#كبرياء_الحب

chapter 17

الفصل السابع عشر
سام اتفاجات ان الناس بتسقفلها بحرارة شديدة وراحت طلعت ع stage واتصدمت باللي شافته
سام.....ااااادم انت بتعمل ايه هنا
ادم.....مفاجاة مش كدة
سام....مفاجاة منيلة بستين نيلة
وابتدت سام تمشي من قدامه وتنزل من ع ال stage لكن ليقيت ايد قوية مسكت ايديها لقيت ادم مسك ايديها وابتدا يرقص معاها علي اغنية هادية وجميلة وكان بيخليها تلف كتير وهو كان متعمد الموضوع دة جدا وسام كانت لابسة كعب وكانت خلاص بتدوخ ومش قادرة وادم مستمر ف انه بيخليها تلف كتير قوي لغاية لما سابها وهي كانت خلاص داخت قوي وكانت هتقع وهو راح مسكها من وسطها علشان ينهي الرقصة وقعت ف حضنه وهي مغمضة عنيها لانها داخت قوي وماسكة دماغها
ادم.....امسكي ف رقبتي علشان ننهي الرقصة
سام........
ادم.....سمعتي
سام.....لا مش همسك ف رقبتك
ادم....هسيبك
سام.....برضوا مش.....
سام لسة مكملتش الجملة وكان ادم فك ايده وهي راحت متشعلقة ف رقبته جامد وانهي الرقصة علي كدة والكل سقف كتيييير قوي واللي صفر لانها كانت رقصة حلوة قوي بصراحة وسام كانت لسة ماسكة دماغها ومش قادرة تتحرك كانت كل ماتتحرك تدوخ وتبقي هتقع راح ادم مسكها وشالها وهي لسة فحضنه وراح مرجعها الترابيزة تاني وقعدت
ادم.....سام انا عايز نتكلم
سام....اتفضل
ادم....لا نروح مكان هادي علشان نعرف نتكلم
سام.....لابلاش هادي لاننا لو رحنا مكان هادي هنعلي صوتنا وهيبقي شكلنا وحش قوي ف بلاش احسن
ادم اتنهد بقوة.....طيب ياسام اتفضلي قدامي
سام.....هو امر
ادم....اه امر امشي قدامي
سام.....ايوة بس....
ادم.....ساام امشي قدامي
سام خبطت بايدها ع الترابيزة واتنهدت بقوة وقامت طلعت برة المكان وكانت ف قمة غيظها
ادم....اتفضلي اركبي
سام.....لا انا هروح بعربيتي
ادم راح ماسك دراعها وفتح العربية وراح مدخلها ومقعدها وحطلها حزام الامان وهي غضبها وغيظها منه زااد جدا وهو لف الناحية التانية وقعد وشغل العربية وساق وكانت سواقته سريعة قوي
سام....ممكن تهدي شوية انا مش مستعدة اني اموت الوقت
ادم مش معبرها وزاد السرعة اكتر بيقت سام حاطة ايدها علي قلبها قالت لنفسها احنا لو وصلنا ومش عاملين حادثة دة يبقي ربنا عامل معاهم جميل كبير قوي وصلوا ل كوفي شوب هادي وراقي ولغاية ما وصلوا سام كانت حاطة ايدها علي قلبها من الخوف وصلوا ونزل ادم من العربية وهي نزلت وراه وراحوا قعدوا علي ترابيزة ف حتة بعيدة شوية عن الناس علشان يعرفوا يتكلموا وقعدوا وجالهم الجارسون
الجارسون.....تحبوا تشربوا ايه
ادم....هاتلي Death coffee وهاتلها اسبريسو
الجارسون.....تمام يافندم حاجة تانية
ادم.....لا شكرا اتفضل
(استووووووب ....ال Death coffee دي دي قهوة مركزة جدا جدا تركيزها 400% )
نرجع بقي
سام.....نعم
ادم....ممكن تهدي بقي شوية ونتكلم بهدوء
سام....ههههههههه هدوء ههههههههه لا بجد ضحكتني انت بعد اللي عملته دة انا المفروض اهدي انت بتتكلم ازاي يعني
ادم.....طيب ماشي اهدي برضوا
سام.....نعم هتتكلم ف ايه
ادم.....انتي مكبرة الموضوع قوي ليه
سام.....نعم مكبرة الموضوع قوي هههههههههه هو انت مش عارف انت عملت ايه ولا انت بتستعبط
