صرخة عار(مكتملة)

الحلقة 18

صرخــة العار
الحلقة 18

ثاني يوم نضت تاعبه بكككككل وظهري يوجع فيا وحاسه بدوخه...

جيت نبي نوقف بس خفت نطيح قعدت في مرقدي وخلاص.....

دق الباب وخشت دلال وجها احمر وجرتها مكمله الليل بكاء عيونها وارمات...

جتني:-كنك مزلتي راقده؟؟؟؟؟
أنا:-داخيه.
خايفه نوقف نطيح..

دلال:-لا ارحمبيك خليك مكانك...
هذا شئ طبيعي لكل حامل......

أنا:-دلال سامحيني...
اسمعي ما تقاطعيني،،،،،عارفته غلط وغلط كبير وعار وفضيحه بس والله والله نااااااااااااادمه نااااااادمه والله نقطع في روحي ليل ونهار من الندم...

دلال:-مش مهم نسامحك أنا المهم خوتك يا حواء حي كان يعلموا حي.

ووقفت تبكي وقعدت تحكي وتبكي:-وحق الله يقتلوك يذبحوك..
وفوق هكي ربك يا حوااااااء..

أنا قعدت نبكي:-أيش ندير يعني نقتل روحي...
دلال:-ردي بالك..
أنا والله طول الليل ما رقدت وأنا ندورلك في حل،،،بس شئ ما طلع معايا شئ..

الحل أنك تجيبي ماهر من تحت الأرض.
هو مش عارف صح؟؟؟؟؟؟

أنا:-لأ.
دلال:-والله ماني مصدقه كيف طاوعك ضميرك تخوني إسراء..

أنا نبكي:-تي كنك أنتي كنك؟؟؟

والله والله وتراب أمي الغاليه ما كنت عارفه أنه راجلها،،،،
والله كنت نعرفه ومعاه قبل حتى ما نتعرفوا على إسراء...

دلال لطمت على خدها:-يعطيك دعووووة.
من زماااان أنتي معاه.
حسبي الله ونعم الوكيل فيك يا حوااااااء.
أخرتها تبي تواطي روسنا نمشوا بين الناس وعيونا في الأرض.

أنا:-وهو كذب عليا يقولي أنا اسمي نزار.
كذب في اسمه وفي عمره في كل حاجه كذب..

دلال:-بس خلااااااص اسكتي.
سكرررررررري فمك..
سااااااااد سااااااااد.
توا بالله نحنا ناقصنا هم؟؟؟؟؟؟
ناقصنا غم؟؟؟؟؟
ناقصنا قهر؟؟؟؟؟؟؟؟

أنا قعدت نبكي وقلت ياريت ما حكيت لها كنت احسن قبل ما نخكيله من اول ما حكيتله زاد تعب الضمير اضعاف الأضعاف...

دلال:-خلاص اسكتي.
هذي سهام براااا تضم في دبشها ره تسمعنا..

أنا:-كنها؟؟؟!!!!!!!!!!!!
دلال:-اها،منكش عارفه أخره؟؟؟؟؟؟
ماعليك لوم ولا عتب والله ،،،من يبي يلوم عليك حامل وتتوحمي.
كيف تبي تعرفي شن صاير...

سهام متعاركه مع خوك وحرجانه عند هلها والسبب ما حد حكاه لا هي ولا هو...

ووقفت وسيبتني....

طلعت دلال طبعاً لقت سهام ماشيه قعدت تضم في الحوش وتفكر شن ادير؟؟؟؟؟؟؟؟؟؟؟

كيف تساااااااعدني؟؟؟؟؟؟
بس مفيش حل؟؟؟؟؟؟؟؟؟؟؟