من تحت الركام

البارت السابع

مسائووو 😍

#من_تحت_الركام
البارت السابع

بقلم ازهار ذابله
زهراء العبودي ..

دخلت للاداره وحجيتلهم عن افنان وهما هم يعرفون قصتها ويعرفون هي يم عمها وقبلوا
ينطوني النتيجه ..
انصدمت بالدرجات شنو هاي معقوله ..

ــ ست بس متٲكده هاي لـ افنان كاظم!
ـ اي استاذ سلوان .. افنان من الطالبات المتفوقات عدنا ..
ــ شكراا ست ..

طلعت واني ممصدك وفرحان.
اتصلت ع افنان اريد ابشرها بس جان موبايلي مخلص شحن ..
بالسياره واني راجع شحنت بالسياره وبس انفتح الجهاز خابرتها ..
ــ الووو افووش انتي ناجحه لا تخافين ..
ــ يبووو سلوان اعرف ناجحه بس نفس النتيجه الي اريدها لو لا ..
ــ انتي شنو تردين ..?
ــ اكيد اولى ..
ــ اي مثل متردين واكثر كله ميه حته تسعه وتسعين ماعندج..

من سمعت بنتيجتي الهم والحزن كله راح واحس ربي عوض تعبي ..  الحمد لله يارب ..
وان شاء الله السادس هم اگدر اجيب هيج معدل يدخلني طبيه بدون اي مشاكل وافضل قسم ..

بعد مارجع سلوان لبيتهم كال لـ امه معزومين يم ابن عمي وهم رحنا لـ مهدي وفطيم ..

وصلنا الهم سكون ماكو مشاكل بس فطوم قافله ع روحها الباب ومن سمعت صوتنا يلا طلعت.

سلوان : ابشركم افنان نجحت وطلعت الاولى ..

مهدي : مبروك افنان هذا كله بفضلي جنت اني اشرحلج ..
افنان : اي شكراا
فاطمه : وجنتي اتكولين ممجاوبه بالعربي. يلا انتي دوده مال كتب مبروك .. واني شنو نتيجتي ..?
سلوان : مااعرف نسيتج .

ظلينا يمهم وسوالف وضحك ومدري شعجب ماكو مشاكل ..

بس رجعوا ذكروا سلوان لازم يكول لـ ابوه لان مخنوكين من البيت ..

رجعنا منهم وسلوان ما رجعني للبيت اخذني بغير طريق الدنيه جانت ظلمه جداا بس النجوم
تلمع بالافق واصوات غريبه اصوات حيوانات واصوات حفيف الاشجار صعدني بالسياره
واني اسئله وين هو ساكت بس يٲشر براسه يعني اصبري ..
طلعنا بالسياره تقريباً نص ساعه وصلنا لمكان ع النهر مثل الكافتريا اشوف اكو عبارات بالنهر والمكان اصغير وكله اضويه عبالك نهار بس من اشوف السمه ظلامها دامس اكثر واكثر ..
كعدني وهو هم كعد ..

ــ هااا شنو رٲيج بالمكان ..
ــ امم تحفه فعلا يجنن ..
ــ شنو اتريدن تاكلين ..?
ــ اطلبنا ع ذوقك ..
ــ اوك ..

طلبنا اكل وكملنا واشوف الساعه صارت بالعشره وهم ورانه طريق وسلوان بس يباوعلي وبصراحه نظراته اتخوفني شكد اثق بي بس هاي نظرته احسها بيها شي مرعب مااعرف ليش ..