#كبرياء_الحب

chapter 28

الفصل الثامن والعشرون
محدش كسب فيهم سام وادم اتعادلوا وسام استغربت جدا لانها لما كانت بتحاول تعلمة اي حاجة مكنش بيرضي او كان بياخدها علي قد عقلها وخلاص وبيعمل معاها اي حاجة علشان تسكت ودلوقتي لما اتعادل معاها وهي صعب حد يتعادل معاها ف حاجة قضوا هما الاتنين اسبوع ولا اروع ولا اجمل ...وف الاسبوع دة قربوا لبعض اكتر وبقيوا جزء من حياة بعض
ادم لنفسه.....جري ايه ياادم ماتفوق لنفسك انت كدة بتجرب قصة حب يعني حياة غير الحياة هتقدر عليها طب لما تموت حرام عليك هي هتبقي شابة وصغيرة ايه زنبها تبقي ارملة بدري حرام عليك بلاش تظلمها سارة معاها حق اه بس انا كمان مش قادر ابعد عنها هي بشقاوتها وخفة دمها نورت حياتي وحلتها وخلتها متدلعة انا يعتبر مكنتش عايش قبل مااشوفها طب ولو اتجوزتها المشاكل اللي هتحصل بيننا العند وانا وهي العند فينا فظيع طب لما اتعصب عليها وانا بفقد اعصابي لما بتعصب وهي مش بتحب يدايقها طب ايه الحل الحل انك لازم او ماتنزلوا مصر تخليها تكرهك وتبعدها عنك حتي علشان متجرحهاش بس لازم احل ليها موضوعها الاول لازم
تك...تك....تك...
ادم.....ادخل
سام......ايه يعني قاعد دة كله ف الاوضة مش هتخرج براها ولا ايه
ادم.....ها لا ا تعالي ياسام اقعدي
سام.....ايه مالك فيه ايه اديني قعدت نعم
ادم....،بقولك ايه انا شاكك ف حاجة
سام،....ايه
ادم......انتي متاكدة ان الي كان عايش معاكي دة ابوكي
سام.....ايه السؤال دة
ادم......يعني طب هفهمك الشركة بتاعت ابوكي وقعت ف سنة اللي ابوكي تعب فيها وعلي حسب مااتقال انه سافر يكمل علاجه برة بعد كدة رجع وكانت صحته كويسة ومكنش باين عليه التعب طب ليه الشركة مقامتش تاني
سام......انت عايز توصل لايه
ادم......سام اللي كان عايش معاكي ف بيت واحد دة مش ابوكي
سام،.....انت بتقول ايه انت اتجننت ولا ايه
ادم.....دي المستندات اللي تثبت كلامي انا عملت تحريات بس حكاية الورق اللي كان ضايع دي مخلتنيش احكيلك انا عملت تحريات وبعت ناس تعرف واللي ف دماغي طلع صح اللي كان معاكي دة كانوا بينادوه بايه
سام.....ماكس بس مهو اختصار ل ماكسويل
ادم.....ايوة ماشي بس دة كان اسمه ماكس مونجمري مش ماكسويل اندرسون وبعدين الكلام اللي قالوه الناس وتفريغ الكاميرات القديمة خالص بتاعت القصر بتقول ان مع التعب اللي ابوكي تعبه مات وماكس دة كان صاحبه
سام.....انا مش فاهمة حاجة
ادم.....هفهمك بعد ما ماكسويل تعب التعب دة كان اخرته موت ابوكي مات بس كان ليه اعز اصحابه ماكس ..ماكس اتجوز امك لانها مكانتش عارفة تمشي الشركة وكمان علشان يكون ليكي بمثابة اب علشان متتعقديش انك معندكيش اب وكانوا مفهمين الناس اللي حواليكي انهم يعرفوكي انه ابوكي وهموكي يعني واتفقوا مع الشغالين وموظفين الشركة واتفقوا انهم هيستمروا ف الكدبة دي لحد ما تكبري وتبقي مسئولة عن نفسك وبعد كدا هيفهموكي لكن القدر بقي
سام......يعني دة مش ابويا يعني افرح ان اللي كان عايز يتعدي عليا مش ابويا ولا ازعل اني كرهته طول عمري اعمل ايه بس انا تعبت ياربي
ادم.....خلاص بقي متزعليش واديكي عرفتي كل الحقيقة
سام.....ازاي بس
ادم.....ياست...
ترن....ترن....ترن...
