#كبرياء_الحب

chapter 8

الفصل الثامن
ادم ماسك سام ومش عارفة تفلت منه نهائي محكم قبضته عليها جامد جدا جدا وفك لها زرار الفستان وفتح السوستة بتاعته وهي بتتجنن مش عارفة تعمل ايه ولا عارفة تفلت منه هو قوته فين وقوتها فين ادم قرب من سام جدا مفيش ولا سنتي فراغ وشفايفه بتلمس شفايفها واول مالمس شفايفها وهو زي اللي فاق اتكهرب محدش عارف راح بعد عنها وهي راحت وقفت بثبات وابتدت تحاول تقفل الزرار وتقفل السوستة وبتتمالك نفسها واقفة قدامه ولا كان حاجة حصلت خالص ولا حتي نزلت دمعة واحدة ولا بان عليها الخوف بس اللي يحط ايده علي قلبها هيتخلع من مكانة ودورت ع الجزمة تاني وبتركيز ولقيتها لبست الجزمة بتاعتها و..
ادم.....استني اوصلك
سام ولا اكنها سمعته وراحت جريت فتحت باب الشقة ونزلت قالت يافكيك ادم ابتسم ابتسامة صفرا كدة بس اللي خلي ادم اصلا يفكر ف انه يعمل كدة عند سام معاه ان هي عنيدة جدا بس بعدها حس ان سام بتشده بكل مافيها بعيونها وشعرها شفايفها جسمها المتناسق كل حاجة ...وصلت سام بيتها وهي بتلقط نفسها بالعافية كانت هتموت خالص خلعت الجزمة وغيرت هدومها وحطت هومها ف الغسالة فورا الفستان كله اتملي من ريحة البرفان بتاع ادم (الغسالة اخدت 5 دقايق فقط لا غير غسلت فيها الفستان وبعديها اوتوماتيك عصرت الفستان ونشفته وكوته وطلعته متطبق يعني كل دة كان maximum 15 دقيقة ) وقعدت سام وكانت كل ماتفتكر اللي حصل قلبها يدق يدق يدق هيتخلع من مكانة فوقها الموب لما رن
سام بخضة.....الو
سارة...ازيك ياسام
سام...تمام تمام
سارة....مالك ياسام فيه ايه
سام....لا ابدا اصلي لسة صاحية م النوم
سارة....انتي لسة عند ادم
سام....لا طبعا انا ف البيت بس اصلي اول مافقت روحت ادم روحني ولما روحت نمت شوية ولسة صاحية دلوقتي
سارة....طيب انا كلمتك علشان العملية هتيجي ولا لسة تعبانة
سام....لالالالالا تعبانة ايه انا جايالك
سارة...طيب اوك مستنياكي
سام....يابت يابت
سارة...هااا
سام....انتي مش قلتي العملية الساعة 5 او 6 الساعة الوقت 3 العصر
سارة....مهو كان لازم تبقي بدري علشان بعد ماكشفنا وكدة
سام....اوك اوك هغير واجيلك
سارة....ماشي مستنياكي باي
سام....باي
قامت سام صاروخ وجريت اخدت دش سريع ولبست وجريت علي المستشفي وسالت الاستقبال علي الدور اللي فيه سارة وطلعتلها
سارة....ايه دة يخربيتك ايه جيتي امتي
سام....ههههههههههههه ها اخلصي هندخل امتي
سارة.....ايه مش ناسية حاجة المفروض تتعمل قبل دخول العملية
سام...امممممم اه التعقيم
سارة...ايوة صح هندخل نلبس ونتعقم الوقت ونطلع ندخل اوضة العمليات
سام...اوك.
سارة....مالك ياسام شكلك مجهد قوي
سام....طبيعي ياختي اغمي عليا وفوقت ونمت وقمت حتي مشربتش بؤ ماية لحد الوقتي ف طبيعي
سارة....يخربيتك لا متدخليش طيب لايغمي عليكي
سام...ملكيش دعوة بيا بس لما يغمي عليا يبقي ليكي الحق
سارة....يخربيتك عنيدة
سام....اه اه انا عنيدة
ودخلت سام وسارة ومعاهم دكتور تالتة صاحبة سارة واكبر منها سنا
وسارة كانت حاطة ايديها علي قلبها لتقع سام مغمي عليها منهم لكن اتفاجات ان سام كانت فايقة ومصحصحة جدا ومركزة ف كل حاجة بتتعمل وسارة ونورا (الدكتورة صاحبة سارة )كانوا مستغربين جدا من موقف سام العملية استمرت حوالي 3 ساعات وبعد كدة خلصوا وطلعوا برة
سارة...ايه ياسام دة انتي ايه دة قلبك جامد قوي
سام ابتسمت بس كانت بتقول لنفسها كنتي شوفيني شكلي عامل ازاي لما ادم كان بيقرب مني
وفجاة وهما واقفين وبيهزروا مع بعض ولقيوا نائبة المدير بتاع المستشفي جتلهم وسارة ونورا اتجمدوا مكانهم ومش عارفين يعملوا ايه
سارة....سام هنعمل ايه نائبة المدير هنتصرف ازاي الوقت
نورا....شكلنا مرفودين انهاردة
سام....ماتهدوا ياجماعة فيه ايه انا هتصرف بس بسرعة كدة قبل ماتيجوا اسمعوا الكلام اللي انا هقوله وتنفذوه بالحرف ماشي ......
