من تحت الركام

البارت الثامن

مسائووو 😍😍

بدون تدقيق يعني اذا اكو سحگ غلسوو 😆..

#من_تحت_الركام

البارت الثامن
بقلم ازهار ذابله.
زهراء العبودي ..

مهدي يمي وكل اشويه يتقرب مني ويريد بس يلزمني اني تركتا و وگفت ع المرايه نزعت البرگع ومسحت المكياج وبديت احل التسريحه واحس نفس وراي مهدي ويريد يلزم شعري.
انتفضت وردت ادير وجهي بس مالحگت طوقني بثنين اديه وخله حنجه ع جتفي واني اشوفه بالمرايه ..
ــ مهدي وخر عني ..
ــ ليش اوخر ما اريد اتقرب بعد اكثر واكثر خلي ابدلج اني واني احل التسريحه. .
ــ هيييي ولك انت مخبل ..?
ــ لا انتي مخبله اكو وحده تحجي هيج ويه زوجها ..!
ــ ماا مااا عوفني ..
ــ هااا عفتج بس الي يصير بعدها ميعجبج ابد ..

عافني مهدي واني ماصدگت ركضت بدلت بالحمام وطلعت بعد فتره ولافه نفسي لف بالروب ..

ــ فطوم اعقلي وتعالي ..
ــ اني عاقله اكثر منك وماا اخليك اتسويلي شي فهمت ..
ــ ولج متعبين انتي ..!

دار وجه ومنتظرين يدزولنا عشه موصيلنا سلوان عليه ..
و وصل العشه واتعشينه اگلت بسرعه وخلصت وحجزت السرير الي ..وهو شمرتله مخده جوه ..
نمت وغاطه بالنوم واحس بجسم نايم يمي فزيت اصرخ واصيح ..
ومهدي هم فز يصرخ ويصيح وخبصبنا الدنيا واحنا واحد ميعرف الثاني ليش يصيح. .!
ــ شكوو شبيج?
ــ انت شعندك اهنا مو نمت جوه ..
ــ وانتي فضحتينا ع هاي السالفه?
ـــ اييي ..

لزمني وسحبني وياه بالفراش و وو كملنا بعد فتره اني من صحيت ع نفسي وشفت الي صار بيه عصبت منه وظليت الطم واصيح وهو بس يريد يسكتني ومااسكت ...

سمعنا صاحب الفندق بعد ما سببنا ازعاج للنزلاء وقرر يرجعلنا افلوسنا وگلنا اوت برا ..

الساعه بـ الثنتين واحنا وين انروح ومنعرف احد ولا نندل وماكو سيارات اتروح للريف بالليل ..

اتصل مهدي بـ سلوان وجان نايم بعد اكثر من محاوله رد وانتظرناه اجه اخذنا وخلصنا الطريق عرك بس استحينا انگول السبب الحقيقي ..

سلوان ...
اخر شي من گالت افنان احبك اني انثولت انصطرت ماعرفت شسوي يمكن ممصدگ لا مو يمكن اكيد ممصدگ..
هي هم خجلت وما ردت احرجها بعد اني عرفت بمشاعرها وشنو اتحس اتجاهي ..

رجعنا وصلتها للبيت واني رجعت طلعت يم ولد عمي وظليت لـ الساعه بالوحده ورجعت نمت تعبان ...
نمت وگعدت ع صوت الموبايل واشوف مهدي متصل اكثر من مره ورجع دگ ..
رديت وعرفت الي صار وتعال يسلوان گوم من افراشك وروح جيبهم من يم الفندق شنو من ازعاج هذا ...