها بقوة اكتر.....ماشي
سام.....اااااه دراعي هيتكسر ف ايدك بقي اوعي
سابها ادم ومشيت سام وادم مشي وراها لانه مش عارف الاوضة اللي هيدخلولها ف هي هتوريله السكة
سام.....كنت متوقعة انك هتعمل كدة
مايكل.....اااه علشان كدة قفلتي الاوضة بpassword
سام......ااايوة بالظبط انا مش بحب حد يتطفل علي اوضي
ادم.....والله دة انتي
سام.....اه عندك مانع
ادم بسخرية.......ههههههههههه ابدا
فتحت سام الاوضة ودخلتهم وفتحت النور وظبطت النظام اللي هي عايزاه وداست علي كام زرار طلع الكراسي اللي هما هيقعدوا عليها وظبط الجو والاضواء
سام.....ماتتفضلوا بقي اقعدوا
راحت سام ناحية حاجة زي دولاب وبرضوا فيه زراير كتير داست علي كام زرار راح مطلع علبه كبيرة
مايكل.....ايه دة ياسام انتي هتجيبيلي هدية
سام.....هدية ايه يابني
راحت سام حطت العلبة قدامهم ع الترابيزة وفتحت العلبة وطلعت علبه تاني صغيرة الغطا بتاعها شفاف وفيها حاجات صغيرة قوي وطلعت حاجة تاني شبه العربيات اللي بتمشي بريموت كنترول ادم قاعد ساكت تمام مبيتكلمش نهائي كل الكلام مابين سام ومايكل بس وهو مش ناطق
مايكل.....هههههههههههههه ايه دة انتي جايبانا تلعبينا ياسام ولا ايه
سام.....العبكوا ايه بس ..مبدايا كدة ياادم انا عرفت كل حاجة عن العملية من اللي كنت عايزة اعرفه
ادم.....نعم عرفتي طب والله وديني ومااعبد ل.....
سام....ايه ايه اهدي بس استني هو مقليش حاجة
ادم وهو بيبص لمايكل......مقلكيش
مايكل...والله ماتكلمت ولا قلتلها حاجة ولا شفتها اديلي يومين اصلا
ادم.....والله
سام.....هو مقاليش حاجة انا عرفت
ادم بتريقة.....وعرفتي ازاي بقي يابروفيسورة ليكي حد ف المخابرات
سام.....لا بصراحة كدة ومن غير زعل يامايكل انا حطيت جهاز تصنت عندكوا ف البيت سمعت بيه كل حاجة عن العملية ممكن تفيدني او انا عايزة اعرفها
مايكل.....ناااااااعم حطيتي ايه وحطيتي فين دة انشاء الله
سام....اهدي كدة انا حطاه ف الخشب بتاع سرير اختك ارفع مرتبة السرير هتلاقيه ف وشك
مايكل.....طب اقول ايه
ادم.....تقول انك حمار وانتي هتقولي حاجة عدلة ولا ايه ظروفك
سام.....بصوا بقي نركز كدة مع بعض ف اللي هيحصل مايكل انت هتاخد العربية دي تحطها ف اي مكان ف الصحرا مكان مانت المفروض تقعد علشان تباشر العملية بتاعتك بس مش بعيد قوي يامايكل فاهم
مايكل....ودي مش ممكن تغرز ف الرمل وبعيد الدنيا هتبقي ضلمة هتصور ازاي
سام.....مايكل اكيد مش حاجة تافهة زي دي تفوتني الكاميرا بتصور من بعيد وف الضلمة وبجودة  full HD وبتصور علي مدي واسع جدا ومن بعيد وصوت وصورة واضحين كانهم قدامك
مايكل.....طيب تمام قوي بس برضوا مش هتغرز
سام...تغرز ازاي يابني اولا مش هتغرز لاني ممكن ارفعها من الرزار دة وفيه ف العجلات بتاعتها اسنان ف متخافش عمرها متغرز بعدين دي خفيفة جدا اصلا تغرز ازاي ..المهم انتوا هتجهزوا امتي
ادم.....ليه
سام.....علشان تاخدوني معاكوا