من تحت الركام

البارت الاول

مساء الورد

#من_تحت_الركام

البارت 1

بقلم ازهار ذابله ..

افنان اشبيج غني اشويه حبابه ...
ــ اششش فطوم والله صوتي رايح ..
حبابه فدووه ..
ـ لو تموتين مااغني عوفيني بحالي شنو
قصتج اليوم شنو اغني ولج تسمعنا ست شذﻯ
انروح بيها ..
ـ لج افنينه احنا بسفره وراجعين خلي نتونس
ـ لا تونس ولا جزائر غناء لا اغني مااغني مقدرش بزاف تعبانه ...
ـ ع كيفك سعد المجرد ..هه
ـ هع منو هذا سعد المجرد مااعرفه ..
ـ شبيج هذا الي قلدوا اغنيته مال جهالي يا جهالي اياد راضي والا حسين تذكرينها بهذا رمضان طلعت ...
ـ خاب ثول اي والله ثول خو كولي الي يغني انت معلم’ ..
ـ هو هذا شبيج دا اطلعج من المود ..يلا غنيلنا جهالي يا جهالي ..
ـ فاطمه والله ضايجه واليوم تعبت وتعرفين امي مقبلت اطلع هاي السفره بس اتوسلت بـ بابا وقبل وهسه گلبي يوجعني اريد ارجع اعتذر منها ...
ـ اوك افتهمنا عيني افتهمنا ..

ظلينا بالباص راجعين من السندباد والساعه اربعه العصر واني تعبت وندمت لان عاندت امي وطلعت سفره هي اتخاف عليه واني هم شابه واريد اتونس بس هاي السنه والوراها سادس وعلمي يعني انسمط سمط بعد حته زيارات للاقارب ماكو اخ يالاقارب وخاصتن بيت خالتوا ام مهدي ... اذا مارحتلهم ماكو الاوو تو مالتي ..
ولو هو ميعرف عن هوا داري بس اني واكعه بي ولازكتله لزكه لو مهدي لو ماكو ...

وصلنا لـ سيطرت منطقتنا وجان الشارع مسدود وسيارات الاسعاف ادوي والناس مخبوصه ..

سٲلنا شكو محد يجاوب. .  بس المدرسات يخابرن وانخبصن وبيناتهن يساسرن واحنا مثل الاطرش بالزفه منعرف شكو شنو صار محد يجاوب ...

ـ فطووم شكو ..?
ـ ولج افنين علمي علمج بس خلي اشمر اذاني عليهم واجيج ..

راحت فطومه تسمع ع المديره والمدرسات هاي شغلتها ...
رجعت بسرعه و وجهه مخطوف ..
ـ ولج يكولون واكع صاروخ ع المدرسه خرررب هذا كله من دعائي استجاب ربي دعائي اني اعرف اني علويه ربي يستجيبلي الحمد لله .. انوب ادعيلكم بفلوس هااا اتفقنا ..
ـ ولج صدك تحجين. ..!
ـ اي والله هيج سمعت ..
ـ والبيوت الي يم المدرسه شصار بيهم ..
ــ هاا اوكفي افنان لا تخافين اني اسفه يجوز سمعت غلط هو صاروخ واكع هذول مكدسين اسلحه ومااعرف مفجورات ماادري الطياره قاصفتهم والصاروخ واكع بمنطقتنا قريب ع المدرسه يعني هم....
ـ هم شنوو كملي ..!
ـ هم اكو ناس ... يعني يكولون اكو بيت رايح هو والي بي ..
ـ يارب سترك يارب سترك ولج گلبي وگع والله صاير شي لـ اهلي. ..
ـ ثول عوبه لا تحلفين ...

سمحوا للسيارة اتفوت بعد ربع ساعه وكل اشويه فطوم ام العلوم اتجيبلي خبر شكل بس الاكيد المدرسه راحت اتفلشت واحنا بيتنا كلش قريب ع المدرسه لان مدرستنا اعدادية بنات وصايره وسط البيوت واخ يا خوفي اهلي بالبيت ويتٲذون ...