ادم....ثواني ..الو ..ايه بتقول ايه طب انا جايلك حالا بس اديني العنوان اه اه عارفه انا جايلك حالا
سام.....ايه فيه ايه
ادم......فيه مصيبة السفير المصري اتخطف
سام.....ايه اتخطف طب وانت هتعمل ايه واتخطف منين
ادم......السفير المصري اللي هنا اتخطف هنا
سام......طب وهتعمل ايه دلوقتي
ادم......هعمل ايه ف ايه هروح لواحد تبعنا هنا هروحله علشان نتصرف ف اللي احنا فيه
سام.....طب اجي معاك
ادم.....ايه هو لا طبعا مستحيل خليكي هنا
سام......ليه
ادم......لا مش هتطمن عليكي لما تيجي معايا ممكن تتاذي
سام......طيب بس ابقي طمني عليك
ادم.....خايفة عليا
سام خبطته ف صدره......دة وقته جنتلة روح يلا
ادم.....اوك بس افتكري انك خايفة عليا
ادم سابها ومشي علشان يشوف حل للمصيبة دي ..الي خطف السفير منظمة مافيا عالمية
(حوار مترجم )
مارك....هو ايه ادم دة دة مش بشري ابدا ايه الة
داستن.....شكله كدة دة مبيتعبش ابدا ومعندوش نقطة ضعف ايه دة
مارتن.....مفيش شخص ف العالم معندوش نقطة ضعف كل انسان لازم يكون ليه نقاط قوة ونقاط ضعف
داستن......وايه هي نقطة ضعف ادم
مارتن......دي
مارك.....ايه دة انا علي حد علمي ادم ملهوش ف العلاقات النسائية
مارتن.....اه بس دي بقي غير اي حد دي اللي قلبت حياة ادم خلت حياتة جنه بس قريب هتبقي جحيم وبسببها برضوا
مارك.....ناوي علي اللي ف دماغي
مارتن......عيبك انك فاهمني ياباشا
مارك.....هههههههههههه داستن تاخد معاك تلاتة من الرجالة وتروحوا تجيبوهالي هنا عايزين نعمل عليها حفلة ختام
داستن......ايوة بس احنا معانا السفير هنحتاجها ف ايه
مارتن.....ياغبي افهم ادم اكيد مش هيسكت علي خطف السفير لانه اكفا ظابط مخابرات وهيرجعه ف احنا نسيبه يرجعه بسهولة لازم نكسره وناخد منه السفير ومش بعيد هو يستقيل من شغله وطبعا دة مكسب كبير لينا لانه هيبقي عصفورين بحجر
داستن......ازاي عصفورين بحجر
مارتن.....معني استقالة ادم وانه كمان ف المخابرات ف دي كبيرة وغير كدة محدش بيستقيل من المخابرات وبيقعد يوم واحد علي وش الدنيا لازم بيتصفي
داستن......ياولاد الاية دماغكوا ايه شياطين
مارك.....ههههههههه نفذ
داستن......عنيا
تك.....تك....تك....
سام......ايوة
داستن.....حضرتك الاستاذة سام
سام.....اها انت مين
داستن راح ماسك المسدس وخبطها علي راسها من ورا بسرعة وقعت مغمي عليها شالوها واخدوها
ادم.....اوك كويس جدا انتوا عرفتوا هتدخلوا من انهي زاوية
جاك.....تمام
علفكرة جاك ، اليك ، بوب ، سايمون دول ظباط زمايل ادم برضوا برة مقرهم برة مش ف مصر
الخطة ابتدت تتنفذ زي ماادم كان عايزها ودخلوا واخدوا السفير بكل هدؤ وكان مستغرب من البرود التام اللي العصابة فيه ومفيش تدخل منهم نهائي لحد دلوقتي وهو ابتدا يقلق لغاية لما وهما خلاص عند ممر الخروج ضرب النار اشتغل ادم جري مع السفير علشان يحميه من الرصاص وادم طلع مسدسه وابتدا يضرب
مارك.....هاللو سنيور ادم
ادم.....الله دة انا شهرتي ولصتلك كمان يامارك
مارك.....طبعا دة وصلت لابعد من كدة كمان يانجم المهم ايه مش عايز تبصلي وتشوف زوقي ف الستات بقي عامل ازاي
ادم....ميهمنيش
مارك.....طب القي نظرة يمكن يهمك المرادي
ادم بيبص ومش مصدق عنيه لا هي لا مش هي مستحيل مستحيل سام تتدخل ف اللعبة دي .دة شغله هو هي ملهاش دعوة لا مستحيل طب ليه كدة حراااام ادم شافها كانت متربطة ومضروبة ومتبهدلة وملامحها مش باينة قوي
ادم.....سااااام
مارك......بالظبط لو عايز الامورة بتاعتك تعيش يبقي تديني السفير وبهدؤ احسن من الدم ولا ايه احسن ليا وليك ولسيادة السفير وللامورة
ادم راح اتفق مع زمايله علي خطة
ادم.....موافق بس بشرط
مارك.....تؤ تؤ تؤ انت عارفني مبحبش الشروط
ادم......شرط بسيط سلم واستلم يعني سام والسفير يمشوا قدام بعض هي تجيلي والسفير يجيلك
مارك......موافق
ادم.....كدة حلو
وفعلا الخطة ابتدت وسام مشيت ناحية ادم والسفير مشي ناحية مارك وهما ف نص المسافة مارتن راح وجه مسدسه ناحية سام وضرب عليها نار واحدة ف دماغها من ورا وواحدة ف ضهرها وف نفس الوقت واحد من الظباط جري ناحية السفير من الجنب واخده وطلعوا بيه برة وضرب النار ابتدا يشتغل تاني وادم واقف متنح ومصدوم معقول خلاص كل شئ انتهي معقول هو حتي مش قادر يشيل اللزق من علي بقها طب هو انا ف حلم اضرب نفسي يمكن افوق