من تحت الركام

البارت السادس عشر

مسائووو

اسفه بنات ع التاخير والله مو بيدي ظروفي واتمرضت وهم شغل اتمنى اتعذروني ..

#من_تحت_الركام

البارت الخامس عشر

بقلم ازهار ذابله.

مو مااحبك بس مجبوره ابتعد عنك

كرامتي مشاعري واحساسي واحتراماً

لـ حبك لازم ابتعد وانساك او اتناساك ..

احبك بس لازم ارجع غريبه بعينك وانت

ترجع ذاك الغريب الي التقيت بي صدفه

وشاءت الاقدار ان تكون روحي بجسد اخر...

صارت عيوني بعيونه وهو متمسك بيه بكل قوته واني بدون مااحس لكيت نفسي مخليه راسي ع صدره وابجي واصرخ اي احبك احبك احبك ..

بس لازم نبتعد وتنساني وتنسى الي صار ..

ماتركني ولا بعد حجه شي بس اسمع صوت بجي وهو متمسك بيه وانفاسه حاره حركت روحي وهي تلفح وجهي ...ابتعدت عنه وهو يبجي وبعد كرامته مسمحتله يتوسل اكثر تركني هو هم ابتعد ..

اتفقنا انكون مجرد زواج ع الورق بس ...

اني لازم اتحمل وانساه وابد ماادخل بحياته ..

تركتله الغرفه وانتقلت بالصاله بس من اسمعه يخابر انقهر واغار بس مااحجي هم هو من حقه يحب وينحب خلي يشوف غيري خلي يحب ويتزوج لان اني مستحيل اسامحه مستحيل ..

سلوان ...

تعبت من افنان وكل طريقه اسخدمها وياها تفشل واخسر وياها كرامتي ورجولتي اني ابن شيخ والناس تحترمني تاليتي اتوسل بيها وهي بس ترفضني وتصدني ليش يعني اذا اتسامحني شنو تخسر ..

تركتها ورجعت يم اهلي بس مااخلي امي اتشوفني بس اغلب الوقت يم ابوي بالمضيف بس بالليل ارجع للبيت وبعد ابد مااحجي ويه افنان وسويتلها نقل وكملته...

واني خلصت اجازتي ورجعت اداوم وافنان خليتها يم اهلي لان مااكدر اعوفها وحدها بالبيت اخاف عليها وهم هي متقبل اتروح وياي لـ بيت عمها ..

تركتها واني مجبور شنو بيدي وشنو اسوي حته تنسه صح اني غلطت واهوايه بس هي لازم اتسامحني لان اتحبني لو اتحبني صدگ جان مازعلت مني هيج وخلتني اتوسل بيها ..

فاطمه ....

اتصل ع افنان ومترد عليه وبس هي تگدر اتساعدني واطلعني من هاي البلوه ..