بين الماضي والحاضر

6

بين الماضي والحاضر

همس القوارير

بيج قصص همس القوارير

البارت السادس

بعد الخطبه بيومين گالت امي
امي : اگولك يمه ما تروح تسير على مريتك تشوفها شنو ما شنو وتاخذلها وياك فد شي

عساف : هااا اي يمه صدك شنو اخذلها مثلا

امي : يمه اخذلها حلويات وفواكه ومن تسولف وياها شوفها شنو تحتاج وجيبلها

عساف : ان شاءالله يمه خير ان شاءالله اليوم امرلهم العصر انتي ما ترحين وياي

امي : لا يمه شسوي رايحه وياك انت ومرتك اني شكو داخله بالنص

عساف :  ماشي يمه خير ان شاءالله

وصدك صارت العصر رحت للبيت سبحت وبدلت وتعطرت ومن طلعت اخذت حلويات وفواكه ورحت وصلت لبيت خالتي دخلت همين تلگوني وسلموا عليه وتفضل وعصاير وكيك ومن هالسوالف تالي طلعوا كلهم وبقينا اني ونور واخوها امجد عمره تقريبا ١٠ سنوات انتضره هسه يطلع بعد شوي يطلع ماكو 

عساف : مجودي شعندك هنا ما تروح تكعد يم اخوانك

امجد : وين تريد تزحلگني ابوي ما يقبل

عساف : يعني شنو راح تبقى مگابلني

امجد : ما تدير وجهك اني گايلك گابلني

عساف : ههههه لا حبيبي مو اريد احجي ويه نور ميصير هشكل

امجد : ما تحجي هو اني لازمك لو انت بس تريدني اطلع

عساف : حبيبي زين انطيك فلوس تروح تشتري

امجد : خاف عبالك اني زعطوط وتقشمرني بسوالف الجهال خيولن

عساف : يعني ماكو فايده من هذا اخوج هو اني جاي اشوفج لو اشوفه والله حاله هاي

نور : لا عيني خليه لا تضوج نفسك مو بابا گاله لازم تگعد يمهم وما تگوم ولا تتحرك

عساف : وشدعواته هذا ابوج راح ناكلج خوما ما ناكلج

نور : اسكت عيني مو يسمعك هذا ويروح يوصله

وبقينا كاعدين ساعه تقريبا وسوالف عاديه لان منگدر نحجي لان الشرطي كاعد اوووف ابقى هيج ما عندي حظ المهم رجعت للبيت فاير  دمي من رجل خالتي ونزلت على امي

عساف : هم هذول بيت اختج الي سبيتيني بيهم اروح ومكعديلي شرطي يمي لا اكدر اسولف لا اكدر احجي لا اكدر ابوس هي هاي عيشه

امي : ههههههه هي هاي الكاتلك البوسه لا تخاف اني احجي وياهم شسالفه وين عايشين بعد هي صارت مرتك من شنو يخافون

عساف : والله ما ادري وهذا مجيد من الزمه والله اله اموته اله اخلي دمه بطوله

امي : هههههه عزه بعينك ضحكتني والله هو امجد شله غرض هذا غير ابوه هو عبد المأمور

عساف : اي دافعي انتي شعليج قابل شفتي اليوم الموقف الي مريت بيه

امي : ههههه ولا يهمك بعد امك اني اليوم احجي وياهم وميصير خاطرك اله طيب

المهم امي همين حجت وياهم   بس هم ما قبلوا گالوا ابوها ميقبل الى ان تزوج وبقى الحال كما هو عليه اروح بالاسبوع مره وهذا مجيد يگابلني ويگعد اسولفلي سالفتين واطلع ضلينا مخطوبين تقريبا ٤ اشهر بعدها ما تحملت گولتلهم خلاص اريد اتزوج مليت وفعلا حددنا يوم العرس  واشتريت غرفه وكملت تجهيزات العرس وعزمنا ناسنا وأهلنا وكنا كولش فرحانين وسوينه العرس  بيتنا وكان كولش حلو ودخلت على نور وشفتها مثل اللعابه جمال ونزاكه وجسم وريحه وكولشي بيها حلو تعشينا اني وياها وكلما اتقربلها تخجل وتحمر واني اذوب واعشق خجل البنات اويلي خذت الگلب والروح وكنت كولش فرحان بيها واول مره بحياتي اتقرب لمره حتى لو ما تصدكون بس والله هذا واقعي رغم شكلي وشخصيتي بس اول مره الزم مره وهي زوجتي نور المهم هي حبابه كولش وگلبها طيب وامي كولش تحبها واني همين حيل حبيتها بالرغم اني كنت احبها بس ما اعبرلها عن مشاعري ما اعرف كنت مخلي بنفسي انو الحب ضعف واني مو ضعيف كانت شخصيتي قويه والدنيا علمتني ما اضعف ما اعرف يمكن لان شفت ضلم بحياتي وفقر وقهر بحيث ماتت مشاعري كانت دائما تگولي

نور : عساف انتي تحبني لولا

عساف : طبعا احبج ليش انتي مو مرتي

نور : بس اني ما احس انت تحبني انت ليش ما تعبرلي

عساف : لا والله احبج اني ما معاشر نسوان ولا عندي وحده قريبه عليه مثلج حتى ابينلها حبي اني ما اعرف اعبر عن مشاعري

نور : تقسم قسم انت تحبني

عساف : قسما بالله العضيم احبج وما عندي غيرج

نور : خلاص هذا يكفيني

عساف : ليش ما احبج اشو جمال ورشاقه ونزاكه ومداريتني بعد شنو اريد  دتعاي بحضني

خطيه بين فتره وفتره تسألني هالسؤال لان اكو شي بيه اني ما اعرف شنو يخليني ما اهتم الهسوالف المهم من الشهر الاول حملت نور وكانت نساوتها خطيه تكسر الخاطر ما تحب تاكل اكل بيتنا ولا تحب تشم ريحة الطبخ ضلت تاكل بس عصير وبساكت ومرات اروح اتعنى اجيبلها كباب او معلاك لان انقهر عليها خطيه ومرات خالتي تدزلها من اكلهم ومرت الايام وجابت غسق يمه شلون جمال شكره وعيون عسلي وطرت بيها وفرحت وامي ما مصدگه تشوف جهالي تحتار شنو تسوي خطيه والحمدلله والشكر مرت سنه وحملت نور مرة الخ وهمين جابت روان صارو عندي بنات اثنين والحمدلله والشكر وحده احلى من الخ حسيت بطعم الضنى وحسيت بالمسئوليه اكبر وزاد حملي اهلي مو مثل جهالي هذول مسئوليه وخوف عليهم وعلى مستقبلهم اكثر وهمين بنات لازم أمن مستقبلهم اني يا دوب كاسب وعلى كد حالي قررت اطور نفسي واشوف حياتي  وقررت استقل بذاتي واشوف حياتي بس ما استغني ولا اطلع منهم ابد لان هم ما عدهم غيري اني المعيل الوحيد الهم واخوي مختار صار محامي والحمدلله وتوضف بالمحكمه وشال نفسه ومرات ينطي لأمي مصرف واختي تزوجت وبقينا بس احنا الولد ونور وامي وبناتي غسق وروان المهم بعد التفكير قررت استقل بذاتي واشوف حياتي قررت احجي ويه عدنان

لحكايتي بقيه

لا احلل ولا اهب لكل شخص يرفع اسمي او اسم القصه ويكون خصيمي يوم القيامه