ادم.....ههههههههههه لا وجالك اليوم اللي عرفتي اخيييرا تقولي فيه كلمة بتستعبط
سام ابتسمت غصب عنها لانه فكرها باول مقابلة بينهم لما قالها انتي بتستعبطي وهي معرفتش تقولها وقالتله بستبعط ومايكل مات من الضحك بسبب كلمتها وادم كان هيموت ويضحك بس للاسف لو ضحك برستيجه هيبقي ف الارض .....نرجع بقي تاني
سام....بس برضوا انت مش عارف انت عملت ايه
ادم ببرود ملحوظ.....لا مش عارف
سام.....انت بارد ليه كدة
ادم.....انا بارد الله يسامحك
سام بغيظ....ايوة انت اصلا مستفز وبتتعمد تضايقني جدا انت مسكتني زي ماكون حرامية ولا شتمتك ولا اتبليت عليك ف حاجة يقولوا ايه انا كبريائي اتهان وبرستيجي بقي ف الارض والله حرام عليك بجد
ادم....علفكرة انتي مزودة الموضوع قوي وبعدين لو انتي كنتي حرامية ولا اتبليتي عليا ف حاجة كان زمانك متساوية بالارض او تحتيها سامعة
جه الجارسون وحط المشروبات المطلوبة قدام كل واحد ومشي
سام.....انت بتهددني
ادم....تؤ تؤ تؤ تؤ انا مش بهددك انا بس بقول الحاجة الطبيعية مش اكتر
سام....والطبيعي ان اللي بيضايقك بتساوية بالارض
ادم.....يعني مش بالظبط بس لو زيك انا مش بس اساوية بالارض دة كان زمانه تحتيها ب الف متر وبعدين دة اللي زيك الارض ترحب بيه ومسيبهوش يطلع منها
سام.....انا عايزة افهم انت بتعاكس ولا بتهدد انت زي مابيقولوا بتحط السم في العسل
ادم.....حاجة زي كدة وبعدين انا اعاكسك انتي ليه الستات خلصت
سام.....ههههههههههه علي اساس انك ممكن تكون قابلت حد يشبهني حتي ولو من بعيد
ادم.....امممممممممم الستات كلها عينه واحدة
سام بتحدي.....تؤ تؤ تؤ خالص مش كلهم عينة واحدة نهائي
ادم.....اشمعني
سام.....اممممم متهيقلي انك لو تعرف الستات كويس هتجاوب ع السؤال دة بنفسك
ادم.....هههههههههه لا دة انا عارفهم وحافظهم حتة حتة
سام......احم احم قصدك ا.....
ادم الفون بتاعه رن
ادم شاور لسام....اشششششش
ادم.....الو
المتصل....ادم بيه فيه شوية حاجات كدة بخصوص الجثة واحنا محتاجينك ف المشرحة
ادم.....طيب انا جاي حالا مسافة السكة سلام.
المتصل....سلام
ادم قفل وشرب القهوة اللي باقية ف الفنجان بتاعة ومسك المفاتيح وعلبة السجاير والفون ف ايدة وقام
ادم.....يلا علشان اوصلك لعربيتك
سام.....هو ايه اللي حصل
ادم....مفيش ..... شغل
سام.....اممممم شغل ايه شغل ف المشرحة
ادم قرب منها شوية ......اول حاجة تدل ان الستات كلهم واحد بيحشروا نفسهم فاللي ملهمش فيه
سام....احم احم ماعلينا انت رايح مشرحة
ادم.....ااه / بتريقة....تحبي تيجي معايا
سام....اوك انا جاية
ادم بجدية......نعمممم تيجي فين انتي رايحة دريم بارك دة انتي رايحة مشرحة
سام....،لو سمحت بقي انت حكمت عليا اجي معاك ف مكان بعيد عن ال night اللي كنت فيه وماخدتش عربيتي ف  please اروح معاك
ادم.....طيب بس انا مش مسئول عن منظر الجثث اللي هتشوفيها اوك
سام.....اوك
ركبت سام معاه وادم تقريبا ساق بنفس السرعة المجنونة لغاية لما وصلوا المشرحة طلعوا الدور اللي فيه اللي كلم ادم ف الفون وكانوا خلاص قدام الاوضة وادم....