وقالتلهم سام علي الكلام اللي المفروض يقولوه ونبهت عليهم ميظهروش اي ربكة او قلق وجتلهم النائبة تعتبر المديرة بس مؤقتا اسمها نرمين
نرمين....الحالة اللي جوة طلعت يانورا
نورا....ااايوة لسة مخلصين
نرمين....ايه مالك فيه اي...ومين دي
سارة....قصدك علي مين حضرتك
نرمين....علي الانسة اللي واقفة جنبك (وشاورت علي سام)
سارة...ااه دي البشمهند..ااااااقصد الدكتورة سامانثا
نرمين....يعني مين يعني
سام ابتدت تدخل حسب الخطة وتتكلم بالانجليزي
سام....who you are??!
نرمين....انتي اللي مين حضرتك
سام ابتدت تتكلملها بالايطالي وسارة بتترجم
نرمين....هي بتقول ايه
سارة....بتقول لحضرتك انها عضوة من جمعية كبيرة ف ايطاليا وعالمية بيبعتوا اعضاء معينة لكل دولة والدكتورة سام...اااقصد سامنثا وهي دخلت معانا غرفة العمليات علشان تشوف التعقيم والعملية والحاجات دي
نرمين...اممممممم طيب واتاكد ان حضرتك من الجمعية دي فعلا ازاي
سام....just one minute
عملت سام مكالمة تليفونية واتكلمت مع حد طبعا بالايطالي علشان محدش يفهم الكلام اللي بيتقال
سام....okey call her ....here you are
اخدت نرمين الموبايل واتكلمت كدة علي جنب بالانجليزي مع حد وبعد حوالي خمس دقايق رجعت ورجت التليفون ل سام تاني بس وهي فاردة وشها ومبتسمة ابتسامة رضا خفيفة
نرمين......Thank you dearly ,,mmmm What about our hospital??!
سام.....mmmmmm ,,not bad,,,I think it's okay
نرمين.....طيب انا همشي ياسارة بقي وخلوا بالكوا من الضيفة ماشي
سارة....عنيا
مشيت نرمين وراحت علي مكتبها وسارة ونورا قعدوا يضحكوا علي اللعبة اللي عملتها سام علي المديرة ودخلت عليها قوي
سارة.....الا قوليلي مين اللي كلمته نرمين دةولا دي
سام.....دة صاحبي اسمه جاك انا وهو بنتكلم ايطالي كويس اتفقت معاه بالايطالي يلعب دور مدير المؤسسة او الجمعية وانو هو اللي باعتني للمستشفي دي وطبعا هو اصله انجليزي ف كلما ودخلت علي المديرة بتاعتكوا ..احم احم اي خدعة
نورا.....يخربيتك دة انتي مالكيش حل
سام....ميرسي ..عن اذنكوا بقي اروح ارتاح وافطر لاني مااكلتش حاجة من امبارح وتعبانة جدااا
نورا....ياجبروتك يعني دخلتي اوضة العمليات وانتي مش واكلة وقدرتي تقفي علي رجلك يالهويييي امال دة انا فرفورة قوي بالنسبالك
سارة....انا اكيد ميتة بالنسبالك ...اه صح كنت هنسي تعالي اعملك كشف واشاعة علي منخيرك علشان اعرف النزيف ايه سببه
سام....ياستي سيبك
سارة.....ساام بجد ازعل معاكي يلا
نورا....ايه دة هي نزفت
سام....ايوة ياستي نزفت امبارح واغمي عليا ومااكلتش كمان
نورا....هاااار اسود 😱😱طب بس خلاص خلاص كفاية روحي يابنتي
سام...يلا ياست لما نشوف نهايته معاكي
دخلت سام مع سارة اوضة الكشف بتاعتها وابتدت تكشف عليها تشوف سبب النزيف
سارة....طيب دة الشعيرات الدموية عندك ملتهبة جامد جامد ممكن يكون بسبب تغيير المناخ
سام.....ممكن
سارة....انا مبهزرش علي فكرة امسكي الروشتة دي وهاتي الدواء دة وتاخديه ف المواعيد دي ومتستهبليش ف الدواء ياسام فاهمة ولا هتتعبي وتنزفي اكتر م الاول فاهمة
سام باستهتار شوية...اوك طيب هاتي
سارة...امسكي
وقامت سام علشان تمشي
سارة....سام
سام...هااا
سارة...متستهتريش باللي كتبته والتشخيص
سام ابتسمتلها وهي خارجة وقالتلها
سام...😘بااي
روحت سام البيت واترمت ع السرير ميته خالص و وهي لسة بتفكر انها تروح تاكل الموب بتاعها رن و.....