من تحت الركام

البارت الرابع

مسائووو 😍

#من_تحت_الركام
البارت الرابع

بقلم ازهار ذابله
زهراء العبودي ..

بس نزلت انصدمت بسلوان گدامي خرررب هذا شجابه ...
ظليت صافنه وحايره ارجع لو اكمل واني بدون حجاب وشعري يطاير ع وجهي اتذكرت المسلسلات الهنديه ..
جان بيدي الموبايل وبقيت نفس وضعي وهو هم مشال عينه ولا حته رمش ...

سلوان ....
جنت ناسي ملف ورجعت اخذه
وانصدمت بنزلت افنان خطيه ماخذه راحتها
وعبالها محد موجود ظليت صافن بوجهه وعيونها
وشعرها نازل ع صفحه وشكد حلو ..
بس قاطع هذا منظر صوت موبايلها المزعج ..

افنان ...
دك الموبايل بالوقت المناسب بدون مااعرف منو فتحت خط ورجعت لغرفتي ..

ــ الوو.
ــ هلا فطووم شخبارج ..
ــ الحمد لله وينج يل نحيسه ماتسٲلين لا تگولين ..
ــ ولج عوبه البارحه اني وياج هذا العتب مال واحد صارله سنه مشايف صديقه. ..
ـ اي حقج ممشتاقه بس اني اشتاقيت ..
ــ عوفج من هذا كله شنو شعندج من اخبار داكه عليه ..
ــ امم هو صح عندي اخبار بس مو مال موبايل لازم اشوفج ..
ـ وين اتشوفيني اني البارحه العصر وصلت بيت عمي اليوم اگله وديني بيت خاله وبعدين صارت مشكله مااروحلهم بعد ..
ــ هااا يعني عرفتي الي صار?
ـ شنو الي صار وانتي شلون عرفتي?
ــ افنان مهدي ..  يعني مهدي يتواصل وياي بس والله مو قصدي اخون صداقتنا واني كتلج لازم اشوفج حته اشرحلج كل شي. 

افنان ...
سديت الخط بسرعه الخبر جان صادم صح متوقعه وشاكه بس يختلف من واحد يجي ويگلك هيج احس روحي طلعت “خسرت اختي وصديقتي بسبب مهدي بعمره ماحبني ولا حس بلي احس بي واني خلصت عمري احبه واعشقه واخاف عليه من الهوا“ هسه عاف بنات خلق الله كلهن ماحب غير اختي ولك مااگدر بدونها بس هي ظلت الي .
قررت اكبر عقلي واحاول اتفهم الحب مو اجبار
ولا غصب هو ميحبني واتذكر هي من شافته عجبها وهو هم عاجبته خليهم يتهنون ببعض اني بعد مااهتم والله الغني الله يعوضني بدراستي وان شاء الله اتفوق واجيب المعدل الي يدخلني طبيه ..
رجعت خابرتها ..
ــ الوو فطوم حبي لا تهتمين مبروك عليج بس ديري بالج منه ابن خالتي ملعب واخواته اخلاقهم سز واذا متصيرين وياهن يذبن مصيبه براسج والله يوفقكم ..
ــ افنان شنو هذا الحجي انتي اتخوفيني هيج والله يا افنان مجان قصدي اخون صداقتنا بس هو ظل يلح وتذكرين من شفنا يم المدرسه واني انهزمت لان هو جان قبلها موصلني للبيت ويشمر حجي وجبرني اخذ رقمه ردت بس اتخلص منه وماگدرت اجرحج واگلج هو يحبني مايحبج خفت ..
ــ اني الي عليه سويته هذا مثل ميگولون رد جميل للاخوه الي بينا وانتي حره يحبج يكرهج مشكلتكم تجازون لا دخليني ... ولمعلوماتج علاقتي بي اختربت قبل لا اعرف بعلاقتج بي وانتهى كل شي والسلام ...
ــ الله يعوضج بالاحسن منه ..
ـ وانتي?
ــ واني شنو افنان اذا تردين اعوفه لخاطرج والله ..
ــ لا تعوفينه بس خلي يخطبج لا يضحك عليج ويعوفج ..
ــ امم هو اني ليش حجيت وياج هو يريد يخطبني بس اني متردده وخايفه شلون دراستي واتزوج?
ــ الف مبروك حبي اني استٲذن يصحوني ع الغده ..