ادم.....لا لحد هنا وكفاية مش هتدخلي جوة
سام......بس
ادم،....مفيش بس
سام....طييب
سام استن برة شوية وبعدها اتسحبت ودخلت وراه بشويش لغاية لما وصلت الاوضة اللي ادم فيها وكانوا شايلين الملاية من علي وجه الجثة اللي هما يتكلموا عليها ويحللوا مواقف تبع القضية وسام دخلت كانت ورا ادم بحاجات بسيطة وشافت منظر مش هتنساه ف عمرها والمساعد اللي ادم كان بيكلمه لاحظ انها ورا ادم ف ابتدا يلفت نظره ان فيه حدة وراه
المساعد (مروان) بهمس....ادم بيه بص وراك
ادم...اايه مين
سام كانت ابتدت تدوخ ودماغها لفت ع الاخر ادم جه يبص وراه لقاها واقعة ع الارض
ادم....مروان روح انده الدكتور اشرف بسرعة
مروان.....حاضر يافندم
ادم شال سام وطلع بيها برة المشرحة كان نفسة يديها قلمين علشان دخلت وكسرت امره ولكن كان شكلها كفيل انه يمنعه وشها كان شاحب واصفر وعرق كتير نازل من وشها وايديها سقعت قوي دخلها ادم اوضة والدكتور اشرف ابتدا يكشف
د/اشرف....جالها هبوط حاد انا هعلقلها محلول وهي محتاجة شوية تغذية هي بتشرب قهوة
ادم....اه كتير
د/اشرف....لا لازم تخفها شوية
ادم....حاضر ياكتور شكرا تعبناك
د/اشرف.....لا ابدا مفيش اي تعب
طلع الدكتور من الاوضة وادم سحب كرسي وقعد قدامها كانت نايمة ع المخدة وشكلها عامل زي الملايكة وشها هادي وصافي بس باين عليه الارهاق والتعب الشديد كانها منامتش اديلها حوالي يومين او تلاتة وكمان اللي هي شافته مش سهل ابتدت سام تفوق لقيت ادم جنبيها
سام....اااه دماغي هو انا دماغي اتخبطت
ادم.....صدقي انا نفسي اكسرلك دماغك دي ونصين
سام.....ليه انا عملت ايه
ادم.....يعني مانتيش عارفة
سام.....اه علشان دخلت بقولك ايه انا اسفة جدا اوعدك انك بعد كدة لوقلتلي مش هدخل هحاول اعمل زي مابتقول
ادم ابتسم ابتسامة نصر ان اللي هي شافته دة رعبها وخوفها وخلاها تسمع كلامه كمان
ادم......احم دلوقتي عرفتي ان الله حق
سام.....بصراحة اه وبعدين انت ازاي كانت واقف قدامها وشايف المنظر دة يالهويييي
ادم....ياستي دي جريمة قتل عادية جدا
سام تنحت......هااااا عادية
ادم.....اه طبعا
سام.....واحدة وشها جلده متشال ومدبوحة رقبتها مفصوله عن جسمها وياعالم باقي جسمها ايه الي حصل فيه وتقولي عادية
ادم....طبعا عادية بالنسبة لانك تشوفي جريمة ان حد قاتل حد بابشع الطرق زي مثلا مقطعه حتت صغيره قوي مش بس كدة لا دة مش بيجي عن الاوردة علشان يخلي الضحية عايشة اطول فترة ممكنة ويستمتع بتعذيبها ويسمع الضحية وهي بتان ويسلخ الجلد عن اللحم ويقطع حدد صغيرة ويخلي العضم عن اللحم هيبقي ايه حالك
سام......ارجوك حراام جالي هبوط تاني
ادم ابتسم علي شكلها لانها فعلا كانت ابتدت تعرق كتير تاني واطرافها اتجمدت ووشها اصفر اكتر وهو عارف ان لو هي قامت من مكانها هتقع بدون مناقشة
ادم.....اهدي اهدي خلاص ملكيش دعوة بشغلي تاني
سام.....عنيا غالي والطلب ارخص من الرخص
ادم.....ههههههههههه
سام.....انا همشي امتي
ادم.....لو الدكتور شافك الوقت مش هيمشيكي بعد مليون سنة حتة
سام......لالالالالالا علشان خاطري انا عايزة امشي مبحبش قعدة المستشفيات انا مش بروحها اصلا غير لو خلاص باقيلي شوية صغيرين ع الموت غير كدة لا
ادم بابتسامة مستفزة........ياساتر ماعلينا الدكتور قال ان لما المحلول يخلص تقدري تمشي
سام.....يووووه بطل ابتسامتك المستفزة دي بقي
ادم.....انا ابتسامتي مستفزة
سام.....جدا علي فكرة
سام وهي قاعدة قالت بهمس لنفسها .........هو المحلول دة هيخلص امتي
ادم مسك ايديها وبص ف ساعته.....امممممم خمس دقايق ويخلص
سام باستغراب....وانت عرفت ازاي اني سالت السؤال دة
ادم،..