من تحت الركام

البارت الحادي عشر

مسائوووو

بدون تدقيق 😆

#من_تحت_الركام

البارت الحادي عشر
بقلم ازهار ذابله.
زهراء العبودي ..

قبلت اورط نفسي وياهم وهاي المره بٲرادتي
ولازم اساعد مهدي ...
بس بعدني ممتٲكده شلون فاطمه طلعت من الموت وهذول اخوانها شلون عافوها هيج والله عجيبه القصه كلها مو ضابطه ..

سلوان اليوم كله اتصل وادز مسجات وهو ماكو ميرد وحته المسجات يشوفهم وميرد ..
مااعرف شبي واني هم مااريد اكول ع قصة مهدي لان اخاف واني حلفت ..
بس احتاج مساعدة رشا حته اگدر اروح اربيل وهم لازم مااخليها اتحس وخلي سلوان هسه زعلان حته لا يظل يلح ويضوجني وخاف اضعف واگله ...
گدرت اقنع رشا وخليتها هي تگول لـ ابوها وهي رشا هم شافتها فكره حلوه وهم هي كل فتره ومسافره مكان ع مود شغلها وترسم وتعرف بـ اربيل تگدر تستوحي اهوايه مواضيع لرسمها وهم عدها مشروع جديد اتريد تٲلف كتاب عن الفن ومن هاي السوالف
.
المهم عمي اقتنع وصار موعد سفرنا اني اروح ويه رشا وزوجها ومهدي يطلع وحده احنا سجلنا بشركه سياحه للسهوله همه يطلعونه ولمدة شهر سياحه ..
مهدي هم سجل نفس الشي بس بغير رحله مو نفس رحلتنا ..
باجر انسافر واني محضره كلشي احتاجه وهم مهدي خابر گال فاطمه تحتاج ملابس وبعد مدري شرايده وهمزين ناسيه اوراقها الرسميه يم مهدي مماخذتهن وياها ...
بس خلص مهدي وسد الخط دگ بنفس اللحظه سلوان اشويه اتاخرت يله رديت اخذت نفس لان اعرف وراي مشكله ..
ــ ليش مشغوله ويامن تحجين?
ــ ممشغوله ..
ــ هاا هيج لعد اني جنت اتصل صار ساعه مشغول ..
ــ وانت شعليك اني من اتصل وادز مسجات انت مترد عادي بس اني ميصير احجي ويه بشر غيرك ..
ــ افنان هذا الاسلوب مايعجبني وتعرفين اسوي مشكله اكبر من حجمج اذا متحجين هسه بسرعه ..
ــ شنو هذا الاسلوب خلص سلوان انت مو مسؤول عليه ولا انت ولي امري ترا زودتها ..
ــ بسيطه اذا سافرتي لـ اربيل تعالي عاتبيني.
ــ وانت منو گلك ع السفر وشعليك اذا سافرت اني ابراحتي ..
ــ الي گلي مالج شغل بي لج شنو مفكرتني مغفل ومااحس شنو شفتيني مااعرف شنو تحجين انتي ومهدي وحته وين تلتقون بس مع الاسف والله اني الي غليتج وحبيتج اترخصيني وتخونيني ع مود هذا الغبي الي عافج وركض ورا الله يرحمها مااريد احجي ..
ــ خلصت كل الي بگلبك لو بعد عندك شي ..
ــ افنان لا تخبليني جاوبي بس جاوبي ليش بشنو مهدي احسن مني?
ــ سلوان احبك وشنو تحجي وتشك بيه واظل احبك انت مو شخص ثاني وشگد جنت مغليني بس بهذا كلامك رخصتني وصدك اني جنت مشغوله وعادي احجي ابراحتي مو شرط هذا دليل مااحبك ... وانت جنت مترد هم مو دليل ماتحبني وانطيتك الف عذر و وحده غيري اصلا مترد عليك بعد ..بس اخر كلمه اگولها وبعدها اسد الخط .. لا تحكم عليه بشي انت معايشه مو تنسى ترا احبك ..