صرخة عار(مكتملة)

الحلقة 3

متابعه طيبه أحباب قلبي

صرخة عار
الحلقة 3

تلفتت طول...

شوي قالي:-انجي نساعدك؟؟؟
ثقيله عليكِ.

أنا في عقلي ياربي لطفك ما حنوا عليا هلي شن سر هالمحنه..

أنا:-لالا..

ونزلت انهرس زي الهبله.

مش عارفه شن عاجبه في وحده كيفي .

نزلت لقيت الصابر في الصاله ومعاه سهام.
جيت قعمزت هي صبت على طول ومزالت امعلقه خشمها.

ناقصني أنا ما خاصني غير وجهها فتتها وخذيت الريموت انقلب في القنوات...

الصابر عصب:-مش تشوفي في انتقرج داء يأخذك..

أنا:-اها اسفه .
هاك.
الصابر:-وجع انشالله الجاهله هذي...

أنا صبيت لأني عرفت أنه سهام امعبيتله راسي وهو حطني في راسه والله معندي جهد لا له ولا لغيره...

منك لربك يا سهام في مغرب هالجمعه...

خشيت نطمن على أمي لقيتها متكيه رديت طلعت نادت وراي:-حواء يا حواء..

رديت:-ها يمي؟؟؟
أمي:-صالحه وين عدت لحوشها؟؟؟؟
انا استغربت!!!!!!!!!!!لالا قاعده تغدت هنا.

كيف ما جاتك ولا صبحت عليك؟؟؟

أمي:-لالا نحسابها روحت أمس في الليل.
الله يربحك كلميها لي...

مشيت نبي نكلمها معقوله وصلت بيها ما اتخش تطمن على أمها وادردش معاها..

عليش جايه معناها؟؟؟؟؟؟؟
و لا يا ربي السبب معروف فندق خمس نجوم ما خادم مخلص وبضمير وتحت أمر الجميع..

خشيت لقيتها مع لمياء في دار البنات متكيات ويهدرزن..

طبعاً هي دار لمياء أما أنا نرقد مع أمي ومره مره في المطبخ ودبشي في كل مكان يلتقى..

أنا:-صالحه امك تسأل عليك؟؟؟

صالحه:-كنها؟؟؟؟؟
أنا:-عيب ما تخشي تصبحي عليها اليوم ولا تطمني عليها تحسابك مش قاعده..

صالحه صبت:-يييييييييي نسيت.
ليمو عينك من البنت نشوفي ماما ونجيك...

اااااااااااااااااه وخلاص يا ربي..

مش عارفه شنو الذنب يلي دايرته أنا في عمري خلا حياتي بالشكل هذا؟؟؟؟؟

والله ما عمري اذيت حد ولا عاديت حد طول عمري مسالمه وفي حالي..

أمتى ربي يتوب علي من هالعيشه؟؟؟؟

المشكله أني ما نتمنى أمي تموت أنا شئ بلاها...

يارب يا رحيم تلطف بالحال...

طلعت للصاله لقيت دلال مرات خويا شعيب مقعمزه.