من تحت الركام

البارت الخامس

مسائوو

بنات فدووه اريدكم اتسولي متابعه نكز اي شي بس اخلص من الابلاغات والله بلكوه دخلت فيس ..
مااعرف ليش يبلغون من انشر قصه يضوجوني اذا اتگدرون اكون ممنونه منكم 😘
#من_تحت_الركام
البارت الخامس..
بقلم ازهار ذابله
زهراء العبودي.

ركض سلوان بسرعه فتح الباب وينصدم بمهدي وفاطمه ...

مهدي : ظروري اشوف افنان ..
سلوان : اتفضلوا ..

افنان : فاطمه شلمج ع مهدي وشجايبكم عليه شتردون مني بعد ...
من شفتهم اثنينهم سوه ضجت انقهرت وخفت اكيد مسوين مكسوره وبعد اتعودوا اي سالفه عوجه توگع براسي هذا الي مااله ظهر وماعنده اهل يصير مكفخه قاطعت صفنتي ردت فعل فاطمه وهي تبجي وترجف وحضنتني بكل قوتها ..
فاطمه : الله يستر عليج افنان استري عليه اني مو اختج وغلطت بعد اذا ارجع يذبحوني ..
مهدي : افنان محد عدنا غيرج حاولي تتفهمينه واتساعدينه ..
افنان: هسه غير افتهم السالفه شنو?
سلوان : اني اساعدكم بدون مااعرف قصتكم بس مبين اتحبون بعض اني اخذكم يمي ومحد يوصلكم لا تخافون ..

افنان : سلوان انت اتخبلت لا تورط نفسك بهيج قصص واني لحد يدخلني مناقصني مشاكل واريد احضر لسنه الجايه بالمختصر ماادخل ..
فاطمه : خويه سلوان مالك شغل بيها بس من رخصتكم خمس دقايق واني افهمها. .

اخذتني فطوم ع صفحه وحجتلي الي صار بس ابد مااقتنعت ولا صدگتها ومااعرف الانحطاط يوصلها لهذا الحد وهي جانت جدا خلوقه شلون توصل لهيج حد ..

فاطمه ....
اول مره شفت مهدي بيتهم وعجبني مشايفه هيج شاب مرتب وع الموديل استايل و وسيم
هو هم من شافني منزل عينه مني اعرف هو
ما ركز وماراد علاقتنا تتطور بس اني سعيت
وطورتها اخذت رقمه بطريقتي الخاصه وهاي افنان وحده ثوله بكلمتين ادوخها ..
اخذت رقمه من موبايل امه من جنت ادخل يمهم شفت الموبايل بالمطبخ وفتت بحجة اشرب مي
وعرفته هو رقمه واخذته ...
واتصلت بي واتعرفنا ع بعض ...
جنت اعرف اهلي يرفضون علاقتنا بس گلت احاول وشگد حبيته بس من خلال حجي افنان
جان فارس احلامي ...
ولان مهدي شاب ملعب ويحب العلاقات والبنات بسرعه گدرت اوگعه واخلي يعشقني مو بس يحبني بس امانه اني احب افنان بس هي ثوله ولو اتظل بعد قرن اگباله متحصل عليه ..
اطورت علاقتنا للحد الي مانگدر انعيش بعيد عن بعض واتذكر من افنان دزتلي تعليقات البنات ع صفحته اني اتعاركت وياه وزعلت وخليته يحظرهن كلهن بالحقيقه جنت اني القياده بعلاقتنا ...
الى ان اجه اليوم الي اتقدم بي مهدي وانرفض وامي تعرف بقصتنا وتعرف افنان اتحب مهدي وجانت رافضه وتعتبرني انسانه بلا اخلاق وشلون اخذ الشخص الي اتحبه صديقتي ..
وخاصتن بعد ماعرفت من ام مهدي هي اتريد افنان لمهدي ومهدي جان موافق ع افنان بس منتظرين فتره الحزن تخلص ويخطبونها بس اني اجيت وقلبت كل المقايس وامي ظلت اتلوم وتحجي عليه بس مگدرت اتسوي شي ولان اتخاف من بابا يعرف بعلاقتي وقصة حب واحنا عدنا هاي السوالف ممنوعه يعني گبل يبطلني وابن عمي جاهز بيوم واحد خطبه وزواج ..
وصار الي جنت خايفه منه وحاولت اتقرب لـ افنان بس حته ارجع علاقتي بـ امي وافهمها انو افنان موافقه وبعدهي صديقتي بس ماگدرت وامي مجانت ساكته گدرت اتقنع بابا واتخلي يفكر بزواجي وقرر يزوجني ابن عمي ..
اني ماكو عندي حل غير انهزم مهدي اكيد يرفض ينهزم وياي ويخاف ع اخواته وامه وابوه
اذا لازم اجبره اجبار واخلي غصباً ع خشمه يخلصني من زواج ابن عمي ..
كتبت راسله طويله لـ اهلي وتركتها الهم والفجر اخذت بس الي احتاجه وطلعت وساعدتني بنت خالي جانت يمي ...
رحت لمهدي للبيت ودخلت عليهم وكلتلهم اني متورطه وياه امه ظلت تلطم ابوه ضربه وظلوا حايرين ... مهدي يخزرني بس ميگدر يحجي لان هو هم يحبني وميريد يخسرني ...
بهاي الجذبه گدرت اخليهم يتقبلوني ..
اني ومهدي شردنا يم بيت خالته بنفس المنطقه بس اهلي ميعرفونهم ..
وامه وابوه واخواته راحوا لكركوك يم بيت خاله لمهدي ..
واني مليت من الحبسه واخاف ننكشف ومنطلع ابد وحته بوشي لبست من وصلنا لبيت عم افنات شمرتها..
افنان هي الحل المثالي اكيد تگدر اتساعدني
هم جذبت عليها وگلتلها متورطه ويه مهدي بس مصدگت لازم الگه جذبه جديده ..