من تحت الركام

البارت الثاني

مساء الورد ..
ملاحظه النشر يومي كل يوم بارت ..

#من_تحت_الركام

البارت الثاني ..

بقلم ازهار ذابله.

سويت نفسي اريد اكعد وهمهمت بصوت مال واحد بدٲ يصحصح من نومه .
هنه دارن وجهن بـ اتجاهي بنفس اللحظه ونفس الحركه ... بصراحه گلبي فز من مكانه مدري ليش خفت منهن ..

ــ سلر :صحي النوم دبدوبه ..
ــ سالي : ولج لا تزعل عيب هيج تحجين ..
ـ افنان: لا حبي ماازعل بس جنت تعبانه وفزيت لان جوعانه ..
ــ سلر : حبي مهدي جاب النا بيتزا وماما خلتلج قطعه بالفرن واكو بيبسي هم بالثلاجه وتعالي احنا خلي انسولف ..
ـ افنان : هاا اوك ..

لبست غير ملابس لان اخاف ابو مهدي موجود او مهدي واني بيتهم لازم احترم نفسي ولفيت راسي بشال ونزلت اتسحب حته لا اسبب الهم ازعاج ...
فتت للمطبخ وشغلت الفرن حته احمي الاكل
واخذت العصير من الثلاجه لان البيبسي يسمن واني معايزه سمن ...
وصعدت يم البنات ..

اني گاعده ع الارض وهنه مخليات اللابتوب مقابيلهن ويلعبن ومددات ع الجربايه ويسولفن وياي ... اسٲلتهن متخلص وبثواني لكيتهن ماخذات اللابتوب مالتي ومنزلات بي تطبيقات ..

افنان :سالي هذا مو جهازي ..?
سلر : اووش اي دا اتنزلج بي تطبيقات تواصل اجتماعي حته تقظين وقت بيهم بدل الاكل والنوم والدراسه الي ماوراها شي ..
سالي: بس ثواني سويتلج حساب فيس سميتج فونه المجنونه .. وحسابات اخرى بعدين اتعرفينهن ... والدراسه متخلص الا تخلص عمرنا اتونسي حمبي ..
افنان: هااا شنو هاي منو كلكم اني مااريد هاي السوالف ..
سلر : ماادري ابراحتج احنا كملنا وانتي بس جربي مخسرانه شي ...

اني جانت البيتزا بحلكي وعيوني مفتوحه بوسعهم ع تصرفاتهم بس عجبني اجرب قنعوني
كملت اكل بسرعه بصراحه ماشبعت البيتزا طيبه وهمه مخليلي بس قطعتين اني اكل وحده كامله وحدي بس يلا مو مهم سديت اشويه جوعتي ..
اخذت الجهاز و اول مفتحت الصفحه اجاني طلب من سلر وسالي وافقت عليه ..
وبديت اتصفح وابحوش بـ اصدقائهن .. شفت حساب مهدي ودخلت ع صفحته اشوف شنو ناشر بس ماكدرت لان مخليها خاص بس الاصدقاء يشوفون منشوراته ... بس شفت صورته الشخصيه الي مخليها وشفت التعليقات
اكو بنات مااعرفهم معلقات اله وكلهم مدري شلونهم اووووف اشو ضجت ...
سديت النت وكعدت ضايجه ..
وهذني نامن وظليت وحدي
حرت شسوي وين اروح ويامن احجي ماعندي احد احجي وياه بس فطوم نحجي ع الفايبر لان هي واني ماعدنا بس فايبر ..
شفتها متصله دزيتلها وحجيتلها عن الي ضوجني ودزيتلها صور مهدي والتعليقات ..
اشو هاي شافتهم وبعد ماردت راحت ...

اني من اضوج اگعد اقرٲ لزمت الكتب وبديت ادرس منا لحد ما نمت بدون مااحس بروحي

بدٲت الامتحانات واني غارگه بالدراسه وهم فاطمه متنطي مجال اهوايه تلح وتسٲل اني وين وهي وين ...
شكد اتحب تعرف عن الناس من فاتت لبيت خالتي لحد هذا اليوم وهي تسٲل عليهم واحد واحد شنو يشتغلون شنو يدرسون واتريد تقرير مفصل عن مهدي واني مالي خلك فضولها ..