من تحت الركام

البارت التاسع

مسائووو

#من_تحت_الركام

البارت التاسع
بقلم ازهار ذابله
زهراء العبودي ..

بالمحطه شافني مراد وجان راجع من الشغل وهم يفول ..
وجبرني اروح وياه ابات وباجر ارجع واني فعلا محتاج ارتاح بس مااريد اواجه افنان ..

وصلنا البيت ودخل مراد واني اتبعه ومااريد اشوف لا خالتي ولا افنان ...
رحت لغرفتي واخذت دوش وعندي ملابس بدلت وظليت بالغرفه حابس نفسي ..

افنان ....
عرفت سلوان موجود بالبيت واني جنت جوه بالمطبح اساعد نعوم بس هو فات علينا ومشافنه جان تعبان وضايج ... نعيمه تخزرني وابد متحجي وياي ...
دخل عمي سلمت عليه وصار العشه ونعوم راحت اتصيح سلوان بس رجعت ضايجه لان   جان نايم ..
اني مااعرف بس فتره طويله واني احس بتعب وگلبي يخفق بسرعه وصداع مااعرف السبب ..
زاد الم راسي وبعد مااگدر اتحرك واني كاعده اگبال عمي وبديت افرك راسي بٲيدي بقوه بس حته ارتاح من الالم ..

مراد : شبيج بابا تعبانه مصدعه?
افنان: عموو صداع قوي..
نعيمه :من الدياحه اليوم يلا رجعت وجانت يم ابن خالتها مخلصتها ركص ولعب و ... مااحجي احسن خليها ع الله ..
مراد : كافي شنو هذا الحجي .. يلا بابا البسي شي خلي اخذج اشوف ليش راسج يوجعج ..
افنان :لا عمو هسه اخذ بندول وانام يجوز من السفر ..

گدرت اقنع عمي بسلامتي واني متٲذيه بس هو راجع تعبان وانوب يبتلي بيه انام وارتاح ..
صعدت انام وگفتني نعيمه بصيحتها وراي ...

ــ اوكفي ولج شسويتي بسلوان ..?
التفتت بسرعه واشوفها لازمه المحجر ومخليه رجلها ع اول بايه واتباوعلي من جوه ابصراحه خفت منها يارب اني عفت شباب العراق كلهم ماحبيت غير ابن اخت هاي الغوله استغفر الله ..

ــ عمتي ممسويه شي ولا اريد منكم شي وفهمت ام سلوان بهذا الكلام وحته اهنا بعد مااظل بس ترجع خالتي ارجع يمها لان اعرف هذا بيت سلوان الثاني يعني اظل اشوفه كل يوم وهو يشوفني وما راح انساه ولا ينساني.

ــ اي اتسوين فضل واذا اسمع بيج متقربه منه افضحج ..
ــ هههههه اتفضحيني!  ليش شنو عندي شنو ظامه عليكم وليش هاي التهديدات ?
ــ يلا خلصيني انتي اتعرفين شنو مغبره لو نسيتي قصة بنات خالتج وسوالفج ويه الشباب وحبج لمهدي ابن خالتج وغيرهم ..
ــ اي اذا هيج تمام افضحيني ابراحتج بس الله يعلم ماكو شي صح واني ممسويه شي ..

تركتها وصعدت بس روحي طالعه وكرهت نفسي وين اروح شيردون مني ليش هذا كله اني بشنو مضوجتهم سلوان عوفي عفته خالتي اتريد مني شي اسوي وبدون اعتراض ليش خلتني بحلگ هاي وفضحتني واني ممسويه شي
ليش حته سلوان هم نفسهم وحاله من حالهم وهم عافهم كلهم ورجع زعل مني بدل مايفتهم منهم ...